Tuesday, September 27, 2016

Good Morning - 613


అవసరమైన సలహా స్వీకరించాలి. 
అనవసరమైన వాటిని తిరస్కరించాలి. 
అలాగే నీలోని ప్రత్యేకతని వాటికి జోడించాలి. 



Sunday, September 25, 2016

పొడుపు కథలు - 34


పిడికెడంత పిట్ట, 
అరచి గోల పెడుతుంది. 
ఎత్తుకుంటే చెవిలో గుసగుసలాడుతుంది.. 
ఏమిటది..? 
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
జవాబు : 


Tuesday, September 20, 2016

Good Morning - 612


మనకి ఉన్నవి రెండే సమస్యలు.. 
మొదటిది : దేన్ని గుర్తుంచుకోవాలో దాన్ని మరచిపోవడం. 
రెండవది : దేన్ని మరచిపోవాలో దాన్ని గుర్తుంచుకోవడం.. 

అవును.. మనుష్యులన్న వారికి ఉన్నవి స్థూలంగా ఉన్నవి రెండే రెండు సమస్యలు. ఈ సమస్యలన్నవి అత్యంత సాధారణం. ప్రతివారికీ తప్పవు. సమస్యలు తెచ్చి పెట్టే జ్ఞాపకాలల్లో వేటిని మరచిపోవాలి, వేటిని గుర్తుంచుకోవాలి అన్నదగ్గరే ఆ మనిషి ప్రతిభనీ, ఎదుగుదలనీ, భవిష్యత్తునీ చూపిస్తుంది. ఈ సమస్యల్లో ఉన్నవి రెండు రకాలు. 
1. దేన్ని గుర్తుంచుకోవాలో దాన్ని మరచిపోవడం, 
2. దేన్ని మరచిపోవాలో దాన్ని గుర్తుంచుకోవడం. 
ఇలా ఎందుకు అవుతుందీ అంటే ఆ జ్ఞాపకాల తాలూకు బలమైన సునామీ ప్రభావం నుండి బయటపడలేని అశక్తత. ఆ ప్రభావం తాలూకు నుండి ఎలా బయటపడాలీ అని చేసే ప్రయత్నాలలోనే మన ప్రజ్ఞ ఏమిటో బయటపడుతుంది.  

మరుపన్నది మానవ జన్మకి ఒక వరం.. అన్న నానుడి అక్షరాలా నిజం. కొన్ని విషయాలని ఇట్టే మరచిపోతాం - ఎంతగా అంటే అసలు అవి మనవరకూ వచ్చాయా? నాకు అస్సలే తెలీదే.. అన్నట్లుగా. మరికొన్ని మాత్రం మనల్ని జీవితాంతం వరకు వెంటాడుతూ, వేటాడుతూ ఉంటాయి. ఇవి ప్రతి మనిషికీ కొద్దో, గొప్పో ఉంటాయి. వీటిని తట్టుకోవాలంటే ఆ మనిషికి స్థితప్రజ్ఞత, చాలా మానసిక ధైర్యం ఉండాలి. ఇదే కాకుండా చక్కని తోడు కూడా ఉండాలి. ఈ తోడు అన్నది - సాటి మనిషా, పెంపుడు ప్రాణా, అలవాటా, ప్రకృతియా, అభిరుచియా, మరొకటా కావొచ్చు. ఈ తోడు వల్ల ఆ వెంటాడే జ్ఞాపకాల నుండి - పూర్తిగా కాకున్నా చాలావరకు బయట పడవచ్చును. 

ఇప్పుడు మీకు - ఒక చక్కని పరిష్కార మార్గాన్ని చెబుతున్నాను. ఇది వాడి నన్నునేనూ, ఇతరులకు చెప్పి, వారినీ వారికున్న వెంటాడే జ్ఞాపకాల నుండి చాలావరకు బయటపడేశాను. మీకు నచ్చితే మీరూ పాటించండి.. లేదా ఇతరులకీ చెప్పండి. 

