​[తెలుగుబ్లాగు:22458] త కి ర వత్తు మరియు య వత్తు ఇవ్వటానికి సూచన

[తెలుగుబ్లాగు:22458] త కి ర వత్తు మరియు య వత్తు ఇవ్వటానికి సూచన ఇవ్వండి

నాకు "త కి ర వత్తు మరియు య వత్తు" (trya - త్ర్య) అని ఇవ్వాల్సిన అవసరం వచ్చింది.  లేఖిని లో రావట్లేదు. దీనికి సూచన ఇవ్వగలరు. 

ఈ ప్రశ్నకు నేనిచ్చిన సమాధానం..

త్ర్య ని లేఖినిలో తేలికగా వ్రాయోచ్చును.. మీరు ఆ అక్షరం ఎలా ఉండాలని చెప్పారో - అచ్చు ఈ క్రింది విధముగా వ్రాస్తే చాలు.. మీకు కావాల్సిన త్ర్య అక్షరం వస్తుంది. కావాలంటే ఈ దిగువన జతపరచిన తెరపట్టు - స్క్రీన్ షాట్ ని గమనించవచ్చు.

​

            

[తెలుగుబ్లాగు:22573] "స్వాతంత్ర్యము" వగైరా... పదాలు

[తెలుగుబ్లాగు:22573] "స్వాతంత్ర్యము" వగైరా... పదాలు 

"స్వాతంత్ర్యము"   "దారిద్ర్యము". వంటి పదాల్ని లేఖిని ఉపయోగించి కరక్ట్ గా  రాయడం ఎలా???  అనే ప్రశ్నకు నా సమాధానం :  లేఖినిని ఉపయోగించి, ఈ క్రింది విధముగా మీరడిగిన పదాలని వ్రాయవచ్చు.. / టైప్ చెయ్యవచ్చు.

[తెలుగుబ్లాగు:22491] mlaana పదాన్ని లెఖినిలో వ్రాయడమెలా?

mlaana పదాన్ని లెఖినిలో  వ్రాయడమెలా?

మీరడిగిన mlaana అనే పదాన్ని లేఖినిలో తెలుగులో ఎలా వ్రాయాలి అని అడిగారు కదా.. అలాగే టైపు చేస్తే ఈ క్రింది - మొదటి తెరపట్టు లాగా వచ్చిందని అనుకుంటున్నాను. ( జూమ్ చేసి ఎర్రని గదుల్లో పెద్దగా అందరికీ కనిపించేలా చేశాను ) కొన్ని కాంబినేషన్ పదాలు టైపింగ్ లో ఇబ్బంది పెడుతాయి. 

ఇలాంటి కాంబినేషన్ పదాలని & కీ తో ( కీ బోర్డ్ లో shift + & ) వాడితే మీకొచ్చిన ఇబ్బందిని తేలికగా తొలగించుకోవచ్చును. అది ఎలాగో ఈ క్రిందన చూడండి. 

​

[తెలుగుబ్లాగు:22483] కి నా జవాబు

[తెలుగుబ్లాగు:22483] BhutEbhya&@H  ani koditE భుతేభ్యః Ya vattu last lo vasthondi Bha prakkana raavadaaniki nenu emi cheyyali? అనే ప్రశ్నకు నేనిచ్చిన జవాబు : 

మీరు అడిగిన ప్రశ్నలోనే మీకు కావలసిన పదాన్ని తెలుగులో చూపించారు. అది చూస్తే - మీకు కావలసిన పదం (  భుతేభ్యః  ) మీకు వచ్చేసినట్లుగా కనిపిస్తున్నది. అలా వచ్చాక కూడా మీరు అలా ఎలా టైప్ చెయ్యాలో మళ్ళీ అడిగినట్లుగా తికమకగా ఉంది. అయిననూ మీకు సమాధానంగా ఈక్రింది తెరపట్టుని చూపిస్తున్నాను. అందులో మీకు పరిష్కారం కనిపించవచ్చు. 

గూగుల్ తెలుగు లిప్యంతరములో : 

​

లేఖిని లో : 

​

ఇలాంటి ప్రశ్నలకు సమాధానం ఇచ్చేటప్పుడు నాకు ఏర్పడిన ఇబ్బందులను ఇప్పుడు మీతో పంచుకుంటున్నాను. ఇలాంటి ప్రశ్నలను ఇకమీదట అడిగే ఈ బ్లాగర్స్ గ్రూప్ సభ్యులందరూ గుర్తుంచుకోవాల్సిన విషయాలు ఇవి. 

1. మీరు టైప్ చెయ్యాలనుకుంటున్న పదం ని టైప్ చెయ్యడం రాకపోతే - దాన్ని ఒక పేపర్ మీద వ్రాసి, ఫోటో తీసి మెయిల్ తో బాటుగా పంపండి. దాన్ని చూశాక ఎలా దాన్ని టైప్ చెయ్యాలో చెప్పడం ఇతర సభ్యులకు తేలికగా ఉంటుంది. 

2. మీరు అడుగుతున్న పదం ఎలా టైపు చెయ్యాలన్నది - ఇంస్క్రిప్ట్, లేఖిని..... లాంటి సైట్లలోనా లేక గూగుల్ వారి లిప్యంతరం లోనా అన్నది కూడా తెలియచెయ్యండి. ఇది ఎందుకంటే ఈ రెండింటిలో కాస్త వేరుగా టైప్ చెయ్యాల్సి ఉంటుంది. పైన ఉన్న తెరపట్లలో ఈ విషయాన్ని మీరు గమనించవచ్చు. చాలామంది ఇక్కడే అయోమయానికి గురి అవుతారు. మీరు ఇంస్క్రిప్ట్ లో టైప్ చెయ్యాలని అనుకొని అది ( ఇంస్క్రిప్ట్ అని ) ప్రస్తావించకుండా అడిగితే - సభ్యులు లిప్యంతరం లో గనుక మీకు సమాధానం ఇస్తే - అది మీకు సరియైన పరిష్కారంగా తోచదు. అందువల్ల మీరు ఎందులో టైపింగ్ చేస్తున్నారో  తప్పనిసరిగా చెప్పాలన్నది గుర్తుపెట్టుకోవాలి. 

3. మీరు టైప్ చేస్తున్నప్పుడు వచ్చిన తప్పుడు పదాన్ని - ఎలా వస్తున్నదో గ్రూప్ లోని ఇతర సభ్యులకు చూపించడానికి - దాన్ని స్క్రీన్ షాట్ ( తెరపట్టు ) తీసి, పోస్ట్ చెయ్యండి. మీ సమస్య ఏమిటో తోటి బ్లాగర్స్ కి బాగా అర్థం అవుతుంది. 

- అచ్చంపేట్ రాజ్  

టైపు చేసినప్పుడు కింద బాక్సులో ఆప్షన్లు వస్తున్నవి. అట్లా రాకుండా చేయటం ఎట్లా?

[తెలుగుబ్లాగు:22383] టైపు చేసినప్పుడు కింద బాక్సులో ఆప్షన్లు వస్తున్నవి. అట్లా రాకుండా చేయటం ఎట్లా? 

అనే ప్రశ్నకు నేనిచ్చిన సమాధానం..

టైపు చేసినప్పుడు కింద బాక్సులో ఆప్షన్లు వస్తున్నవి. అట్లా రాకుండా చేయటం ఎట్లా? అని అడిగారు కదా.. అలా రావటం అన్నది మామూలే.. మన టైపింగ్ సౌలభ్యం కోసం అలా వస్తుంటాయి. నిజానికి అలా రావటం చాలా ఉపయోగకరముగా ఉంటుంది కూడా. మరింత వివరముగా చెప్పాలీ అంటే - యూనికోడ్ లో మనం వ్రాసే టైపింగ్ వల్ల ఒక పదం వ్రాయబోతే మరొక పదం వస్తుంది. ఇలా రావటం అన్నది మనం టైపింగ్ చేసే పదానికి డిఫాల్ట్ గా ఉన్న పదమే మొదటగా కనిపిస్తుంది. అంటే మనం టైపు చేసినది సరియైనది అయితే అది మొదటగా కనిపిస్తుంది. అది ఒకే అనుకుంటే వెంటనే స్పేస్ బార్స్ నొక్కి, మరొక పదాన్ని వ్రాసుకుంటూ వెళతాం.. ఇలా వ్రాసుకుంటూ వెళుతున్నప్పుడు - ఒక్కోసారి మనం అనుకున్న పదాలు అక్కడ రావు. ఎలా టైపు చేసినా సరే.. ఇంస్క్రిప్ట్ లో మాదిరిగా యూనికోడ్ లో మరింత మెరుగ్గా టైప్ చెయ్యటానికి అవకాశం లేదు. అందువల్ల ఈ ఆప్షన్స్ తప్పనిసరి అవుతుంది. అవి రాకుండా మనం అనుకున్న పదాలతో విషయాన్ని టైప్ చెయ్యటం కాస్త కష్టమే. అచ్చుతప్పులు రాకుండా సరైన కీలను వాడి పదాలను టైపింగ్ చెయ్యటం అందరికీ సాధ్యం కాదు కదా.. 

అంతెందుకు.. పైన ఈ పోస్ట్ లో వల్ల అనే పదాన్ని ఎర్రని రంగులో పెట్టాను. ఆ పదాన్ని వ్రాయటం అస్సలు వీలు కాలేదు. రెండు మూడు సార్లు టైప్ చేసినా వాళ్ళ అనే పదం మొదటగా వచ్చింది. 

​

అంటే పదమే డిఫాల్ట్ గా సెట్ అయ్యి ఉందన్నమాట. చివరికి ఆప్షన్స్ లోని పదమే ఎన్నుకొని.. ముందుకు సాగాను. ఆ ఆప్షన్ లేకుంటే వాళ్ళ అనే వచ్చి, వారి యొక్క అనే అనే అర్థం వచ్చేది. సో, ఆప్షన్ ఉండటమే మంచిదన్నది నా అభిప్రాయం. అందరికీ అర్థం కావాలని చాలా పెద్దగా చెప్పా.. మన్నించండి. 

లేఖినిలో సున్నాని టైప్ చెయ్యడం

[తెలుగుబ్లాగు:22437] వత్తు ప్రక్కన సున్నా టైపు చేయడం కుదరటం లేదు, సహాయం చేయగలరు.

