Tuesday, June 30, 2015

తెలుగు పొడుపు కథలు - 2


ముందూ, వెనకాలకు తప్ప, ప్రక్కకు కదలదు.. ఏమిటది? 
.
.
.
.
.
.
.
.
.
.
.
.
.
.
.
.
.
.
.
.


Sunday, June 28, 2015

Good Morning - 584


నీ స్నేహితుని పైన నీకు ఏమైనా సందేహం వస్తే - నిస్సందేహముగా, ధైర్యముగా, ఎవరి తోడు లేకుండా నేరుగా అడుగు మిత్రమా..! అంతే కానీ - అనుమానించి, నిందించకు నేస్తమా..! నింద ఎలాంటిది అంటే - చావు అయితే ఒకేసారి వస్తుంది. నింద అయితే నీవు గుర్తుకువచ్చినప్పుడల్లా అవతలి వారి మనసుని చిధ్రం చేస్తూనే ఉంటుంది. 

స్నేహం అన్నాక అప్పుడప్పుడు స్నేహితులతో వివాదాలు, వారిపైన అనుమానాలు సహజమే. కానీ స్నేహితుని మీద ఏదైనా సందేహం కానీ వస్తే లేదా ఇతరులు వారి మీద లేనిపోనివి కల్పించి చాడీలు చెబితే - ఆ స్నేహితుని మీద మనకు నిస్సందేహముగా అనుమానం కలుగుతుంది. తనని ఎంతవరకు నమ్మొచ్చు అన్న మీమాంస వస్తుంది. ఫలితముగా మనసులో మనసు ఉండదు.. ఏదో చేదు రుచి చూసినట్లు, మింగలేక కక్కలేక అన్న స్థితిలో ఉన్నట్లు అనిపిస్తుంది. ఆ పరిస్థితుల్లో మనం ఇంకో స్నేహితుల వద్ద తన మీద మీ అనుమానాల్నీ, మధ్యనున్న వివాదాలనీ చెబుతారు. వారు ఆ సమస్యని రెండువైపుల నుండి ఆలోచించక, కేవలం మనవైపు నుండే ఆలోచించి, మనతో పొందే మేలుని దృష్టిలో పెట్టుకొని, మనకి అనుకూలముగా మాట్లాడుతారు. అప్పుడు వారు చెప్పిందే సరియైనదిగా భావించి, స్నేహితునితో ఉన్న స్నేహబంధాన్ని దూరం చేసుకోవాలనుకుంటారు.. చివరకు చేసుకుంటారు కూడా.. ఈ లోకంలో చాలావరకు ఇలాగే జరుగుతున్నది కూడా. 

అలాచేస్తే - కాసింత ప్రశాంతత వస్తుందేమో కానీ, ఎప్పటికీ హాయిగా ఉండలేరు. మనసుకి దగ్గరగా వచ్చిన స్నేహితుని మీద మనవైపు నుండి ఆలోచించి తీసుకున్న నిర్ణయాన్ని ( ఇతరుల ఆలోచనల ప్రభావితమై ) బలంగా వారిమీద రుద్దేస్తాం.. కానీ వారి వైపున గల (స)హేతుక  కారణాలని కనీసం ఐదు నిముషాలైనా వినదల్చుకోం. ఫలితముగా ఆ స్నేహబంధం కోలుకోలేని దెబ్బ తింటుంది. మళ్ళీ కలవాలని ప్రయత్నిస్తున్నప్పుడు అహం వస్తుంది. ఒకవేళ దాన్ని ప్రక్కన పెట్టినా - ఆ బంధం మళ్ళీ ఎప్పటిలా కలసిపోవడం అసాధ్యం. 