ఒక సమస్య తాలూకు బాధ / జ్ఞాపకం మిమ్మల్ని చాలా వెంటాడుతూ, బాధ పెడుతూ ఉంటే గనుక - మీరు ఆ సమస్య తీవ్రతను బట్టి దాని ప్రభావం మిమ్మల్ని ఎంతకాలం వెంటాడగలదు, దాన్ని మీరు ఎంతకాలం లోగా ( ఒక గంటనా, పూటనా, రోజా, వారమా, పక్షమా, నెలనా, సంవత్సరమా .. ) దాన్ని తొలగించుకోవాలో అన్నది మీరు మీ మానసిక స్థితిని బట్టి స్పష్టముగా ఒక అంచనాకి రావాలి. ఈ అంచనా అన్నది మీరే నిర్ణయించుకోవాలి. ఆ తరవాత మీరు  పైన చెప్పిన తోడుతో గానీ, మీరంతట మీరుగానీ బయటపడగాలి. ఈ కాలం లోనే ఆ సమస్య / జ్ఞాపకం చేసే బాధ వల్ల మీరు బాధపడుతారా ? కన్నీరు కారుస్తారా? పొర్లి పొర్లి ఏడుస్తారా? సరి చెయ్యటానికి ప్రయత్నిస్తారా?.. అన్నది ఈ నిర్ణయించిన కాలంలోనే మాత్రమే చెయ్యాలి. ఆ గడువు తీరిన తరవాత మాత్రం ఇక ఆ ఆలోచన అస్సలు వద్దు. " నేను గడువు పెట్టుకున్న కాలంలోనే తీరలేదు.. ఇక తీరుతుందన్న ఆలోచనా లేదు.. నేను ఎంతగా చెయ్యాలో అంత చెయ్యాల్సింది చేశాను. ఇక అ దేవుడే నా సమస్యని తీర్చాలి.. " అని అనుకోవడం మొదలెట్టాలి. మీలో ఇక అ మరుపురాని జ్ఞాపకాలు వెంటాడటం క్రమంగా తగ్గటం మీరే గమనిస్తారు. మీరు ఖచ్చితముగా సంతోషముగా మారుతారు కూడా.  

నిజానికి పైన చెప్పిన టెక్నిక్ చిన్నగా చెప్పొచ్చు. అందరికీ చప్పున అర్థం కాకపోవచ్చని, అందరికీ అర్థమవ్వాలని ఇలా పెద్దగా చెప్పాను. చిన్నగా చెప్పాలంటే - 


వెంటాడే జ్ఞాపకాల నుండి  బయటపడాలంటే  - వాటి బాధలకు ఒక నిర్ణీత గడువుని పెట్టుకోండి. అందులోనే మీరు కవితలు వ్రాస్తారా? అరుస్తారా? పొర్లి పొర్లి ఏడుస్తారా? గింజుకుంటారా?.. అన్నది మీ ఇష్టం. ఆ గడువు తీరాక ఇక వద్దే వద్దు.. నా శక్తి మేరకూ 150% చెయ్యాల్సింది చేశాను.. నా అమూల్యమైన సమయం వృధా చేశా.. ఇక చాలు. అనీ.. 


Sunday, September 18, 2016

Good Morning - 611


సలహా ఇచ్చేందుకు రానివారందరికీ కృతజ్ఞతలు. 
ఎందుకంటే వారి వల్లనే నేను స్వంతముగా పనిచెయ్యడం నేర్చుకున్నాను. 

