ఇంద్రధనుస్సు - నేనొక ప్రేమ పిపాసిని..

నాకిష్టమైన పాటల్లో ఒకటి & భగ్న ప్రేమికులకు చిరు కానుక / అంకితం. 

చిత్రం : ఇంద్రధనుస్సు (1978) 

రచన: ఆచార్య ఆత్రేయ 

సంగీతం: కె.వి.మహాదేవన్ 

గానం: S.P.బాలు 

******************

పల్లవి: 

నేనొక ప్రేమ పిపాసిని నీవొక ఆశ్రమవాసివి 

నా దాహం తీరనిది నీ హృదయం కదలనిది (2) // నేనొక ప్రేమ పిపాసిని.. // 

చరణం 1: 

తలుపు మూసినా తలవాకిటనే పగలు రేయి నిలుచున్నా 

పిలిచి పిలిచీ బదులే రాక అలసి తిరిగి వెళుతున్నా (2) 

నా దాహం తీరనిది నీ హృదయం కదలనిది // నేనొక ప్రేమ పిపాసిని.. // 

చరణం 2: 

పూట పూట నీ పూజ కోసమని పువ్వులు తెచ్చాను 

ప్రేమభిక్షను పెట్టగలవని దోసిలి ఒగ్గాను 

నీ అడుగులకు మడుగులోత్తగా ఎడదను పరిచాను 

నీవు రాకనే అడుగు పడకనే నలిగిపోయాను // నేనొక ప్రేమ పిపాసిని.. // 

చరణం 3: 

పగటికి రేయి - రేయికి పగలు - పలికే వీడ్కోలు 

సెగ రేగిన గుండెకు చెబుతున్నానీ చెవిన పడితే చాలు 

నీ జ్ఞాపకాల నీడలలో నన్నెపుడో చూస్తావు 

నను వలచావని తెలిపేలోగా నివురైపోతాను.. // నేనొక ప్రేమ పిపాసిని.. //