ఇలా కాకుండా - నీ స్నేహితుని మీద ఏదైనా అనుమానంగానీ, సమస్య గానీ వస్తే - ఎవరి తోడు లేకుండా / వెంట లేకుండా మీరొక్కరే నేరుగా వారి వద్దకి వెళ్ళండి. ఇంతకు ముందు నిర్భయముగా మీ స్నేహితున్ని కలసినప్పుడు లేని భయం, బెరకూ, మొహమాటం... ఇప్పుడెందుకని? సుతిమెత్తగా, ప్రశాంతముగా, నిజాయితీగా, నిర్మొహమాటంగా, ఉన్నది ఉన్నట్టుగా, విన్నది విన్నట్టుగా మీ ఇబ్బంది గురించి వారితో చెప్పండి. తను ఎలాంటి సమాధానం చెబుతాడో ఓపికగా వేచి చూడండి. తను తన సమాధానం ఎలా చెబుతున్నాడో - తత్తరపడి చెబుతున్నాడా, మాటలు మింగేస్తున్నాడా, సంబంధం లేని విషయాలు చెబుతున్నాడా.. తన బాడీ లాంగ్వేజ్ ని విశ్లేషిస్తూ వింటుండండి. అలాగే తన కళ్ళలోకి నేరుగా చూస్తూ వినండి. మీకు కావలసిన సమాధానం మీకే నేరుగా దొరుకుతుంది. ఆతర్వాత ఆ స్నేహాన్ని కొనసాగించాలో, లేదో మీరంతట మీరుగా నిర్ణయం తీసుకోగలుగుతారు. ఇలా చేశాక మీరు మునపటికన్నా చక్కని ప్రశాంతత పొందగలుగుతారు. 

అంతేకానీ, మీరు సూటిపోటి మాటలతో నిందవేసి, అనుమానిస్తే, అవమానిస్తే - వచ్చే బాధ ఎలా ఉంటుందీ అంటే - చావు ఒకేసారి వస్తుంది. కానీ ఈ బాధ వారికి గుర్తుకు వచ్చినప్పుడల్లా - మనసుని కోసేస్తూ ఉంటుంది. అలాంటి పనిని ఎన్నడూ దయచేసి చెయ్యకండి. అంది వచ్చిన ఒక చక్కని స్నేహబంధంని మీరంతట మీరుగా దూరం చేసుకున్న వారు అవుతారు. 

Saturday, June 27, 2015

తెలుగు పొడుపు కథలు - 1


ఆకాశములో అరవై గదులు, 
గదికొక సిపాయి, 
సిపాయికొక తుపాకీ.. ఏమిటదీ? 
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.


Thursday, June 25, 2015

We want - Rotate keys in blog tools

బ్లాగుల్లో - టపాలు వ్రాసేటప్పుడు అవసరమున్నచోట ఆ విషయానికి సంబంధించిన ఫోటోలు కూడా అప్లోడ్ చేస్తుంటాం.. ఇది బ్లాగర్స్ అందరికీ తెలిసిన విషయమే. అయితే కొన్నిసార్లు ఆ ఫొటోస్ అప్లోడ్ చేస్తుంటే అవి ఎటువైపేనా 90 డిగ్రీల కోణంలోకి వంపు తిరిగి ఉంటాయి. పోస్ట్ చేశాక చూస్తే - ఆ ఫొటోస్ ని చూడటానికి ఎటువైపైనా తలవాల్చి, వాటిని చూడాల్సి వస్తుంది. ఇది ఇబ్బందికరముగా ఉంటుంది. 

ఇలా రావటానికి గల కారణాలు : 
  1. ఫోటోని అలా నిలువుగానో, అడ్డముగానో తీయడం. 
  2. అలా తీసిన దాన్ని తెలీకో, తెలిసో రొటేట్ Rotate చేసి, అప్లోడ్ చెయ్యడం, 
  3. ఫోటో ఎడిటింగ్ లో ( Photo editing ) వీలుకోసమని అలా మార్చి ఎడిట్ చేసి, తిరిగి మామూలుగా మార్చడం మరచి, సేవ్ Save చెయ్యటం.. 
ఇలాంటి కారణాల వల్ల జరుగుతూ ఉంటుంది. ఇలానే కాకుండా ఆటో రొటేట్ ఆప్షన్ Auto rotate option లో కెమరా సెట్ చేసి, తీస్తే - వాటిని సిస్టం లోకి ఎక్కించి, చూస్తే అలా తేడాగా కనిపించవచ్చు, లేదా మామూలుగా కనిపించవచ్చును. కానీ బ్లాగుల్లో ఆ ఫోటోని అప్లోడ్ చేసినప్పుడు మాత్రం అది ఒరిజినల్ గా ఎలా ఉందో అలాగే అప్లోడ్ అవుతుంది. అంటే ఆ ఆటో రొటేట్ అప్పుడు పనిచెయ్యదన్నమాట. 