Friday, September 16, 2016

వినాయక పూజ

ప్రతి సంవత్సరం లాగానే ఈ సంవత్సరం వినాయక చవితి ని ఈసారి కూడా బాగా జరుపుకున్నాం. ఆ విశేషాలు ఏమిటో మీకు తెలియచేద్దామని ఈ టపా.
అందరిలాగానే ప్రతి ఏటా వినాయక చవితి ఉత్సవం అందరితో బాటూ జరుపుకుంటూ ఉంటాం.. మామూలుగా ఉత్సవ వివరాలు చెప్పక విశేషాలు మాత్రమే మీకు చెప్పబోతున్నాను. ఇదేదో మా గొప్పకోసమనీ, మా డాబు ప్రదర్శించటానికో చెప్పట్లేదు. ఎవరికి ఎలా అనిపించినా మా పండగ మాది. ప్రతి సంవత్సరానికీ క్రొత్త క్రొత్తగా, ఉత్సవాన్ని కాస్త అభివృద్ధి చేసి చేసుకుంటున్నాం.. మొదట గణేశుడి ప్రతిమని గూట్లో పెట్టి పూజ చేసుకున్నప్పటి నుండి, ఇప్పటివరకు ఎన్నెన్నో మార్పులు. ప్రతి సంవత్సరానికీ ఏదో మార్పు. 

అందరిలాగానే మామూలుగా ఈ ఉత్సవాన్ని జరుపుకునే మాకు - చాలా సంవత్సరాల క్రిందట మా ఆవిడ ఒక ప్రతిపాదన చేసింది. అది - పండగ ప్రారంభం అయ్యాక మూడురోజులకే నిమర్జనం చేసే బదులు నవరాత్రులు పూజ చేశాక, నిమర్జనం చేద్దామని. బాగానే ఉంది కానీ రోజూ ఆ దేవుడికి చేసే కైంకర్యాలు ఎలా? పూజ, పూలదండ, శుద్ధి, పరిశుభ్రత, పూజా సంస్కారాలు, తీర్థ ప్రసాదాలు... ఇవన్నీ రోజూ శుభ్రతతో శుచిగా చెయ్యాలి. అప్పుడే ఆచారాలని సక్రమముగా నిర్వర్తించినట్లు. ఒకవేళ అలా చెయ్యడం అవకుంటే - ఆ ఆలోచనని మానుకోవడమే బెస్ట్. కానీ తన చిన్నప్పటి నుండీ ఇది కోరికనట. కాదని అనలేను.. అలాని అంటే తనని నొప్పించినట్లు అవుతుంది. పూజాఫలం మిస్ అవుతానేమో అనే శంక.. ఒప్పుకుంటే తన చిన్నప్పటి కోరికా నేరవేర్చినట్లు అవుతుంది. ఆ పూజ వల్ల మంచి అవుతుందేమో అని ఆశ. ఒప్పుకుంటే బయట వ్యవహారాలూ ( అంటే ప్రతిమ తేవడం, ప్రసాదాలకు కావలసినవి తేవడం.. నిమర్జనం చెయ్యడం వంటివి ) నావి, పూజా వ్యవహారాలు తనవి ( పూజ చెయ్యడం, శుచీ, శుభ్రత, ప్రసాదాల తయారీ, అవి పంచడం.. లాంటివి. ) ఇంత వివరముగా ఎందుకు చెబుతున్నానూ అంటే ఎవరికైనా ఇలాగే చేసుకోవాలని అనిపిస్తే కాస్త వివరముగా ఉంటుందనీ.. 

దాదాపు పదిహేను సంవత్సరాల క్రిందట నుండీ అలా ఇంట్లోనే నవరాత్రులనీ చెయ్యడం మొదలెట్టాం.. మొదట్లో మట్టి విగ్రహాలనే పూజకి పెట్టేవాళ్ళం.. ఈ లడ్డూ ప్రాముఖ్యతని గుర్తించి, ఆ తరవాత వామ హస్తంలో లడ్డూ ఉంచడానికి కోసమని ప్లాస్టర్ ఆఫ్ ప్యారిస్ విగ్రహాలకి మారాల్సి వచ్చింది. ఇలా ఎడమ చేతిలో లడ్డూ పెట్టడానికి అనువుగా ఉండే మట్టి ప్రతిమలు దొరికితే మరింత సంతోషమే... 