ఉదహరణకు 'చేయడం' లో సున్నా సులువగా టైపు చేయవచ్చు కాని 'సెల్వం' లో మత్రం వత్తు ప్రక్కన ఉన్న యెడల ఎలా టైపు చేయాలో తెలియడం లేదు. దయచేసి సహాయం చేయ మనవి. 

ధన్యవాదములు 

పై సందేహానికి నా సమాధానం..

మీరు తెలిపిన సందేహంలో " చేయడం, తెలియడం, సహాయం.. " వాటిని చాలా తేలికగా టైప్ చేసిన మీకు - చాలా మామూలుగా టైప్ చేస్తే వచ్చే selvam సెల్వం పేరు టైపు చెయ్యడంలో ఇబ్బందిగా ఉంటున్నది అంటే ఆశ్చర్యముగా ఉంది. వీవెన్ గారు మీ సందేహానికి సమాధానం ఇచ్చినా, లేఖిని వాడుక మీకు క్రొత్తగా భావించి, కాస్త పెద్దగా, వివరంగా చెప్పాలనిపించి ఈ రిప్లై ఇస్తున్నాను.. అంతేగానీ మరోలా భావించకండి. ఈ క్రింది లేఖిని తెరపట్టులో ఎర్రని వృత్తం లో చూపినది ( M ) - పదం ప్రక్కన సున్నా రావటానికి వాడే కీ. కీ బోర్డ్ మీదున్న M కీ ని వాడి మీరు అలా పదాల చివర సున్నాని వచ్చేలా చెయ్యవచ్చును. 

టైప్ చేసిన పదాలు, వచ్చిన తెలుగు పదాలని వాటి ప్రక్కనే పెద్దగా జూమ్ చేసి, బాణాల గుర్తులతో చూపించాను.. గమనించగలరు. 

​

అలా వత్తు ప్రక్కన సున్నా రావటానికి M మీటని వాడితే సరి. అలాంటి మరికొన్ని పదాలు ఎలా వ్రాయాలో మీకు తెలియడానికి మరికొన్ని ఉదాహరణలు ఇక్కడ ఇస్తున్నాను. వాటిని అభ్యాసం చెయ్యండి. 

diTTam = దిట్టం, 

prEmaikyam = ప్రేమైక్యం, 

gAndharvam = గాంధర్వం, 

Arghyam = ఆర్ఘ్యం, 

kAryam = కార్యం, 

divyam = దివ్యం, 

pAnchajanyam = పాంచజన్యం.    

chEyaDam = చేయడం, 

tinaDam = తినడం, 

sahAyam = సహాయం, 

aDagaTam = అడగటం, 

kOpam = కోపం, 

SAntam = శాంతం, 

teliyaDam = తెలియడం, 

cheppaTam = చెప్పటం, 

vinaDam = వినడం..... ఇలా చాలానే ఉన్నాయి. 

పేజీ వీక్షణలు Page views

నిన్న మామూలుగానే నా బ్లాగ్ ని తెరిచా.. అప్రూవ్ చేసే కామెంట్స్ ఏమున్నాయో చూద్దామని నొక్కబోయి, Stats (Statistics) టూల్ ని నొక్కాను. ఆశ్చర్యం... నిన్న ఒక్క రోజే పేజీ వ్యూస్ Page views 600+ ఉన్నాయి. ఇంతగా పేజీ వ్యూస్ (వీక్షణలు) ని నేనెప్పుడూ గమనించలేదు. అప్పుడెప్పుడో 400+ వస్తేనే అబ్బో.. అనుకున్నాను. మామూలుగా అయితే 100 - 150 వ్యూస్ కన్నా ఎక్కువ రావు. నిన్న ఏదో అద్భుతమైన పోస్ట్ వేశాననీ కూడా కాదు. మామూలు గుడ్ మార్నింగ్ పోస్ట్ యే. సరే.. టైం ముగిసే సరికి ఎన్ని వ్యూస్ వస్తాయో చూద్దామనుకొని, బ్లాగ్ ని అప్డేట్ చెయ్యకుండా వదిలేశా.

ఈరోజు ఉదయాన బ్లాగ్ ని తెరచి - Stats ని తెరిచా.. ఆ వివరాలను చూసి, నేనే నమ్మలేక పోయాను.. 688 వ్యూస్ వచ్చాయి. నాకు తెలిసినంతవరకూ నా బ్లాగ్ కి ఇదే అత్యధిక పేజీ వ్యూస్ అనుకుంటాను. నిన్న ఆ వీక్షణలు కూడా అమెరికా నుండే ఉన్నాయి.

అందరికీ కృతజ్ఞతలు.

Comments notification in new dashboard

క్రొత్త బ్లాగర్ డాష్ బోర్డ్ లో కాసింత తికమక ఉంటుంది అని చెప్పానుగా.. అదేమిటో, అందులో ఒకటి ఇప్పుడు చెబుతాను. 

మన బ్లాగులో వేసిన పోస్ట్ కి వచ్చిన కామెంట్స్ ఏమైనా ఉంటే - కామెంట్ మాడరేషన్ గనుక పెట్టకుంటే - ఆ కామెంట్ నేరుగా ఆ పోస్ట్ కి కామెంట్ గా పబ్లిష్ అవుతుంది. అదే గనుక మన బ్లాగ్ కి కామెంట్ మాడరేషన్ పెట్టుకుంటే మన డాష్ బోర్డ్ లో ఎర్రని అక్షరాలతో ఒక నోటిఫికేషన్ వచ్చేది. దాన్ని తెరచి, ప్రచురణకి అర్హమైనదైతే పబ్లిష్ బటన్ ని నొక్కేవాళ్ళం. కాదనుకుంటే డిలీట్ చేసేవాళ్ళం. విసిగిస్తే స్పాం గా మార్చేస్తాం.. ఇదంతా పాత డాష్ బోర్డ్ సంగతి. ,మీకు తెలిసిన విషయమే.. మరి ఈ క్రొత్త డాష్ బోర్డ్ లో ???

ఈ క్రొత్త డాష్ బోర్డ్ లో - మన పోస్ట్ కి ఏదైనా కామెంట్ వస్తే - అది అప్పటిలా, నేరుగా కనపడేలా నోటిఫికేషన్ రాదు. మనమే ఏదైనా కామెంట్ నోటిఫికేషన్ వచ్చిందా అని వెతుక్కోవాలి - అనేలా ఉంటుంది. పాతదానికి అలవాటైన వారు ఈ విషయాన్ని బాగా గుర్తుపెట్టుకోవాలి. 

అది ఎలా చూడాలో ఈ క్రింది స్క్రీన్ షాట్ లో చూద్దాం.. 

1. మీ బ్లాగర్ డాష్ బోర్డ్ ని తెరచి, అందులో ఎడమవైపున ఉన్న ప్యానెల్ లో మూడవదైన Comments ని  1  నొక్కండి. 

2. ఆ కామెంట్స్ లోని మరో విభాగం అయిన Awaiting Moderation  2  ని నొక్కండి. 

3. ఇప్పుడు - మీ బ్లాగ్ పోస్ట్ కి వచ్చిన కామెంట్స్ ఏమైనా ఉంటే  3  వద్ద చూపినట్లుగా కామెంట్స్ కనిపిస్తాయి. 

4. ఆ వచ్చిన కామెంట్ ప్రచురణకు అర్హమైనదని  మీరు భావిస్తే - 4  వద్దనున్న చిన్న గడిలో మీ మౌస్ కర్సర్ సహాయన టిక్ చెయ్యండి. 

5. ఇప్పుడు  5  వద్దనున్న Publish అనే బటన్ ని నొక్కితే - ఆ కామెంట్ ఆ పోస్ట్ లో పబ్లిష్ అవుతుంది. 

6. ఒకవేళ మీ బ్లాగ్ కి ఏమీ కామెంట్స్ రాకుంటే - పైన చెప్పిన 1, 2 పద్ధతుల్లో వెళ్ళాక 3 వద్ద ఇలా ఈ క్రింద చూపినట్లుగా  6  లా There are no pending comments అని కనిపిస్తుంది. 

New Blogger Dashboard

కొద్దిరోజుల క్రిందట బ్లాగర్ డాష్ బోర్డ్ మారింది. ఇది వీక్షకులకు కనిపించదు. ఈ మారిన డాష్ బోర్డ్ కేవలం ఆయా బ్లాగ్ స్వంతదారులకు మాత్రమే కనిపిస్తుంది. ఒకప్పుడు బ్లాగర్ డాష్ బోర్డ్ ఇలా క్రింద ఫోటోలోలా కనిపించేడిది. దీని క్రింద మనం పోస్ట్ చేసిన పోస్ట్స్ తాలూకు వివరాలు కనిపించేవి. మిగతా వాటన్నింటికీ లోపలికి వెళ్ళి వివరముగా చూడాల్సి వచ్చేది. 

ఇప్పుడు అలా కాకుండా అంతా ఒకే డాష్ బోర్డ్ క్రిందకు మార్చి, ఒకచోటనే మన బ్లాగుకి సంబంధించినవన్నీ చూడటానికి - పాత డాష్ బోర్డ్ స్థానాన్నే - మరొక క్రొత్త బ్లాగ్ డాష్ బోర్డ్  Blog Dash board ని ప్రవేశపెట్టారు. మీరు మీ బ్లాగ్ ని తెరచి చూస్తే మీ బ్లాగ్ హోం పేజీ గా - ఈ క్రొత్త డాష్ బోర్డ్ కనిపిస్తుంది. ఆది ఇలా ఉంటుంది. 

అలా మారిన బ్లాగ్ హోం పేజీ కాస్త మసకగా మారి, దానిపైన కాన్ఫిడెన్షియల్ Confidential అంటూ పాపప్ విండో Popup Window కనిపిస్తుంది. 1 వద్ద కనిపిస్తున్న Got it అనే బటన్ ని నొక్కి ఆ పాపప్ విండో ని తీసేయ్యవచ్చు. 

అలా అయ్యాక, మీకు Your blogs live here అంటూ మరొక పాపప్ విండో కనిపిస్తుంది. ఇది ఆ డాష్ బోర్డ్ లో ఎడమ, పై భాగములో మూలన కనిపిస్తుంది. ఇందులో - మీరు ఈమధ్య అప్డేట్ చేసిన / పోస్ట్ చేసిన మీ స్వంత బ్లాగ్స్ అన్నింటినీ ఒక వరుసక్రమములో మీరు ఇక్కడ చూడవచ్చును. 2 వద్దనున్న Got it ని నొక్కి, ఈ పాపప్ విండో ని తొలగించవచ్చు. 