ఇదెలా గమనించానూ అంటే - ఈమధ్యే ఒక పోస్ట్ కి నేను చేసిన టూల్ బాక్స్ ఫోటో ఒకటి అప్లోడ్ చేస్తే - ఫోటో నా ఫోటో ఆల్బమ్ లో మామూలుగానే ఉంది. సరే అని ఆ ఫోటోని ఆ టూల్ బాక్స్ పోస్ట్ వ్రాసేటప్పుడు - అక్కడ అప్లోడ్ చేశాను. కానీ ఆ ఫోటో కుడివైపుకి వాలినట్లు ఉంది. ఆ టపా ప్రివ్యూ Preview చూస్తే ఆ ఫోటో కుడివైపుకి వాలినట్లు ఉంది. నమ్మలేకపోయా.. దాన్ని డిలీట్ చేసి, మళ్ళీ క్రొత్తగా ఎన్నిసార్లు అప్లోడ్ చేసినా అంతే. ఇలా ఎందుకు వస్తుందీ అని అన్నీ చెక్ చేసి, చూశా.. లాభం లేకపోయింది. ఏదైనా తెలీని సమస్యనేమో అనుకొని ఆగిపోయాను. 


కొద్దిరోజుల తరవాత మళ్ళీ ఆ ఫోటోని ఆ పోస్ట్ లోకి ఎక్కించా.. ఆశ్చర్యం.. మళ్ళీ అదే రిజల్ట్. ఇలా కాదనుకొని మళ్ళీ పోస్ట్ ఎడిట్ లోకి వెళ్ళి, Insert image టూల్ ని నొక్కి, వచ్చిన మెనూలో Upload క్రిందన ఉన్న Choose files బటన్ ని నొక్కి, ఆ ఫోటో ఉన్న పేజీ తెరిచా. ( నిజానికి అన్ని ఫొటోస్ ఇలాగే అప్లోడ్ చేస్తాం.. తెలీని వారికి చెప్పాను ) ఆ పేజీలోని ఆ ఫోటోని OK చేసి, మౌస్ మీదున్న కుడి బటన్ ని నొక్కితే - మెనూ వచ్చింది. అందులో ఉన్న Rotate counter clockwise లేదా Rotate clockwise ని ఎన్నుకొని, ఆ ఫోటో యాంగిల్ మార్చాను. ( క్రింద ఫోటోలో ఎర్రని బాణం గుర్తు వద్ద ) అలా మార్చటం ఎక్కువై, ఈసారి ఎడమవైపునకు వాలినట్లు వచ్చింది. మళ్ళీ ప్రివ్యూ చూస్తే అలాగే ఉంది. ఓహో!.. ఇక్కడ అప్లోడ్ బాక్స్ లో మనం అప్లోడ్ చేసే ఫోటో ఎలా కనిపిస్తుందో, దాన్ని పోస్ట్ చేస్తే మన బ్లాగ్ లో అదే యాంగిల్ లో అప్లోడ్ అయ్యి, కనిపిస్తుందన్నమాట. 




అసలు విషయం అర్థమయ్యాక - ఇక ఇమేజ్ లని ఎలా అప్లోడ్ చెయ్యాలో తెలిసింది. మళ్ళీ ఆ ఫోటో సరిచేసి, అప్లోడ్ చేశా.. ఈసారి సరిగ్గా సెట్ అయ్యింది. పోస్ట్ లో సరిగ్గా వచ్చిందా ఫోటో. ( లింక్ : http://achampetraj.blogspot.in/2015/06/my-creativity-tool-box.html

ఇదంతా చెప్పటానికి గల కారణం ఏమిటంటే : బ్లాగుల్లో ఒక ఫోటో అప్లోడ్ చేశాక, అది తలవాల్చి చూసేలా కనపడితే దాన్ని సరి చెయ్యటానికి ఫోటో రొటేట్ కీస్ Photo rotate keys లేకపోవడం. చాలా సైట్స్ లలో ఈ సదుపాయం ఉంటుంది. కానీ బ్లాగ్ లలో ఈ సదుపాయం నాకు కనిపించలేదు. ఈ మీటల్ని బ్లాగర్ వారు - బ్లాగర్స్ కి అందిస్తే ఎంతో బాగుంటుందని చెప్పటానికి ఈ పోస్ట్. 