ఒకప్పుడు ప్రతిమలు ముందుగా కొనేవాళ్ళం. పండగ రోజున ధర ఎక్కువగా ఉంటుందనీ. ఇప్పుడేమో అమ్మే వాళ్ళు ఎక్కువై, పండగ రోజున తక్కువలో ( ఆరోజు గనుక అమ్మకపోతే వాటిని వచ్చే సంవత్సరం వరకూ కాపాడాల్సిందే, వడ్డీ నష్టం మరొకటి.. ) అందుకే ఆరోజునే తక్కు వగా ధర ఉంటుంది - స్టాక్ ఎక్కువగా ఉంటే. 

సత్యనారాయణ స్వామివారి పూజాపీటని ఈ ఉత్సవానికి వాడుతున్నాం.. ఆ రెండు పూజలకి మిక్కిలిగా ఆ పీట ఉపయోగపడుతున్నది. భక్తి, శ్రద్ధలతో వినాయక వ్రతం చేశాక, ఎప్పటికప్పుడు మరిన్ని అలంకరణలు చేస్తూ బయట మండపాలకి ఏమాత్రం తగ్గకుండా ప్రతిరోజూ స్వామివారికి చెయ్యాల్సిన కైంకర్యాలు చేస్తూనే ఉన్నాం. ప్రతి ఏటా కాస్త మార్పులు చేస్తూనే ఉన్నాం. 

ఉదయాన శుచిగా పరిసరాలని శుభ్రం చేసి, ఆ తరవాత పూజ చేసి, ఆ సమయం తరవాత హోం థియేటర్ లో భక్తి పాటలు పెట్టి.. సాయంత్రాన రోజుకో వెరైటీ ప్రసాదాలు నివేదన చేసి, ఆ పిమ్మట చుట్టూ ప్రక్కల వారికి పంచటం.. జరుగుతుంది. ఇలా నవరాత్రులూ జరుగుతుంది. ఈసారి వినాయకుడి మీద లైట్ ఫోకస్ ని ఏర్పాటు చేశాను. 3watts LED బల్బుని లోపలి వైపుగా అమర్చాను. ఫలితముగా విగ్రహం దేదీప్యమానముగా వెలిగిపోతున్నది. ప్రొద్దున పూజ నుండీ రాత్రి వరకూ ఆ లైట్ వెలుగుతూనే ఉంటుంది. క్రిందన ఉన్న రెండు ఫోటోలలో చివరి ఫోటో అప్పటిదే. 

ఇక నిమర్జనం రోజున పెద్ద విగ్రహాలను పెట్టినవారికి మా విగ్రహాన్ని ఇచ్చి నిమర్జనం చేయించేవాళ్ళం. కానీ గత నాలుగైదు సంవత్సరాలుగా మేమే స్వయంగా పది కిలోమీటర్ల దూరంలోని చెరువులో నిమర్జనం చేస్తున్నాం.. ఈసారి మా అమ్మాయి తను నిమర్జనం చేస్తానని అంటే తననే చేయనిచ్చాం.. 

ఇవీ మా వినాయక ఉత్సవం ప్రత్యేకతలు. చిన్నబడ్జెట్లోనే కానీ బాగా ఆడంబరముగా, శుచిగా, త్రికరణ శుద్ధిగా, బయట ఎలా చేస్తున్నారో అలాగే మేమూ ఈ నవరాత్రులూ చేస్తున్నాం.. శ్రావణ మాస ఆరంభం నుండీ ఈ వినాయకనిమర్జనం వరకూ నీచు (Non-veg) పూర్తిగా బంద్. ఇలా అందరి వద్దా ఉండొచ్చు.. కానీ మా పద్ధతులని మీకు తెలియచేశాను. మాకు అంతా మంచే జరుగుతున్నది కూడా.. వచ్చే ఏట కూడా మరింత బాగా జరుపుకోవాలని అనుకుంటున్నాం.. ఈపోస్ట్ ని ఎప్పుడో వ్రాయాలని అనుకున్నా.. కానీ, నేడు నెరవేరింది. 