బ్లాగర్ గుర్తు క్రిందన మీరు ఈమధ్య అప్డేట్ చేసిన / పోస్ట్ చేసిన బ్లాగ్ పేరు కనిపిస్తుంది ( పై ఫోటోలో My VALUABLE LESSONS అని కనిపిస్తున్నది ) దాని ప్రక్కన ఉన్న త్రికోణాన్ని ( ఎర్రని వృత్తములో 3 అనే అంకె వద్ద చూపెట్టబడినది )  నొక్కితే - ఒక డ్రాప్ మెనూ తెరచుకొని, Your blogs అంటూ మీరు నిర్వహిస్తున్న బ్లాగుల లిస్టు 4 కనిపిస్తుంది. అది ఈ క్రింది విధముగా ఉంటుంది. 

మీరు ఏదైనా మరొక క్రొత్త బ్లాగ్ ని తెరవాలంటే - ఇక్కడే ఉన్న New blog ని 5 నొక్కి తేలికగా క్రొత్త బ్లాగ్ ని ప్రారంభించవచ్చు. అలా నొక్కితే ఇలా వస్తుంది. 

ఈ క్రొత్త డాష్ బోర్డ్ లో చాలానే బగ్స్ ఉన్నాయి. పాత డాష్ బోర్డ్ కన్నా కాస్త తేలికగా ఉన్నా, సాంకేతికముగా కొన్ని బగ్స్ అలాగే ఉండిపోయాయి. కొన్ని అదనముగా వచ్చాయి. వాటిని అప్డేట్ బ్లాగర్ వారు అప్డేట్ చేస్తే మరీ బాగుంటుంది. 

[తెలుగుబ్లాగు:22408] లేఖినిలో వ్రాసినది వర్డ్ లో పేస్ట్ చేస్తే..

[తెలుగుబ్లాగు:22408] లేఖిని నించీ వర్డ్ లోకి కాపీ చేసిన తెలుగు పదాల మధ్య స్పేస్  సరిగ్గా రావటం లేదు ఏమి చేయాలి? తెలియ చేయ ప్రార్ధన !! ( మొదటి స్క్రీన్ షాట్ ని చూడండి )

 సరిగ్గా రావటం లేదు ఏమి చేయాలి? తెలియ చేయ ప్రార్ధన !!

లేఖిని లో వ్రాసిన విషయాన్ని, కాపీ చేసుకొని, వర్డ్ లో పేస్ట్ చేసుకుంటే - పదాల మధ్యన ఎక్కువ స్పేస్ రావటం లేదన్నది మీ అనుభవం. ఇలా పదాల మధ్యన ఉండే స్పేస్ మరింత ఎక్కువ స్పేస్ రావటం ఎలాగో క్రిందన స్క్రీన్ షాట్స్ లలో చూడండి. నిజానికి ఇది చా...లా  చిన్న విషయం.  ఎంతగా అంటే ఓస్.. ఇంతేనా అన్నట్లుగా.. 

ముందుగా మీరు లేఖినిని ( http://lekhini.org )  తెరచి, మీరు పైగదిలో ఇంగ్లీష్ లో టైపింగ్ చేస్తుంటే క్రిందన ఉన్న గడిలో వెనువెంటనే తెలుగులోకి మారుతుంది. ఈ విషయం అందరికీ తెలిసినదే.. ఈ వచ్చిన తెలుగును మార్కింగ్ చేసి, కాపీ చేసుకొని వర్డ్ లోకి పేస్ట్ చేసుకోవాలి. అలా వర్డ్ లో పేస్ట్ చేసుకున్నప్పుడు - పదాల మధ్యన ఉండే స్పేస్ తగ్గిపోయి, పదాలు కాస్త దగ్గర దగ్గరగా ఉన్నట్లు అగుపిస్తాయి. దీన్ని రెండురకాలుగా ప్రయత్నించి, విజయం సాధించవచ్చు. 

మొదటి పద్ధతి :  

లేఖినిలో టైపింగ్ చేస్తున్నప్పుడు పదాల మధ్యన మీరు వాడే ఒకసారి వాడే స్పేస్ ట్యాబ్ ని రెండుసార్లు నొక్కండి. దీనివల్ల పదాల మధ్య మరింత జాగా Gap వస్తుంది. అంటే మీరు పదాల మధ్యన పెట్టే స్పేస్ సింగిల్ స్ట్రోక్ కాకుండా - డబల్ స్ట్రోక్ వాడి, టైపు చెయ్యండి. మీ టైపింగ్ పూర్తయ్యాక దాన్ని కాపీ చేసి, ఎమ్మెస్ వర్డ్ MS Word లో పేస్ట్ చేస్తే మీరనుకున్నట్లు పదాల మధ్య వచ్చే స్పేస్ మీరు అనుకున్నట్లుగా ఎక్కువ నిడివితో వస్తుంది. అది ఎలానో ఈ క్రింది స్క్రీన్ షాట్ ని గమనించండి. 

పైనున్న స్క్రీన్ షాట్ ని చూశారు కదూ.. పదాల మధ్యన చాలా ఎడం గా స్పేస్ వచ్చింది. ఇలా కాకుండా నేరుగా మీరు ఎమ్మెస్ వర్డ్ లో నేరుగా టైపింగ్ చేస్తే చాలా బాగుంటుంది. ఎందుకంటే ఈ డబల్ స్పేస్ నొక్కడం కొన్నిసార్లు మరచిపోవచ్చు లేదా ఇంకా ఎక్కువ సార్లు స్పేస్ నొక్కడం వల్ల మరింత జాగాలు ఏర్పడవచ్చు. ఇలా డబల్ స్పేస్ నొక్కడం అలవాటయ్యాక మామూలుగా ఏది టైపు చేసినా అలాగే డబల్ స్పేస్ నొక్కడం అలవాటయ్యి, ఇబ్బందిగా ఉంటుంది. అందుకే నేరుగా ఎమ్మెస్ వర్డ్ లో టైపింగ్ చెయ్యడం నేర్చుకోండి. అలా చేస్తే చాలా సులభముగా ఉంటుంది. నామటుకు మాత్రం నేను - ఈ బ్లాగ్ లో పోస్ట్ పెట్టినప్పుడు నేరుగా బ్లాగర్ ని తెరచి, అందులోనే తెలుగుని టైపు చేస్తుంటాను. 

ఇక రెండో పద్ధతీ ఉంటుంది. ఆ పద్ధతి కూడా సులభమైనదే.. 

రెండవ పద్ధతి : 
వీవెన్ గారి కోరిక మేరకు మీరు జత చేసిన స్క్రీన్ షాట్ ని గమనిస్తే - అది క్రాప్ / కత్తిరించబడినది కాకుండా మొత్తం తెరపట్టు అయి ఉంటే నేను చెప్పే సమాధానం తేలికగా ఉండేది.. మీరు చాలా పాత వర్షన్ MS Office word వాడుతున్నారులా ఉంది. ( క్రొత్త వెర్షన్ లలో మరిన్ని సౌకర్యాలు అందుకోగలరు. అయితే మీ సమస్యకు ఈ వెర్షన్ అప్డేట్ ఏమాత్రం అడ్డంకి కాదు.. ) పూర్తిగా ఉండే స్క్రీన్ షాట్ వల్ల - మీరు లేఖినిలో వ్రాసుకున్న దానిని ఈ MS Word లో ఏ ఫాంట్ డిఫాల్ట్ గా ఉన్నప్పుడు పేస్ట్ చేసుకున్నారో తెలిసేది. అందువల్ల మీకు అలా పదాలు దగ్గరగా వచ్చాయని అనుకుంటున్నాను. అయినా సరే!.. చిన్న మార్పు వల్ల తేలికగా ఎక్కువ స్పేస్ వచ్చేలా చేసుకోవచ్చు. 

లేఖినిలో Single spaceతో  మీరు టైపు చేసుకున్న విషయాన్ని వర్డ్ లోకి ఇంతకు ముందు ఎలా కాపీ, పేస్ట్ చేసుకున్నారో అలాగే చేసుకోండి. అలా పేస్ట్ అయిన విషయాన్ని సేవ్ చేసుకొనే ముందు - ఆ విషయాన్ని అంతా మార్క్ చెయ్యండి. అలా చేశాక ఒక్కో ఫాంట్ ని మారుస్తూ వెళ్ళండి. తెలుగు ఫాంట్స్ మీదుగా కాకుండా, ఇంగ్లీష్ ఫాంట్స్ ఎన్నుకుంటూ - స్పేస్ ని గమనిస్తూ వెళ్ళండి. కొన్ని ఫాంట్స్ / ఖతుల వల్ల మీకు అనుకున్న స్పేస్ ఖచ్చితముగా వస్తుంది. ఇదే నేను చెప్పాలనుకున్న రెండో పరిష్కారం. 

ఇందులో కూడా మీరు లేఖినిలో మొదట్లో ఎలా టైపింగ్ చేసుకున్నారో, ( అంటే డబల్ స్పేస్ Double space కాకుండా సింగిల్ స్పేస్ Single space వాడి ) అలాగే టైప్ చేసుకోండి. ఆతర్వాత కీ బోర్డ్ సహాయముతో గానీ, మౌస్ కర్సర్ తో గానీ మీరు వ్రాసిన దాన్ని మార్కింగ్ చెయ్యండి. మార్కింగ్ అంటే మీకందరికీ తెలుసే అనుకుంటాను. మార్కింగ్ చేస్తే మీరు టైపింగ్ చేసినదంతా నీలిరంగు పట్టీలలో కనిపిస్తుంది. అదెలాగో ఈ క్రింది స్క్రీన్ షాట్ ని గమనించండి. 

ఇలా  మార్కింగ్ చేసిన తరవాత - మీరు ఎమ్మెస్ వర్డ్ ని తెరచి, అందులో పేస్ట్ చేసుకోండి. అలా చేసుకున్నాక - ఆ వర్డ్ లో పేస్ట్ చేసుకున్న దాన్ని మళ్ళీ మార్క్ చెయ్యండి. అలా చేశాక - పైన టూల్ బాక్స్ Tool box లోని ఫాంట్ సెక్షన్ Font section లో ఫాంట్ ఏమున్నదో గమనించండి. అందులోని డిఫాల్ట్ ఫాంట్ ని మార్చండి. ఇక్కడే మీరు కాస్త గమనించాలి. తెలుగు ఫాంట్స్ కన్నా ఇంగ్లీష్ ఫాంట్స్ ని అక్కడ ఎన్నుకుంటూ / మారుస్తూ వెళ్ళాలి. అప్పుడే పదాల మధ్యన మరింత ఎడం ని సాధించగలం.  

