My VALUABLE LESSONS: December 2017

Friday, December 29, 2017

కొందరు ఇలా కూడా ఉంటారు.. తస్మాత్ జాగ్రత్త..

మనం చేసే ప్రతి పనిలోనూ ఆనందం లేకపోవచ్చు. కానీ - ఏ పనీ చెయ్యకుండా ఆనందాన్ని పొందలేము.

నువ్వు ఎవరినుండీ ఏమీ ఆశించక పోవచ్చు..

కానీ కాలం ఆశింపచేసేలా చేస్తుంది.

నీవు ఎవరి నుండి ఏ సహాయం పొందకూడదనుకోవచ్చు..

కానీ విధి సహాయం అడిగేలా చేస్తుంది.

ఇదే జీవితం అంటే...

కన్నీళ్లు చాలా విలువైనవి.

చిన్న చిన్న విషయాలకి వాటిని వృధా చెయ్యకండి.

తండ్రి కొడుక్కి ఏదైనా ఇచ్చినప్పుడు ఇద్దరి పెదాలు నవ్వుతాయి.

కుమారుడు తండ్రికి ఏదైనా ఇచ్చినప్పుడు ఇద్దరి కళ్ళూ చెమరుస్తాయి.

నాటిన మొక్కా, పెంచుకున్న స్నేహం రెండూ అపురూపమైనవే..

ఒకటేమో - నీడనిచ్చి సేదదీరుస్తుంది.

మరొకటేమో - తోడుగా ఉంటూ మనల్ని ఉత్సాహముగా ఉంచుతుంది.

ఇతరులకు మనం మేలు చేసి, దానిని ఎప్పుడూ జ్ఞాపకం పెట్టుకోవద్దు. మనకు మేలు చేసిన వారిని ఎప్పుడు మరచిపోవద్దు.

నీ పెదాల మీద అతికించుకున్న చిరునవ్వును చూసి,

నువ్వు ఆనందముగా అందరూ అనుకుంటున్న క్షణంలోనూ

నీ కళ్ళలోని బాధను పసిగట్టవాడే నిజమైన స్నేహితుడు.

ఆత్మవిశ్వాసంతో - నీపై నీవు నమ్మకాన్ని పెట్టుకొని ప్రయత్నం చేయు..

తప్పకుండా అనుకున్నది సాధిస్తావ్..