Good Morning - 619

నిన్ను నిన్నుగా ఇష్టపడేవాళ్లకు నీవంటే ఏమిటో చెప్పనవసరం లేదు.. 

నిన్ను ఇష్టపడని వాళ్ళకు నీవంటే ఏమిటో చెప్పినా అర్థం కాదు.. 

మనం మంచివాళ్ళుగా జీవిస్తే చాలు.. 

దానిని నిరూపించుకోవాలని ప్రయత్నించనవసరం లేదు.. 

అవును.. నీవంటే ఎవరో, నీ గురించి బాగా తెలిసిన వారికి నీవంటే ఏమిటో చెప్పాల్సిన అవసరం లేదు.. ఎందుకూ అంటే వారికి నీగురించి బాగానే తెలిసే ఉంటుంది. నిన్ను ఇష్టపడని వారికి నీవంటే ఏమిటో చెప్పినా అర్థం కాదు.. ఎందుకూ అంటే నీవంటే ఏమిటో తెలుసుకోవాల్సిన అవసరం, ఆసక్తి గానీ వారికి లేదు. అలా లేనప్పుడు ఎంత చెప్పినా వృధానే. చెప్పేది విన్నాక తరవాత ఆలోచిద్దాం అన్న కనీస జ్ఞానం లేనివారితో మనమేమాత్రం ఇమడలేం. మనం మంచివాళ్ళుగా జీవిస్తే చాలు. మన వారితో, ఎదుటివారితో సరియైన తీరుగా ఉంటే చాలు. మనం అంటే ఏమిటో - మన మంచితనం అంటే ఏమిటో అందరికీ నిరూపించుకోవాల్సిన అవసరం లేదు... నిరూపించుకోవాలని చూస్తే దానంత కాలం వృధా మరొకటి లేదు..