అది ఎలాగో ఈ క్రింది స్క్రీన్ షాట్స్ లలో మీరు చూడవచ్చును. ఇందులో ఎర్రని వృత్తాలలో చూపెట్టినది ఫాంట్స్ పేర్లు. ఆయా ఫాంట్ లలో క్రిందన ఉన్న విషయం మధ్య స్పేస్ ఎలా ఉందో - మొదటి స్క్రీన్ షాట్ కీ, రెండో స్క్రీన్ షాట్ విషయం మధ్యన స్పేస్ ఎంతగా పెరిగిందో మీరే గమనిస్తారు. కేవలం ఫాంట్ మార్చిన మాత్రానే ఇలా సాధ్యం అవుతుంది. ఇలా రకరకాల ఫాంట్స్ ని ఎన్నుకుంటూ చూస్తే - లేఖిని నుండి వర్డ్ లో పేస్ట్ చేసుకునేటప్పుడు పదాల మధ్యన తగినంత దూరంని పొందవచ్చును. 

పైన పేస్ట్ చేసినది - గౌతమి Gauthami ఫాంట్ లో. అందులో పదాల మధ్యన వచ్చిన స్పేస్ ని గమనించండి.

పైన పేస్ట్ నే మార్క్ చేసి, ఆంగ్ల ఫాంట్ అయిన కొరియర్ న్యూ Courier New  లోకి మారిస్తే పదాల మధ్యన వచ్చిన దూరం తేడాని మీరే స్పష్టముగా గమనించవచ్చు. 

ఇలా ఎలా వస్తుంది అంటే - ఇది కూడా చాలా చిన్న విషయమే. ఖతులు / ఫాంట్స్ తయారు చేసేటప్పుడు స్పేస్ ని కూడా ఇన్ని పిక్సెల్స్ Pixels / సైజు Size అంటూ నిర్ణయిస్తారు.  కొన్ని ఫాంట్స్ ఎక్కువ సైజు స్పేస్ ని రూపొందిస్తే - వాటిని వాడినప్పుడు ఇలా దూరముగా స్పేస్ వస్తుంది. 

[తెలుగుబ్లాగు:22403] గుణింతపు గుర్తులనే టైపు చెయ్యడం...

లేఖిని ఉపయోగించి యూనీకోడ్ లో కేవలం గుణింతపు గుర్తులనే టైపు చెయ్యడం వీలవుతుందా?

లేదంటే మార్గం ఏమిటి?

లేఖిని ఉపయోగించి లెక్కల్లో వాడే గుర్తులను టైపు చెయ్యవచ్చును. మామూలుగానే లేఖినిని తెరచి, పై గడిలో మనం ఇంగ్లీష్ ఫోనెటిక్ లో టైపింగ్ చేస్తుంటే, క్రిందన ఉన్న గడిలో తెలుగులో వెనువెంటనే తెలుగులో మారి వస్తుంది. ఆ ఉపకరణంలో కుడిప్రక్కన ఏ ఇంగ్లీష్ / కీ బోర్డ్ అక్షరాన్ని నొక్కితే - ఏ తెలుగు అక్షరం వస్తుందో తెలిపే పట్టిక కూడా ఉంది.  మీరు సామాన్య గణితపు గుర్తులు అనగా + - x / లని వాడదలచుకున్నారు. లేఖినిలో కూడా మామూలుగానే నేరుగా టైపు చేసుకోవచ్చు. కానీ మీకు గుణింతపు గుర్తు x వాడకంలోనే మీకు సమస్య ఎదురుకావొచ్చును. 

లేఖినిలో పై గడిలో నంబర్ కీ బోర్డ్ గుణింతపు గుర్తు అయిన * ( స్టార్ / పువ్వులా ఉండే గుర్తుతో ఉంటుంది ) ని నేరుగా టైపు చేస్తే, అదే గుర్తు క్రిందన ఉన్న గడిలో వస్తుంది. కానీ అది సరియైన గుర్తు కాదనుకొని మనం x ని ( ఇది కీ బోర్డ్ ఆంగ్ల అక్షరాలలో ఎక్స్ X గుర్తు ) వాడటానికి ప్రయత్నించినప్పుడే ఈ సమస్య గమనిస్తాం.. పై గడిలో ఈ x అని టైపు చేసినప్పుడు క్రిందన గడిలో  క్ష్ అని వస్తుంది. మిగతా + - / కీ లను వాడితే అచ్చు అలాగే క్రింద గడిలో వస్తాయి. ఈ సమస్యని తేలికగా తప్పించటానికి ఈ విధముగా చెయ్యండి. 

మీరు x గుర్తుని లేఖినిలో వాడేటప్పుడు చిన్న x వాడకుండా పెద్ద X ( Shift + X ) ని వాడండి. క్రిందన ఉన్న గడిలో కూడా అలాగే పెద్ద X వస్తుంది. అంతే.. మీ ఇబ్బంది తొలగిపోతుంది. 

How to type in Telugu?

[తెలుగుబ్లాగు:22383] Sir ,How to type in Telugu? I am very much interested to know. Pls guide me. 

తెలుగులో టైపింగ్ చెయ్యటానికి మీరు చూపిన ఆసక్తికి కృతజ్ఞతలు. తెలుగులో టైపింగ్ చేయుటకు ఎన్నో పద్ధతులు ఉన్నాయి. అందులో ఎక్కువగా వాడేటివి - 

1. నేరుగా తెలుగు టైపింగ్ చెయ్యటం, 

2. ఫోనెటిక్ ఇంగ్లీష్ లో టైపింగ్ చేస్తుంటే నేరుగా తెలుగులో టైప్ అవటం, 

3. కొన్ని సైట్లలో ఒక గడిలో టైప్ చేస్తుంటే మరొక గడిలో వచ్చిన తెలుగుని కాపీ చేసుకొని అవసరమున్న చోట పేస్ట్ చేసుకోవడం.. 

ఇత్యాది పద్ధతులున్నాయి. మరిన్ని పద్ధతులకి ఈ క్రింది లింక్స్ చూడండి. 

తెలుగు టైపింగ్ ఉపకరణాల కోసం : http://etelugu.org/typing-telugu

యూనికోడ్ లో తెలుగు టైపింగ్ కోసం : ఈ బ్లాగు లోని తెలుగుని యూనికోడ్ లో ఎలా వ్రాయడమో తెలిపే పాఠాలు తెలుగు టైపింగ్ పాఠాలు 

Google fonts in Photoshop

[తెలుగుబ్లాగు:22383] టైపింగ్ 
nenu photoshop 7.0 vaduchunnanu. google telugu fonts install chesukunnanu kani photoshop lo kochen mark lu paduthunnayi. naku sahayamu cheyyagaluru 

ఫోటోషాప్ లో అనూ ఫాంట్స్ చక్కగా పనిచేస్తాయి. గూగుల్ తెలుగు ఫాంట్స్ వాడితే అలాగే ?????? లా కనిపిస్తాయి. కారణమేమిటంటే  - గూగుల్ తెలుగు ఫాంట్స్ - యూనికోడ్ టైప్ కి సంబంధించినవి. అనూ, ఆపిల్, ఇంస్క్రిప్ట్.. లాంటి టైపింగ్ ఉపకరణాలు వాడితే అనూ ఫాంట్స్ ఆ ఫోటోషాప్ లో భేషుగ్గా అగుపిస్తాయి. ఇక్కడ - ఈ టైపింగ్ పద్దతులు, ఫాంట్స్ వేరువేరు అని అర్థమవుతుంది. ఈ విషయాన్ని అర్థం చేసుకుంటే అంతా ఈజీనే.. ఇది కొద్దిగా తికమకగా ఉన్నా - మీకొచ్చిన సమస్య చాలా చిన్నది. మీరు ఇలా ?????.. గా వస్తుందని అన్నారు కదా.. అదే టైపింగ్ ని మార్కింగ్ ద్వారా కాపీ చేసుకొని, MS Paint లేదా పవర్ పాయింట్ లో వాడితే శుభ్రముగా గూగుల్ ఫాంట్స్ లో మీరు పేస్ట్ చేసిన విషయమంతా కనిపిస్తుంది. కావాలంటే చెక్ చేసి చూడండి. 

[తెలుగుబ్లాగు:22376] యూనికోడ్ లో ౠ Roo in Unicode

దయచేసి తెలుగులో అవగ్రహం ऽ యూనికోడ్ లో టైపింగ్ ఎలా చేయాలో తెలుపగలరా?

అలాగే RU దీర్ఘ ఋకారాంతం టైపింగ్ ఎలా చేయాలో తెలుపగలరా? అనే ప్రశ్నకు నా సమాధానం.. 

మీరడిగిన సందేహానికి - యూనికోడ్ లో తప్పక సమాధానం ఉంది. కాకపోతే యూనికోడ్ లోని తెలుగుని - పద్యాల వంటి వాటికి అంతగా నాకు అవసరం లేకపోవడం వల్ల నేనెన్నడూ ఉపయోగించలేదు.. ఇప్పుడు మీకోసమని ప్రయత్నించాను. ఈ యూనికోడ్ ని ఆపిల్ తరహాలోనో, మరే ఇతర క్రొత్త పద్ధతిలోనో టైపింగ్ చేసుకోవచ్చేలా సులభమైన పద్ధతిని తెలుసుకున్నాను. ఇక్కడ గమనించాల్సిన విషయం ఏమిటంటే : యూనికోడ్ తెలుగు తప్ప మరే ఇతర పద్ధతుల్లో (ఆపిల్, ఇంస్క్రిప్ట్ పద్ధతులు) నేనెప్పుడూ వాడలేదు. అంటే అవి ఎందులోనో తక్కువ అని చెప్పడం నా ఉద్దేశ్యం కాదు.. అలాని అనిపించినట్లు ఉంటే క్షమించాలి. నేను మొదటగా నేర్చుకున్నదీ యూనికోడ్ ఫోనెటిక్ టైపింగే. అదే అలవాటయిపోయి దాన్నే ఇంకా వాడుతూనే ఉన్నాను. నాకున్న తెలుగు టైపింగ్ అవసరాలు యూనికోడ్ ( ఫోనెటిక్ Phonetic ) లో తీరిపోతున్నాయి కాబట్టి ఆ ఇతర పద్ధతుల్లోకి గత పదేళ్లుగా ఎన్నడూ వెళ్ళలేదు.. (ఈమధ్యే MS paint అవసరాలకోసం వెళ్లాలనిపిస్తున్నది.)