Tuesday, June 23, 2015

బ్లాగుల్లో - Notify me option

బ్లాగుల లోని టపాలు చదివాక, మనం అభినందిస్తూనో, విమర్శిస్తూనో లేక సూచనలు చెయ్యాలనుకోనో - కామెంట్స్ పెడుతుంటాం. అట్టి కామెంట్స్ పెట్టాక, మనకి తిరుగుసమాధానం / లేక ఆ బ్లాగర్ చూశాడా - ఏమైనా రిప్లై Reply ఇచ్చారా అంటూ ఆ బ్లాగ్ పోస్ట్ కి రావటం జరుగుతూ ఉంటుంది.( ఇలా వస్తుంటే ఆ పోస్ట్ కి వీక్షకులు viewers పెరుగుతూనే ఉన్నట్లు ఆ బ్లాగ్  వీక్షకుల కౌంటర్ పెరిగిపోతూనే ఉంటుంది. అది వేరే సంగతి ) 

తిరుగు సమాధానం ఇచ్చారేమోనని - ఆ బ్లాగ్ పోస్ట్ ని మాటిమాటికీ చూడటం, రిప్లై లేకుంటే ఉస్సూరుమనుకుంటూ ఆ పేజీ క్లోజ్ చెయ్యాల్సి రావటం మనకందరికీ అనుభవమే. అలాకాకుండా - ఆ బ్లాగ్ ని నిర్వహిస్తున్నవారు జవాబు ఇచ్చినప్పుడే మనకి తెలిసేలా ఏర్పాటు ఉంటే - అప్పుడే ఆ బ్లాగ్ పోస్ట్ కి వెళ్ళి, ఏమిటా ప్రతి సమాధానం ఇచ్చారు అని చూసుకోనేలా ఉంటే బాగుండును అని అనుకుంటున్నారా ? అయితేనేం.. అలాంటి ఏర్పాటు ఉండనే ఉంది. దీన్ని చాలామంది ( తెలీక ) పాటించరు. ఇలా తెలుసుకోవడం చాలా సింపుల్. 

బ్లాగ్ పోస్ట్ చూశాక, ఆ పోస్ట్ క్రిందన ఉండే టూల్స్ లలో ఉండే Post a comment ని నొక్కి, ఆ పోస్ట్ మీద ఏర్పడ్డ మన అనుభూతి / భావాన్ని / సూచన / విమర్శని పెడతాం. అలా పెట్టాక ఈ క్రింది ఫోటోలో చూపెట్టినట్లుగా - ఎర్రని బాణం గుర్తు వద్ద చూపెట్టినట్లుగా ఉండే - Notify me ప్రక్కన ఉండే చిన్నగడిలో టిక్ చేస్తే చాలు. ఆ కామెంట్ బాక్స్ పైన మనకి యే మెయిల్ అడ్రస్ కి రిప్లై నోటిఫికేషన్ Reply notification వస్తుందో ఆ మెయిల్ అడ్రస్ కనిపిస్తుంది. ఇక అంతే. ఆ కామెంట్ ని పోస్ట్ చేశాక, అవతలి బ్లాగర్ దాన్ని చూసి, మనకి రిప్లై ఇచ్చాక - వెంటనే ఆ మెయిల్ ఐడీకి ఒక నోటిఫికేషన్ వస్తుంది. అక్కడ ఇచ్చిన లింక్ ద్వారా నేరుగా ఆ బ్లాగ్ పోస్ట్ కామెంట్స్ బాక్స్ కి వచ్చి, రిప్లై చూసుకోవచ్చును. 

ఇదే కాకుండా ఆ పోస్ట్ కి వచ్చే ఇతరులు పెట్టే కామెంట్స్ కీ, వాటికి ఆ బ్లాగర్ ఇచ్చే సమాధానాలకి కూడా ఇలాగే మన మెయిల్ ఐడీకి నోటిఫికేషన్స్ వస్తూనే ఉంటాయి. 

Notify me 

Sunday, June 21, 2015

Daddy - నాన్న


దేవుడు నాకిచ్చిన కానుకల్లో ఒకటి చాలా గొప్పనైనది - 
దాన్ని నేను నాన్న అని పిలుచుకుంటాను.  

Tuesday, June 16, 2015

My creation : Tool Box

Tray box, Home theatre box లు తయారు చేసుకున్నాక ఇక మిగిలిన చెక్కముక్కల మీద దృష్టి పడింది. అందులో మిగిలిన చెక్కలతో ఏమి చెయ్యాలి అని ఆలోచిస్తుండగా - వాటితో ఒక టూల్ బాక్స్ Tool Box చేసుకోవాలనిపించింది. ఇక ఆలస్యమెందుకూ.. అనుకొని, రంగంలోకి దిగాను. టూల్ బాక్స్ అంటే - నేను వాడే ముఖ్యమైన పనిముట్ల కోసమని ఒక డబ్బా చేసుకోవాలనుకున్నాను. దానికి పైన ఒక చెక్కమూత కూడా ఉండాలనుకున్నాను. 
  • అలా మూత పెట్టేస్తే అదొక డబ్బాలా Box ఉంటుంది. 
  • లోపలి పనిముట్లు ఎవరికీ కనిపించవు. కాబట్టి వాటిని తీసుకెళ్ళి వాడుకోవటానికి ఎవరూ అడగరు. మన పనిముట్లు మనవద్దే భద్రముగా ఉంటాయి. 
  • మూతపైన ఏమైనా సామానులు పెట్టేసుకోవచ్చును. 
  • అదొక చిన్నసైజు స్టూల్ మాదిరిగా వాడుకోవచ్చును. 