ఓం గం గణపతయే నమః 

వినాయక ఉత్సవం 2016

రాత్రివేళ 


Wednesday, September 14, 2016

Quiz


ఈ ప్రశ్నకు సమాధానం చెప్పండి.. ? మార్కు ఉన్న గడిలో ఎంత అంకె వస్తుంది.?
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
జవాబు : 8
అక్కడ 8 వస్తే ఎటువైపు కూడినా 15 వస్తుంది. 


Saturday, September 10, 2016

LED 23 watts BULB

ఈమధ్య LED పేరు బాగా వినపడుతుంది కదా అనీ - ఇంట్లోకి ఇక అన్నీ LED బల్బులు అమర్చాలీ అనుకున్నా.. శాంపిల్ కోసమని మామూలు వాటిల్లో ఒక కాస్త పేరున్న (ఆ కంపనీ పేరు ఎప్పుడూ వినలేదు..) బల్బ్ తీసుకున్నాను. వాడి చూశాను.. బాగుంది. ఆ బల్బ్ ధరనే కాస్త ఎక్కువగా ఉంది. కాస్త మన్నికగా అనిపించగానే ఇకనుండీ మంచి కంపనీలవే వాడాలనుకొని - బ్రాండెడ్ కంపనీ Surya సూర్య కంపనీ వారి 0.5 watt బల్బ్ తీసుకున్నాను. ఇంటి ముందు రాత్రంతా వెలుగు ఉండాలని. అలాని ఎందుకూ అంటే - ఇంటి ముందు రాత్రిన వెలుతురు ఉంటే - ఆ రాత్రిన దొంగ(లా) రావాలంటే ఆ వెలుతురు అడ్డంకిగా ఉంటుంది. నిజముగా అవసరముండి రావాలనుకున్నవారికి అదొక ఉపయోగకరముగా ఉంటుంది. మాకేమో ఆ చీకట్లో ఎవరైనా వస్తే చూడటానికి తేలికగా గుర్తుపట్టేలా ఉపయోగపడుతుంది. ఇది అప్పట్లో Rs. 70 రూపాయలు. అయినా ఆ LED బల్బ్ జీవితకాలంతో పోలిస్తే లాభమే. ( రోజుకి 10 గంటలు వాడినట్లయితే 0.5w X 10 Hours = రోజుకి 5 వాట్లు X 30 రోజులు = 150 వాట్స్ X 12 నెలలు = సంవత్సరానికి ఆ బల్బ్ విద్యుత్ వినియోగం 1800 watts / 5 Rs. ఒక యూనిట్ ధర అనుకుంటే = సంవత్సర కాలానికి రాత్రి పూట పది గంటల పాటు ఆ బల్బ్ వాడితే 9 రూపాయలు అవుతుంది అన్నమాట. బాగా చవక కదూ ) 

ఈ లెక్కలన్నీ చూస్తుంటే వీడేదో పీనాసి లా ఉన్నాడే అనుకోవచ్చు. మామూలుగా నా ఇంటి విద్యుత్ బిల్లు దాదాపు వెయ్యి రూపాయలు. అందుకే ఆ బిల్లు తగ్గిద్దామని ప్రయత్నాలు. ఆ చిన్న బల్బు ఇంకా అమోఘముగా పనిచేస్తుండటముతో మరో రెండు Surya LED 14w బల్బ్స్ తీసుకున్నాను. అవీ బాగా పని చేస్తుండటంతో మొన్న ఆగస్ట్ 20 న  ఐ సినిమాలో మాదిరిగా " అంతకు మించి.. " అనుకుంటూ ఎక్కువ వాటేజీ బల్బ్ కోసం వెళ్లాను. అనుకోకుండా ఆ షాప్ లో Surya 23w బల్బ్ కనిపించింది. అడిగి ఆ బల్బ్ వివరాలు తెల్సుకున్నాను.. 