నేను ఇప్పుడు చెబుతున్న ఈ క్రొత్త పద్ధతిని వాడి, అలా కూడా ఎలా టైపింగ్ చేసుకోవచ్చునో అందరికీ తెలియచేయగలరు. ఇది కాస్త పెద్దగా అయిననూ, ఇక్కడే మీకు చెబుతున్నాను. గ్రూప్ లోని మిగతా వారికి కూడా ఉపయోగపడుతుందని.. 

# ముందుగా మీరు గూగుల్ ట్రాన్స్లిటరేషన్ సాఫ్ట్వేర్ ని ఈ లింక్ https://www.google.com/inputtools/windows/  నుండి డౌన్లోడ్ చేసి, మీ సిస్టంలో ఇన్ స్టాల్ చేసుకోండి. 

# మీ సిస్టం లో అది ఇన్స్టాల్ అయ్యాక - సిస్టం ట్రే లో - సమయం / తేదీ ప్రక్కగా EN అని కనిపిస్తుంది. ఇలా కనిపిస్తే ఆ సాఫ్ట్ వేర్ మీ సిస్టంలో ఇన్ స్టాల్ అయ్యిందని అర్థం. ఈ క్రింది ఫోటోలో  ఎర్ర వృత్తంలో చూపినట్లుగా EN అని కనిపిస్తున్నది. 

# ఇప్పుడు ఆ EN ని నొక్కితే మీరు కోరుకున్న భాషని (తెలుగు) ఎన్నుకోవడానికి ఆప్షన్ కనిపిస్తుంది. అందులో క్రిందన ఉన్న తెలుగుని క్లిక్ చేసి, ఎంచుకోండి. అప్పుడు సిస్టం ట్రే లో EN స్థానాన TE ( పటంలో 1 ) మారుతుంది. ఇలా వస్తే - తెలుగులో  టైపు చేసుకోవడానికి మీ కీబోర్డ్ సిద్ధముగా ఉందని అర్థం. 

# అలా తెరచినప్పుడు ( చిత్రములో 2 ) లా ఒక చిన్న టూల్ బార్ కనిపిస్తుంది. అందులోని బాణం గుర్తుమీద కర్సర్ ని ఉంచితే అది మూవ్ Move గుర్తు చూపిస్తుంది. రెండవదైన తె మీద కర్సర్ తో నొక్కితే - వచ్చే ఆప్షన్ వల్ల English కూ, తెలుగుకీ వెనువెంటనే మారవచ్చును. 

# మూడవదైన కీబోర్డ్ గుర్తు ( చిత్రములో 3 ) మీద నొక్కితే - ఇప్పుడు మీకు అవసరమయ్యే ఒక తెలుగు అక్షరాల టూల్ బాక్స్ తెరచుకుంటుంది. దీని లోని అచ్చులూ, హల్లులూ, గుణింతాల వల్ల కొన్ని ప్రత్యేక అక్షరాలూ, పదాలు వ్రాయవచ్చును. దీనితోనే మీరు కావాలనుకున్న అక్షరాలని ( నేరుగా ) పొందవచ్చును. 

# చిత్రములో 4 వద్ద నున్న నాలుగు చతురస్రాల గుర్తుని నొక్కితే ( ఇది డిఫాల్ట్ గా ఉంటుంది ) ఆ ప్రత్యేక తెలుగు అక్షరాల టూల్ బాక్స్ తెరచుకుంటుంది. ఇందులోనే మీకు కావలసిన ౠ ఇక్కడే దొరుకుతుంది. ఇందాక టైప్ చేసిన ఆ అక్షరం - ఆ బాక్స్ లో దిగువ కుడి మూలన ( చిత్రములో 6 ) ఉంది. దాన్ని మౌస్ కర్సర్ సహాయన నొక్కితే ఆ అక్షరం నేరుగా మీకు లభిస్తుంది. అలాగే నేను ఇక్కడ ఇందాక వాడాను. 

# అదే కాకుండా ఇంకో రకముగా కూడా ఆ బాక్స్ ని వాడి ఆ ౠ ని నేరుగా పొందొచ్చు. ఎలా అంటే : ఆ బాక్స్ లోని బ ( బాక్స్ లో నాలుగవ లైనులోని ఆరవ అక్షరం ) ని అలా ఎంచుకున్నాక, అదే బాక్స్ లోని ( ఐదవ లైనులో చివరన ఉన్న) కొమ్ముని మళ్ళీ ఎంచుకుంటే, ఇప్పుడు వచ్చిన అక్షరం బు అవుతుంది. ఇప్పుడు దీనికి ఆ బాక్స్ లోని ( ఆరవ లైనులోని మొదటి దాన్ని అంటే ) కొమ్ము దీర్ఘాన్ని దీనికి జత చేస్తే - ఇప్పుడు మీకు కావలసిన ౠ ని యూనికోడ్ లోనే పొందవచ్చును. ఇలా ప్రయత్నిస్తే బహుశా అన్ని అక్షరాలూ పొందొచ్చు - అని అనుకుంటున్నాను. 

# ఇదే ౠ కి మరో కొమ్ముని కూడా జత చెయ్యవచ్చు - ఇది ఎందుకు చెబుతున్నానూ అంటే - ఇది ఎంత యూజర్ ఫ్రెండ్లీ కీ బోర్డ్ User friendly key board అని చూపెట్టటానికి. రుజువుగా ఇదిగో..  బుుుు ఇలా కూడా వ్రాయవచ్చును. ఇప్పుడైనా నమ్మగలరా? 

# చిత్రములో 5 వద్ద చూపినట్లుగా కీ బోర్డ్ గుర్తుని మౌస్ కర్సర్ సహాయాన నొక్కితే ఆపిల్, ఇంస్క్రిప్ట్ కీబోర్డ్ లాంటిది తెరచుకుంటుంది. యూనికోడ్ లో దీన్ని నేనెప్పుడూ వాడలేదు. కనుక దీని గురించి నాకు అంతగా తెలీదు. కారణం - పద్యాల తెలుగులో వ్రాసేందుకు నాకెప్పుడూ అవసరం ఏర్పడలేదు కాబట్టి. ఎవరికైనా ఉపయోగపడుతుందని ఆ కీబోర్డ్ చిత్రం కూడా ఇక్కడ చూపిస్తున్నాను. 

ఇక మీ సందేహాలు తీరాయని నేను అనుకుంటున్నాను  

తాజా కలం :: పైన పోస్ట్ లో వ్రాసిన ప్రతి తెలుగు అక్షరమూ గూగుల్ వారి యూనికోడ్ ని ఉపయోగించి వ్రాసినదే అని గమనించగలరు. 

[తెలుగుబ్లాగు:22383] టైపింగ్ సందేహాలు

కావలసిన అక్షరాలను బోల్డ్ చెయ్యడం, అండర్ లైన్ చెయ్యడం ఎలా? 

మనం సాధారణముగా మన బ్లాగుల్లో పోస్ట్స్ వ్రాసేటప్పుడు - కొన్నిచోట్ల ఏదైనా పదం / వాక్యం / పేరా కాస్త కొట్టొచ్చినట్లుగా కనపడాలీ అంటే వెంటనే మనకు తట్టేది - దాన్ని బోల్డ్ BOLD లో ఉంచాలని. ఈ బోల్డ్ అంటే - మనం పోస్ట్ చేసిన అక్షరాలు / ఎంచుకున్న టపా కాస్త లావుగా కనిపిస్తాయి అంతే. దీన్ని వల్ల లాభం ఏమిటంటే ఆ పదం / వాక్యం / పేరా కాస్త ఐ క్యాచీగా Eye catchy ఉండి, తొందరగా ఆకర్షిస్తుంది. అలాగే U కూడా.. ఇదీ ఒక టూల్. దీన్ని వాడటం వలన మనం ఎంచుకున్న పదం / వాక్యం / పేరా అంతా అండర్ లైన్ తో కనిపిస్తుంది. ఇవి ఎలాగో కాస్త వివరముగా చూద్దాం..

కావలసిన అక్షరాలని బోల్డ్ Bold చెయ్యటం, అండర్ లైన్ చెయ్యటం అన్నది - బ్లాగ్ పోస్ట్ వ్రాసే పైన టూల్ బార్ Tool Bar లో ఉంటాయి. వీటిని తేలికగా గుర్తుపట్టవచ్చు. ఈ క్రింది ఫోటో చూస్తే మీకు ఆ టూల్ బార్, అందులోని టూల్స్ మీకు కనిపిస్తాయి.

ఈ ఆకుపచ్చ గడిలో ఉన్నవి టూల్స్. వీటి సహాయన బ్లాగ్ పోస్ట్స్ ని రూపొందించవచ్చు లేదా మార్చవచ్చును. రకరకాల మార్పులూ, చేర్పులూ వీటివల్ల సాధ్యం. ప్రతీ టూల్ / బొత్తాం Button వాటికి కేటాయించిన నిర్దుష్ట పనిని చెయ్యటానికి వీలుగా అవి సిద్ధముగా ఉంటాయి. ఈ టూల్స్ ఒక్కో గుర్తులో ఉండి, గుర్తుపెట్టుకొని వాడటానికి వీలుగా ఉంటాయి. పైన ఆకుపచ్చ గడిలో ఉన్న టూల్స్ అన్నింటినీ కలిపి టూల్స్ బార్ Tools Bar అని అంటారు. 

పైన ఉన్న టూల్స్ బార్ లోని టూల్స్ గురించి ఒక్కోదాని గురించి విడివిడిగా ఎపుడైనా తెలుసుకుందాం. ఇప్పుడు పదాలు బోల్డ్ గా, అండర్ లైన్ గా రావటం ఎలాగో తెలుసుకుందాం. 

పై చిత్రంలో  1  వద్ద చూపెట్టిన B బొత్తాం - బోల్డ్ BOLD కి సంబంధించినది. 

  2  వద్ద చూపెట్టిన U బొత్తాం - అండర్ లైన్ Under line కి సంబంధించినది. 

Bold : 

B అనే టూల్ నొక్కి పోస్ట్ బాడీలో మనం విషయం వ్రాస్తే - అలా నొక్కినప్పటి నుండీ టైప్ చేసే విషయం అంతా బోల్డ్ గా ( కాస్త లావుగా ) వస్తుంది.  

