Yaathamesi thodinaa - Pranam Khareedu

చిత్రం : ప్రాణం ఖరీదు (చిరంజీవి మొదటి చిత్రం)
సంవత్సరం : 1978
సంగీతం : చక్రవర్తి 
గాయకుడు : S. P బాలసుబ్రమణ్యం.
రచన  : జాలాది.
********************
పల్లవి :

యాతమేసి తోడినా ఏరు ఎండదు - పొగిలి పొగిలి ఏడ్చినా పొంత నిండదు

యాతమేసి తోడినా ఏరు ఎండదు - పొగిలి పొగిలి ఏడ్చినా పొంత నిండదు

దేవుడి గుడిలోదైనా - పూరి గుడిసెలోనైనా

గాలి ఇసిరి కొడితే… దీపముండదు

ఆ దీపముండదు  // యాతమేసి తోడినా ఏరు ఎండదు //

చరణం 1: 

పలుపుతాడు మెడకేత్తే పాడి ఆవురా - పసుపుతాడు ముడులేత్తే ఆడదాయిరా

కుడితి నీళ్ళు పోసినా - అది పాలు కుడుపుతాది

కడుపు కోత కోసినా - అది మడిసికే జన్మఇత్తాది

బొడ్డు పేగు తెగిపడ్డ రోజు - తలుసుకో

గొడ్డు కాదు ఆడదనే గుణం - తెలుసుకో // యాతమేసి తోడినా ఏరు ఎండదు //

చరణం 2: 

అందరూ నడిసొచ్చిన తోవ ఒక్కటే - సీము నెత్తురులు పారే తూము ఒక్కటే
మేడమిద్దెలో ఉన్నా - సెట్టు నీడ తొంగున్నా
నిదర ముదర పడినాకా - పాడె ఒక్కటే, వల్లకాడు ఒక్కటే
కూత నేర్సినోల్ల కులం కోకిలంటరా - ఆకలేసి అరిసినోల్లు కాకులంటరా

// యాతమేసి తోడినా ఏరు ఎండదు - పొగిలి పొగిలి ఏడ్చినా పొంత నిండదు //