కవర్ అట్ట మీదున్న బొమ్మలా లోపల బల్బ్ ఉంది. ( క్రింది ఫోటోలో ఆ LED బల్బ్ ఫోటో పెట్టాను. చూడండి ) మిగితా LED బల్బులా కన్నా కాస్త బరువుగా ఉండి, ధర ఎక్కువగా ఉంది. మామూలు బల్బ్ హోల్డర్ లో నేరుగా పెట్టేసుకొని వాడుకోవచ్చు. వెలుతురు ఎలా ఉంటుందో బల్బ్అ హోల్డర్ లో పెట్టి టెస్ట్ చేశా.. చాలా బాగుంది. కూల్ డే లైట్ వెలుతురు వస్తుంది అని కవర్ మీదుంది. ఈ బల్బ్ వెలుతురు కాస్త నీలిరంగులో ఉండి, పరిసరాలు, వస్తువులు మరింత ప్రకాశవంతముగా కనిపిస్తాయి. మామూలు LED బల్బ్స్ పెట్టిన చోట ఈ ఎక్కువ వాటేజీ బల్బ్ పెడితే మరింతగా వచ్చే వెలుతురు మనల్ని బాగా ఆకట్టుకుంటుంది. ధర కవర్ మీద MRP ఎనిమిది వందల చిల్లర ధర ఉన్నా నేను Rs. 630 కి కొన్నాను. కొన్ని ఆన్ లైన్ సైట్లలో Rs. 500 కే దొరుకుతున్నా కొట్టులోనే కొన్నాను. ఆ షాప్ వాడు రెండు సంవత్సరాల వారంటీ ఇచ్చాడు. ఆ రెండు సంవత్సరాల కాలములో బల్బ్ వెలగక పోతే మరో బల్బ్ రిప్లేస్ మెంట్ ఉంటుంది అన్నమాట. ఈ విషయం మరింత ఆకర్షణీయముగా ఉందనుకున్నాను. ఒక బల్బ్ కొని వాడటం మొదలెట్టాను. హాశ్చర్యం కలిగించే వెలుతురు. గదులన్నీ బాగా వెలిగిపోయాయి. కాంతిని కొలిచే ల్యూమేన్స్ పరముగా చూసినా ఎక్కువ వెలుతురు ఇస్తున్నది. ధర ఒక్కటే కాస్త ఆలోచించాల్సిన విషయం కానీ ఒక ట్యూబ్ లైట్ల స్థానములో రెండు ఈ బల్బ్స్ వాడితే మరింతగా వెలుతురు వస్తుంది. కరంట్ బిల్ ఏమాత్రం ఎక్కువ అవదు. షాపుల్లో ముఖ్యముగా చిన్న కొట్లలలో, బట్టలు, ఇమిటేషన్ నగల కొట్లలో వాడితే వెలుతురుకి వెలుతురు.. అమ్మే వస్తువులు కూడా బాగా ప్రకాశవంతముగా కనిపిస్తాయి. మొత్తానికి ఒక గదిలో వాడటానికి నిర్ణయించుకున్నాను. 