అలానే కాకుండా మరో పద్ధతిలో కూడా చెయ్యవచ్చు. మనం బ్లాగులో చెప్పాలనుకున్న విషయం అంతా టైప్ చేసి, ఒకసారి ప్రూఫ్ సరిచూసుకొన్నాక - మనం వ్రాసిన టపాలో ఎక్కడెక్కడ అలా బోల్డ్ గా రావాలో ఆ మేటర్ ని మౌస్ కర్సర్ Mouse Cursor సహాయాన మార్క్ చేసుకోవాలి. ( ఇలా చేస్తే ఆ మేటర్ నీలిరంగులో కనిపిస్తుంది ). అప్పుడు టూల్ బార్ లోని B ని నొక్కితే - ఆ మార్క్ చేసినందంతా బోల్డ్ గా మారిపోతుంది. ఈ రెండో పద్ధతిని ఎన్నుకోవడం చాలా సులభముగా ఉంటుంది. 

Under line :  

U ఇదీ పైన చెప్పినట్లుగానే చెయ్యాలి. ముందే ఆ బటన్ ని నొక్కి అండర్ లైన్ లో విషయాన్ని టైపింగ్ చేసుకోవచ్చు. లేదా టైపింగ్ అంతా పూర్తయ్యాక - మనకు కావలసిన మాటర్ ని పైన చెప్పినట్లుగానే మార్క్ చేసుకొని, టూల్ బార్ లోని  U  టూల్ ని ఎన్నుకొంటే, ఆ విషయాన్ని అండర్ లైన్ లోకి ఇలా మార్చుకోవచ్చును.  కావాలంటే ఈ క్రిందనున్న ఫోటోని చూడండి.  

దిల్^సుఖ్ – ఇది లేఖిని లో ‘దిల్‌సుఖ్’ గా

[తెలుగుబ్లాగు:22373] నమస్తే!,

దిల్^సుఖ్ – ఇది లేఖిని లో ‘దిల్‌సుఖ్’ గా నిలబడుతోంది.  కానీ Microsoft Indic Language Input Tool తో టైప్ చేస్తున్నప్పుడు ‘దిల్సుఖ్’గానే ఉంటోంది.  ఇక్కడ వేరే ప్రత్యామ్నాయం ఉన్నదా, దయచేసి తెలుపగలరు. పొల్లు తర్వాత అక్షరం సంయుక్తాక్షరంగా అయిపోతోంది.  సలహా ఇవ్వగలరు. 

వేరే ప్రత్యామ్నాయాలు లేవు.. మీరు ఉదాహరించినట్లుగానే సాగాలి. 

మైక్రోసాఫ్ట్ ఇండిక్ లాంగ్వేజ్ ఇన్పుట్ టూల్ అయినా, గూగుల్ వాడి లిప్యంతరమైనా ఒకటే.. ఇవి యూనికోడ్ ని ఆధారం చేసుకొని ఏర్పరచిన పరికరములు. వాటిల్లో పొల్లు తరవాత అక్షరం సంయుక్తాక్షరం గా మారిపోతుంది. రెండు పదాలని మధ్యన స్పేస్ వాడి వేరుచేసి, సేవ్ చేసుకొని, ఆ తర్వాత ఎడిట్ చేసి, స్పేస్ తొలగించిననూ ఆ రెండుపదాలు కలసిపోయి - మీరు చెప్పినట్లుగా దిల్సుఖ్ గానే మారుతుంది. వాటిల్లో అలాగే వస్తుంది. అందుకే అలాంటి పదాలని ఆ టూల్స్ వాడేవారు విడివిడిగానే ( దిల్ సుఖ్ ) వ్రాస్తున్నారు. 

లేఖిని, క్విల్ ప్యాడ్, యంత్రం, ఆపిల్, ఇంస్క్రిప్ట్, స్వేఛ్చ.. మొదలగునవి వాటిల్లో ఇలాంటి పదాలని మనం అనుకున్నట్లుగా వ్రాసుకోవచ్చును. యూనికోడ్ లా కాకుండా వీటి టైపింగ్ కాస్త ఎక్కువగా ( షిప్ట్ కీ మొదలగు సహాయక మీటలని ) వాడాల్సి ఉంటుంది. కానీ మనం అనుకున్నట్లుగా వీటివల్ల ( దిల్‌సుఖ్ ) వ్రాయగలుగుతాం. ఇలాంటి పదాలని యూనికోడ్ పరికరాల వల్ల వ్రాయలేము. 

ఈ యూనికోడ్ పరికరాలని వాడిన నాకు కొద్ది సంవత్సరాల క్రితం వరకూ - " పాఠం " అన్న పదం వ్రాయటం ఎంత ప్రయత్నించినా కుదిరేది కాదు. ఆ ఒక్క పదం కోసం వేరేవాటిని తెరచి, ఆ పదాన్ని టైపు చేసుకొని, తెలుగులోకి వచ్చినదాన్ని కాపీ చేసుకొని నా బ్లాగ్ కోసం పేస్ట్ చేసుకొని వాడుకొనేవాడిని. ఇప్పుడు ఆ పదం యూనికోడ్ లో నేరుగా టైప్ చేస్తే (paatham) వచ్చేస్తున్నది. ఇలాంటివి బగ్స్ ఇంకా కొన్ని ఈ యూనికోడ్ లలో (ఇక్కడా యూనికోడ్ లలో అంటూ విడి విడిగా వ్రాశాను. గమనించగలరు. కలిపివ్రాస్తే వేరుగా - యూనికోడ్లలో - అని వస్తుంది ) అభివృద్ధి చెయ్యాల్సి ఉంది. 

- అచ్చంపేట్ రాజ్. 

[తెలుగుబ్లాగు:22161] బ్లాగ్ ని రిజిస్టర్ చేసుకోవాలా ?

[తెలుగుబ్లాగు:22161] నమస్కారం సోదరులకు 

గూగుల్ బ్లాగ్ కు ఒక పేరు పెట్టినతరువాత దానిని రిజిస్టర్ చెయాల ? చేయకపోతే అట్టి బ్లాగ్ నేమ్ రిజిస్టర్ చెసిఉన్నదని ఎలా తెలుసుకోవాలి
ఎందుకంటే
మా స్నేహితుడు ఒక బ్లాగ్ కు తను ఒక పేరు పెట్టినవెంటనే బ్లాగ్ పేరు రిజిస్టర్ చేసియున్నాము పేరు తీసి వేయాలి మెయిల్ ఎవరో పంపారు
వేరొక పేరు నిర్ణయిస్తే దానికి  ఇలాగే జరుగుతుందేమో అని అనుమానం

అసలు బ్లాగ్ నేమ్ ఎలా రిజిస్టర్  చేస్తారు దయచేసి తెలుపగలరు - అనే ఈ 6-January-2014 న అడిగిన ప్రశ్నకి నా జవాబు ఇచ్చాను. ఆ సమాధానాన్ని కాస్త అభివృద్ధి / జత చేసి - ఇప్పుడు మీకోసం.. ( అలాగే నా ఈ బ్లాగ్ లో Blog tips లేబుల్ లో ఒక టపాగా చేరుస్తున్నాను )

బ్లాగ్ ఓపెన్ చేశాక,దాన్ని రిజిస్టర్ చేసుకోవాలా : అవసరం లేదండీ.. బ్లాగ్ పేరు అనేది మీ ఇష్టం. మీరు యే పేరు అయిన పెట్టేసుకోవచ్చు. కాకపోతే ఆ పేరు ఇంతకు ముందే వాడుకలోగానీ, ఎవరైనా ఆ పేరున బ్లాగ్ తెరచి ఉంచితే అపుడు మార్చుకోవాలి. ఇలా ఎందుకూ అంటే - భవిష్యత్తులో ఒకే పేరు మీద ఉన్న బ్లాగుల్లో ఏదైనా ప్రఖ్యాతి చెందినప్పుడు, ఆ బ్లాగ్ ని ఇతరులు చేరుకోవాలని చూసినప్పుడు సాంకేతిక సమస్యలు / కన్ప్యూజన్ ఏర్పడే ప్రమాదం ఉందని - యూనిక్ పేరుని ఎన్నిక చేసుకోమని సూచన బ్లాగర్ / వర్డ్ ప్రెస్ /.... వారి దగ్గర నుండి సూచన వస్తుంది. ఒక బ్లాగ్ పేరు గాంచినది అయితే, అలాంటి పేరుగల ( పోలిక ఉన్న ) బ్లాగ్ ఉన్నట్లయితే - ఆ బ్లాగ్ వీక్షకుల సంఖ్య బాగా ఉంటుంది. ఇలాంటివి బ్లాగుల్లో తక్కువే కానీ సైట్లలో చాలానే ఉన్నాయి. వారేమి చెయ్యకుండానే మన బ్లాగ్ ఖ్యాతి వల్ల వారి బ్లాగ్ కి వీక్షకులు పెరుగుతారు. తద్వారా వారు ఒక స్థాయికి చేరుకోగానే - గూగుల్ వారి ప్రకటన రూపములో ఆడ్ సెన్స్ వల్ల వారు ఆదాయం పొందుతారు. ఇలాంటి ఆదాయం మన తెలుగు భాష బ్లాగులకి అవకాశం లేదు. 

మీ బ్లాగ్ పేరుని రిజిస్టర్ చేసుకోవాల్సిన అవసరము లేదు. బ్లాగ్ అనేది ఉచితముగా నిర్వహించుకోవచ్చు. మీరు ఏదైనా సైట్ ని అంతర్జాలములో నిర్వహించాలీ అనుకుంటే అప్పుడు ఆ సైట్ ని, కొంత డబ్బు కట్టి, మీ పేరు మీద రిజిస్టర్ చేసుకోవాల్సి ఉంటుంది. ( ఉచితముగా కూడా మన పేరు మీద సైట్స్ నిర్వహించుకోవచ్చును.. అది వేరే విషయం ) 

చేయకపోతే అట్టి బ్లాగ్ నేమ్ రిజిస్టర్ చెసిఉన్నదని ఎలా తెలుసుకోవాలి : మీ బ్లాగ్ ని క్రియేట్ చేస్తున్నప్పుడే ఏమి పేరు ఉండాలో అడుగుతుంది. అప్పుడు మీరు టైప్ చేసిన పేరు ఇంతకు ముందే ఆ పేరుతో ఏదైనా బ్లాగ్ పేరు ఉంటే - ఆల్రెడీ ఆ పేరు వాడుకలో ఉంది - అని సూచన వస్తుంది. అప్పుడు ఇంకో పేరు ఎన్నుకోవాల్సి ఉంటుంది. అలా అభ్యంతర సూచన రానంతవరకూ మార్చి, సేవ్ చేసుకోవాలి. అప్పుడు ఆ పేరు ఆ బ్లాగ్ వారు మీకు కేటాయించినట్లే ! 

మా స్నేహితుడు ఒక బ్లాగ్ కు తను ఒక పేరు పెట్టినవెంటనే బ్లాగ్ పేరు రిజిస్టర్ చేసియున్నాము పేరు తీసి వేయాలి మెయిల్ ఎవరో పంపారు అలా మెయిల్ పెట్టిన వారికి తిరిగి మెయిల్ పెట్టండి.. వారి బ్లాగ్ లింక్ ఇవ్వమని అడగండి. ఆ లింక్ ద్వారా ఆ బ్లాగ్ కి వెళ్ళి, మీ బ్లాగ్ పేరుతో పోల్చుకోండి. సరిపోతే మార్చుకోవాలో వద్దో, లేదా ఏదైనా మార్పు చెయ్యటమో మీరు మీకుగా ఆలోచించుకోండి. 

వేరొక పేరు నిర్ణయిస్తే దానికి  ఇలాగే జరుగుతుందేమో అని అనుమానం అన్నీ మీరే అనుమానించుకుంటూ ఉంటే అక్కడే ఆగిపోతారు. 

బ్లాగ్ పేరు వేరు, బ్లాగ్ అడ్రెస్ వేరు. క్రొత్తలో కొద్దిగా తికమకగా ఉన్నా, రెండూ వేరు వేరు. ( బ్లాగ్ విజిబిలిటీ ఆప్షన్ ని ఎన్నుకుంటే - ఈ రెండూ గూగుల్ సర్చ్ లో కనిపిస్తాయి ) మీకు మరింతగా అర్థం అవ్వాలీ అంటే - నా బ్లాగ్ పేరు My VALUABLE LESSONS అని ఉంటుంది. కానీ నా బ్లాగ్ అడ్రెస్ (URL) మాత్రం  www.achampetraj.blogspot.in గా ఉంటుంది. ఇలా అడ్రెస్, బ్లాగ్ పేరూ వేరు వేరుగా కూడా ఉండవచ్చును. బ్లాగ్ పేరు అనేది మీ బ్లాగ్ యొక్క పేరు.. అది మీ ఇష్టమైనది పెట్టుకోవచ్చును. కాకపోతే వేరేవారి బ్లాగ్ పేరులకి దగ్గరగా ఉంటే గందరగోళంగా ఉండి, ఆ తరవాత కొన్ని చిక్కులు ఏర్పడతాయి. అప్పుడు మీరే మార్చుకోవాల్సి వస్తే - అప్పటిదాకా ఆ బ్లాగ్ కి వచ్చిన ఆదరణాన్ని కోల్పోవాల్సివస్తుంది. అంటే బ్లాగ్ పేరు ని అందరిలోకి తీసుకెళ్లాలీ అంటే ఆ పేరుని పరిచయం చెయ్యటానికి మరింతగా శ్రమించాల్సి ఉంటుంది. 

బ్లాగ్ పేరుని ఎవరికైనా మెయిల్ చేస్తే / చెబితే - వారు ఆ పేరు మీదుగా నేరుగా ఆ బ్లాగ్ కి వెళ్ళలేరు. గూగుల్ లాంటి సర్చ్ ఇంజిన్ లలో టైపు చేసి, వచ్చిన వాటిల్లో ఈ బ్లాగ్ పేరుకి సరియైన లింక్ చూసి, తెరవాల్సి ఉంటుంది. కాస్త పేరున్న బ్లాగ్స్ కి దగ్గరగా ఒక అక్షరం తేడాతో చాలా సైట్స్ కనిపిస్తుంటాయి. వాటిల్లో వెదికి తెరవాల్సి ఉంటుంది. ఇలా పోలిక అబద్దపు సైట్స్ లేకుంటే ఆ పేరుతో ఆ సైట్ / బ్లాగ్ కి నేరుగా వెళ్ళొచ్చును. 

అదే లింక్ / URL ద్వారా అయితే ఆ లింక్ మెయిల్ చేసినప్పుడు - అది నీలిరంగులోకి మారి లింక్ గా పనిచేస్తుంది. దాన్ని పొందినవారు - దాన్ని క్లిక్ చేస్తే - ఆ సైట్ / బ్లాగ్ లాంటి ఎన్ని  పోలిక సైట్స్ ఉన్నా - ఎక్కడికైతే వెళ్లాలని లింక్ ఇచ్చామో అక్కడికే వెళ్ళుతారు. ఇదీ URL వల్ల లాభం. ఇది నిజమా కాదా తెలుసుకోవటానికి క్రింద మరియు పైన నా బ్లాగ్ లింక్ పెట్టాను. నొక్కి చూడండి. 

URL అంటే  Universal Resource Locator అని అర్థం. ఇది 1994 లో టిమ్ బెర్నర్స్ లీ   Tim Berners-Lee వరల్డ్ వైడ్ వెబ్ World wide web (WWW) కోసమని తయారుచేశారు. దీనివల్ల బ్లాగ్ అడ్రెస్ / సైట్ అడ్రస్ ని తేలికగా చేరుకోవచ్చును. దీనికి ఉదాహరణగా నా బ్లాగ్ అడ్రెస్ ని మరొకసారి ఇస్తున్నాను - www.achampetraj.blogspot.in 

- అచ్చంపేట్ రాజ్. 

Deceptive Site Ahead

నిన్నరాత్రి బ్లాగ్ లో పోస్ట్ పెడదామని బ్లాగ్ ని గూగుల్ క్రోమ్ నందు ఓపెన్ చేశాను. అలా ఓపెన్ అయ్యి, వెంటనే ఈ క్రింద ఎరుపురంగులో ఉన్న తెరపట్టు Screen shot కనిపించడం మొదలెట్టింది. అది సెక్యూరిటీ ఎర్రర్ / కాషన్ నోటీస్. 

నా బ్లాగ్ అగ్రిగేటర్స్ అయిన మాలిక ఆర్గ్. మీద సైబర్ దాడి జరిగిందనీ, ఆ సైట్ నుండి మీ బ్లాగ్ విషయాలు, డేటా దొంగిలించవచ్చన్న ఊహతో గూగుల్ క్రోమ్ వారు అలా నా బ్లాగ్ తెరచుకోకుండా చేశారు. వేరే సైట్ నుండి చక్కగా ఓపెన్ అయ్యింది. సరే.. అంతా మన మంచికే అనుకొని, నా బ్లాగ్ వైపు రాలేదు. రాత్రి పన్నెండున్నరకు ఒకసారి మళ్ళీ బ్లాగ్ ని తెరచి చూశాను. చక్కగా తెరచుకుంది. కానీ అప్పటికి అప్డేట్ పోస్ట్ పెట్టాలన్న మూడ్ లేక ఊరుకున్నాను.

ఇలా జరగటం అన్నది - దాదాపు పది సంవత్సరాల బ్లాగర్ గా ఉన్న సమయములో ఇదే మొదటిసారి. ఎన్నడూ ఇలా ఇబ్బందిని ఎదురుకోలేదు. మిగతావాళ్ళకు కూడా తెలియాలని ఇలా బ్లాగ్ లో పోస్ట్ గా పెడుతున్నాను. 

[తెలుగుబ్లాగు:22336] కి నేనిచ్చిన సమాధానం.

Vruthavam yelaga pettali.

udaharanaku :- Naa Maatrubhasha telugu. indulo Maatrubhasha ra ki vruthvam raavali antye yela type cheyyali.

teliyacheppagalaru. 

పై ప్రశ్నకి నేనిచ్చిన సమాధానం : 

వృత్వం ఎలా పెట్టాలో అడిగారు కదూ.. 

మీరు అడిగినది ఇన్ స్క్రిప్ట్ లోనా లేక గూగుల్ ట్రాన్స్లిటరేషన్ లోనా తెలియచెయ్యలేదు. ఇన్ స్క్రిప్ట్ అయితే నాకు తెలీదు.. గూగుల్ ట్రాన్స్లిటరేషన్ లో అయితే నేరుగా టైపింగ్ లో రాదు. పదాన్ని పూర్తిగా టైప్ చేస్తూ ఉండగా వచ్చే పదకోశంలో సరియైన పదాన్ని ఎంపిక  చేసుకోవాలి. 

ఉదాహరణకు : maatrutvam మాతృత్వం 

maatrubhaasha మాతృభాష 

kru కృ 

vru వృ 

truna తృణ 

Featured Post వివరాలు

ఈమధ్యనే బ్లాగుల్లో బ్లాగర్ వారు సరిక్రొత్తగా Featured Post ( ఫీచర్డ్ పోస్ట్ ) అనే ఆప్షన్ ని ఇచ్చారు. ఇది కేవలం బ్లాగ్ స్పాట్ వారి బ్లాగుల్లో మాత్రమే వాడటానికి వీలవుతుంది. ఇది బ్లాగులు నిర్వహిస్తున్నవారికి చక్కని ఉపకరణం అనుకోవాలి. అది ఎలా అంటే - 

1. బ్లాగుల్లోని పాత పోస్ట్స్ ని తమ బ్లాగుని చూసేవారికి తెలియజేసేందుకు 
2. పాత పోస్ట్స్ ని పరిచయం చెయ్యటానికి 
3. ఈ పోస్ట్ చాలా బాగుంటుంది 
4. ఈ టపా చదివితే మీకు మరిన్ని విషయాలు  తెలుస్తాయి 
5. వచ్చే పండగ గురించి నేను వ్రాసిన పోస్ట్ చదివితే మీకు మరిన్ని వివరాలు తెలుస్తాయి 
6. ఈ పాత టపా ఈ బ్లాగుకే హైలెట్ పోస్ట్.. 
7. ప్రస్తుత పరిస్థితి గురించి నేను ఏనాడో చెప్పిన వివరాలు ఈ పోస్ట్ లో ఉన్నాయి.. 
8. నేను వెళ్ళిన క్రొత్త ప్రదేశపు పర్యటన తాలూకు అనుభూతులు ఈ పోస్ట్ లో చదవచ్చు.. 