మూడు రోజుల తరవాత ఒకరోజు సాయంత్రం ఆ బల్బ్ జీరో బల్బ్ లా వెలగటం మొదలెట్టింది. ఆ బల్బ్ కవర్ అలాగే ఉంచాను కాబట్టి దానిలో ప్యాక్ చేసి, ఆ షాప్ వాడికి చూపించాను. అతను చెక్ చేసి, మరో మాట మాట్లాడక మరో 23w బల్బ్ మార్పిడి చేసిచ్చాడు. హమ్మయ్య.. అది అలా అవటం వల్ల నాకున్న ఒక సందేహం తీరింది. ఇదే బల్బ్ ఆన్లైన్ లో కొని ఉంటే రిప్లేస్ చెయ్యటం బహుశా అసాధ్యమేమో... కాస్త డబ్బులు ( Rs. 130 ) ఎక్కువైనా షాపులో కొన్నదే మంచిది అయ్యింది. ఈరోజుకీ ఆ బల్బ్ శుభ్రముగా పనిచేస్తూనే ఉంది. దాని మీద వారంటీ మరో దాదాపు సంవత్సరం మీద పదకొండు నెలల కాలముంది. అంతవరకూ నిశ్చింతగా వాడుకోవచ్చు. ఆ బల్బ్ మీద పెట్టుబడి పరంగా లెక్క చూస్తే  
= Rs. 630 / 24 నెలలు ( 2 సంవత్సరాల కాలం ) 
= Rs. 26.25 / నెలకు అవుతుంది. 
= రోజుకి అంటే ( 26.25 / 30 రోజులు ) = 87.5 పైసల పెట్టుబడి. అంటే రూపాయికి కన్నా తక్కువే. . 
త్వరలోనే మరో నాలుగైదు బల్బ్స్ తీసుకోవాలని నిర్ణయించుకున్నాను. 

LED బల్బుల కలర్ టెంపరేచర్ గురించి ఈ క్రింది చార్ట్ లో చూడొచ్చు. నేను ఇదే బల్బ్ ని తప్పక వాడండి అని చెప్పట్లేదు. నాకు అందుబాటులో ఉన్న కొట్టులో కొన్న ఈ 23watt LED గురించి వ్రాస్తున్న రివ్యూ ఇది. 




Wednesday, September 7, 2016

Quiz


ఒక స్త్రీ 1947 లో పుట్టింది. 
అలాగే తను 1947 లో చనిపోయింది. 
తను మరణించే నాటికి తన వయస్సు 70 సంవత్సరాలు. 
ఇదెలా సాధ్యం..? 
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
జవాబు : 

Monday, September 5, 2016

All page notifications from Facebook

ఫేస్ బుక్ లోని పేజీల లోని పోస్ట్స్ అన్నీ మీకు కనిపించటం లేదా? 

ఆ పేజీల పోస్ట్స్ లలో కొన్ని మిస్ అవుతున్నారా?? 

ఆయా పేజీలలో పబ్లిష్ చెయ్యగానే వెంటనే వాటిని చూడాలని అనుకుంటున్నారా??? 

వీటన్నింటికీ మీ సమాధానం అవును అయితే ఈ క్రింది విధముగా చెయ్యండి.

  • - పేజీ కవర్ ఫోటో క్రిందన LIKE బటన్ క్లిక్ చేసి, ప్రక్కన ఉన్న త్రికోణాన్ని నొక్కితే ఒక మెనూ వస్తుంది. 
  • - అందులో Notifications క్రిందన ఉన్న All On ని క్లిక్ చెయ్యండి. ( ఫోటోలో నీలిరంగులో, ఎర్రని బాణం గుర్తువద్ద చూపెట్టబడినది) 
  • - ఇక మీదట పబ్లిష్ చేసిన ప్రతి పోస్ట్ తాలూకు నోటిఫికేషన్ మీ అకౌంట్ కి వస్తుంది. 



Saturday, September 3, 2016

Quiz


ఒక డాక్టర్, ఒక అబ్బాయి కారులో వెళుతున్నారు. ఆ డాక్టర్ ఆ అబ్బాయికి తండ్రి కాడు. కానీ ఆ అబ్బాయి ఆ డాక్టర్ కి కొడుకే. ఇదెలా సాధ్యం? 
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
జవాబు :  

Related Posts with Thumbnails