.. .. ఇలా ఎన్నెన్నో రకాలుగా - మీ గత టపాల తాలూకు మాధుర్యాలని - క్రొత్తగా మీ బ్లాగ్ వీక్షకులకు రుచి చూపించవచ్చు. ఒకమాటలో చెప్పాలంటే - గత కాలపు అనుభూతుల ఫోటో ఆల్బమ్ ముందు పెట్టి, అవి ఫలానా టూర్ వెళ్ళినప్పటి ఫొటోస్ అనో, ఫలానా ఘటన మీద నేను వ్యక్తీకరించిన అభిప్రాయాలు... ఇలా మీ పాత పోస్ట్స్ ని మీ బ్లాగ్ వీక్షకులకి మళ్ళీ / తాజాగా రుచి చూపించవచ్చు. ఇలా చెయ్యటం వలన బాగున్నాయని ఆనుకున మీ గత పోస్ట్స్ ని చదువరులకి - చక్కగా, నూతనంగా పరిచయం చెయ్యొచ్చు. 

దీనివల్ల మనకేమి లాభం అనుకుంటున్నారా ? అయ్యో.. చాలానే ఉన్నాయండీ.. ఎలా అంటే అలా పరిమితకాలం వరకూ ఒక్కో పోస్ట్ ని ఎన్నుకొని, అలా చూపిస్తే - అక్కడ వచ్చిన నీలిరంగులో ఉన్న లింక్ ద్వారా ఆ పోస్ట్ ని నేరుగా చూస్తారు. బాగుంది అనుకుంటే మరిన్ని పోస్ట్స్ కి వెళతారు. లేదా మరో లింక్ కోసం / ఫీచర్డ్ పోస్ట్ కోసం ఎదురుచూస్తారు. అంటే ఒక పోస్ట్ కోసం వచ్చిన వారిని - ఈ ఆప్షన్ వల్ల మరో పోస్ట్ చదివిస్తాం అన్నమాట. దీనివల్ల మన బ్లాగ్ వీక్షకుల సంఖ్య పెరుగుతుంది. గూగుల్ ఆడ్ సెన్స్ గనక మన బ్లాగ్ కు ఉంటే ప్రకటనలూ పెరుగుతాయి. దానివల్ల ఆదాయమూ పెరుగుతుంది. ఇలా ఇన్ని లాభాలు ఉన్నాయని తెలుసుకున్నారు కదా.. మరి ఇంకెందుకు ఆలస్యం.. ఆ వివరాలు తెలుసుకోవాలని అనుకుంటున్నారా? పదా మరి..

ఫొటోస్ పెద్దగా కనిపించేందుకు ఫోటో మీద డబుల్ క్లిక్ చెయ్యండి. 

మీ బ్లాగ్ హోం పేజీ తెరిచి చూస్తే - ఇలా లేత నీలిరంగులో ఉన్న ఒక నోటిఫికేషన్ కనిపిస్తుంది. ఆ నోటిఫికేషన్ చివరిలో ఎర్రని బాణం గుర్తు వద్ద ఉన్న Learn more ని నొక్కితే మీరు - మీ బ్లాగ్ పేజీ లే అవుట్ Lay out కి వెళతారు. లే అవుట్ అంటే - మీ బ్లాగ్ లోని ఆప్షన్స్ వాడితే మీ బ్లాగ్ ఎలా ఉంటుందో చూపే ఒక ప్లాన్ మాదిరిగా అనుకోవాలి. ఒకవేళ మీకు అలా నీలిరంగు డబ్బా లోని నోటిఫికేషన్ పొరబాటున తీసేసినా, రాకున్నా బాధపడాల్సిన అవసరం లేదు.. బ్లాగ్ హోం పేజీ ఓపెన్ చేసి, బ్లాగ్ లే అవుట్ కి వెళ్ళండి. 

ఆ ఎర్రని బాణం గుర్తు వద్ద ఉన్న learn more ని నొక్కితే ఈ క్రింది విధముగా మీ బ్లాగ్ లే అవుట్ పేజీ తెరచుకుంటుంది. 

మౌస్ చక్రాన్ని తిప్పితే - అదే పేజీకి క్రిందనకి చేరుతాం. అక్కడ కుడి ప్రక్కన ఉన్న Side bar లోని మొదటగా నీలిరంగులో ఉండే Add a Gadget ని నొక్కండి. ( క్రింది ఫోటోలో ఎరుపు రంగు దీర్ఘ వృత్తంలో చూపించినది ) 

అప్పుడు మీకు Add a Gadget టూల్స్ గల ఒక పేజీ తెరచుకుంటుంది. Basics లోని రెండవ టూల్ యే ఈ Featured post. మీరు మీ బ్లాగులోని మీకు నచ్చిన ఏదైనా పోస్ట్ ని హైలైట్ చెయ్యాలనుకుంటున్నారో ఆ పోస్ట్ ని చూపెట్టుటకు ఈ గాడ్జెట్ ని మీ బ్లాగ్ కి జత చెయ్యాలి. అంటే ఆ గాడ్జెట్ కి కుడివైపున ఉన్న + గుర్తుని నొక్కాలి. క్రింద ఫోటోలో ఎర్రని బాణం గుర్తు వద్ద చూపెట్టబడింది. 

అలా ఆ + గుర్తుని నొక్కగానే మీకు ఈ క్రింది ఫోటోలో మాదిరిగా వివిధ ఆప్షన్స్ గల ఒక పేజీ మీకు కనిపిస్తుంది. ( క్రింది ఫోటోలో చూడండి ) 

ఇందులో 1 వద్ద - Gadget Title వద్ద Featured Post అని డిఫాల్ట్ గా ఉంటుంది. దీన్ని మీరు - మళ్ళీ చూడండి / ఈ పోస్ట్ చదివి పెట్టండి / See this అనో.. మీకు నచ్చిన టైటిల్ పెట్టి మార్చుకోవచ్చు.. లేదా అలాగే ఫీచర్డ్ పోస్ట్ అని ఉంచేసుకోవచ్చును. 

2 వద్ద నున్న Post snippet వద్ద - Show post title వద్ద టిక్ మార్క్ చెయ్యాలి. ఇది డిఫాల్ట్ గా టిక్ చేసి ఉంటుంది. ఇలా చేస్తే మన బ్లాగ్ లో కనిపించే ఫీచర్డ్ పోస్ట్ లో ఆ పోస్ట్ టైటిల్ నీలిరంగులో కనిపించి, ఆ టైటిల్ లింక్ గా ఉపయోగపడుతుంది. 

3 వద్ద - Show Image వద్ద కూడా టిక్ మార్క్ చెయ్యాలి. ఈ మార్క్ కూడా డిఫాల్ట్ గా ఉంటుంది. ఆ పోస్ట్ లోని మొదటి ఫోటో ఇక్కడ కనిపించి, ఆ పోస్ట్ ని తెరిచేలా ఆకర్షిస్తుంది. ఆ ఫోటో లింక్ గా ( అంటే ఫోటో మీద క్లిక్ చేస్తే ) తెరచుకోదు. 

4 వద్ద  - All labels లో ఉన్న చిన్న నల్లని త్రికోణాన్ని నొక్కాలి. మన బ్లాగులో Labels లేబుల్స్ ని ఏర్పాటు చేసుకొని, పోస్ట్ చేసిన పోస్ట్స్ అన్నీ ఆయా వర్గీకరణల క్రిందకు ఆపాటికి చేర్చి ఉండాలి. అలా చేర్చిన పోస్ట్స్, వాటి వర్గీకరణలూ, బ్రాకెట్ లలో వాటిలోని పోస్ట్స్ సంఖ్య మీకు ఇక్కడ కనిపిస్తాయి. 

5 వద్ద - సర్చ్ బార్ ఉంటుంది. ఈ Search Bar లో మీ పాత టపా పేరు టైపు చేసి, కూడా వెదకవచ్చు. 

అదే పేజీలో క్రిందకు వస్తే -  6 వద్ద రెండు బాణం < > గుర్తులు వస్తాయి. వాటిని వాడుతూ ( ముందూ, వెనకాలకు ) వచ్చిన పోస్ట్ లలోనుండి మీరు Featured Post ని ఏది పెట్టాలనుకుంటున్నారో ఆ పోస్ట్ ని ఎన్నుకోవాల్సి ఉంటుంది. ( క్రింది ఫోటోలో చూడండి )

7 వద్ద ఆ ఫీచర్డ్ పోస్ట్ యొక్క ప్రివ్యూ Preview కనిపిస్తుంది.

ఆ ప్రివ్యూ మొత్తం ఇలా 8 లా ఉంటుంది. ( క్రింది ఫోటోలో చూడవచ్చును )

9 వద్ద Save అనే బటన్ నొక్కితే ఆ ప్రివ్యూ - మీ బ్లాగ్ లో ఒక సైడులో - మీరు ఎంచుకున్న భాగంలో కనిపిస్తుంది. ఇప్పుడు ఆ ఫీచర్డ్ పోస్ట్ ని మీ బ్లాగ్ లే అవుట్ లో విజయవంతముగా చేర్చారు అన్నమాట.

ఇప్పుడు బ్లాగ్ లే అవుట్ పేజీలో 10 వద్ద చూపినట్లుగా ఫీచర్డ్ పోస్ట్ గాడ్జెట్ జత అవుతుంది. ( క్రింది ఫోటోలో చూడండి )

11 వద్ద చూపిన చుక్కల పట్టీని కర్సర్ తో నొక్కి, మూవ్ టూల్ సహాయాన పైకీ క్రిందగా Drog డ్రాగ్ చెయ్యవచ్చును.

12 వద్దనున్న Save Arrangements ని నొక్కి, మీ బ్లాగ్ లేబుల్స్ ప్రాధాన్యతలను సేవ్ చేసుకోవాలి.

13 ఇప్పుడు ఆ ఫీచర్డ్ పోస్ట్ మీ బ్లాగులో ఇలా కనిపిస్తుంది. మీ బ్లాగ్ కి వచ్చిన వీక్షకులు అక్కడ ఉన్న ఆ పోస్ట్ తొలి వాక్యాలు చదివి ఆసక్తి కలిగితే - ఆ పోస్ట్ లింక్ ద్వారా ఆ పోస్ట్ ని చూస్తారు. ఇలా మీరు వేసిన పోస్ట్స్ మరిన్ని వీక్షణలు చేసుకొని, మీ బ్లాగ్ వ్యూయర్ షిప్ పెరిగేలా చేస్తుంది.