...ఇలా ఆలోచించాక, డబ్బా ఆకారములోనే నా టూల్ బాక్స్ చేసుకోవాలని నిర్ణయించుకున్నాను. మూలగా ఉన్న ఒక ప్లై వుడ్ ముక్కని - చెయ్యాల్సిన డబ్బా అడుగుభాగముగా తీసుకున్నాను. దానిపైన నాలుగువైపులా నాలుగు ప్లైవుడ్ ముక్కలని మేకులూ, జిగురుతో కలిపి బిగించాను. ఆ తరవాత లోపల భాగములో డేకోలం / లామినేట్ షీట్ ని ఆ లోపలిసైజు కొలత తీసుకొని, దాని ప్రకారం కట్టర్ తో కత్తిరించి, జిగురుతో అతికాను. అది సరిగ్గా అతుక్కోవడానికి చిన్న చిన్న చెక్క బీడింగ్స్ ని సన్నని మేకుల సహాయాన అంచుల్లో కొట్టాను. ఇలా చేస్తే ఆ డేకోలం మీద చిన్న రంధ్రం ఏర్పడుతుంది. కానీ ఆ చెక్క ముక్క వత్తిడివల్ల ఆ ల్యామినేట్ షీట్ బాగా ఆ ప్లైవుడ్ కి అతుక్కుంటుంది. ఆ చిన్న రంధ్రం అంతగా కనిపించదు కూడా.. చాలామంది ఈ పనులకి బరువైన వస్తువులని వాడుతారు. అవి అన్ని చోట్లా సమయానికి దొరకవు. ఈ చెక్కముక్కలైతే ఆ ప్లైవుడ్ వాటిల్లోంచే కోసుకొని వాడుకోవచ్చును. చిన్నదైనా ఈ చిట్కా అమోఘముగా పనిచేస్తుంది. ఫర్నీచర్ వర్క్ చేసేవారు ఈ విషయాన్ని తెలుసుకోవాలని వివరముగా చెప్పాను. ఆ సందర్భములోని ఆ డబ్బా తాలుకు ఫోటో ఇది. ఇందులో అలా కొట్టాక మేకులు కూడా కనిపిస్తాయి. కాస్త పరిశీలనగా చూస్తే - అవి సగం వరకు మాత్రమే లోపలి దిగగొట్టినట్లుగా కనిపిస్తాయి. అలా ఎందుకూ అంటే - పని అయ్యాక వాటిని తేలికగా పట్టకారు పట్టి లాగేయ్యటానికి అన్నమాట. 


ఆ తరవాత లోపలి ప్రక్కభాగాలకూ, వెలుపలి ప్రక్క భాగాలకూ - ల్యామినేట్ షీట్ అతికాను. ఆ ప్లైవుడ్ పైన ఒక ఇంచీ టేకు బద్దలను జిగురూ, సన్నని మేకులూ వాడి, బిగించాను. ఆ తరవాత పైన ఆ లోపలి సైజు కన్నా కాస్త పెద్దగా ఉన్న ప్లైవుడ్ ని హింజీస్ సహాయాన బిగించాను. ఆ ప్లైవుడ్ కి  చుట్టూరా టేకుది హాఫ్ రౌండ్ బీడింగ్ ని కొట్టాను. ఇప్పుడు టూల్ బాక్స్ వాడుకోవటానికి రెడీగా ఉంది. ( క్రిందన ఉన్న ఫోటోని చూడండి ) 


మూతకి లోపల భాగాన కూడా  ల్యామినేట్ షీట్ ని కట్టర్ తో కత్తిరించి అతికాను. కానీ ఆ ముక్క కాస్త చిన్నగా ఉంటే - మధ్యభాగములోకి వచ్చేలా చేసి, చుట్టూరా బార్డర్ గా వేరే రంగులో ఉన్న ల్యామినేట్ షీట్ ని ఆ సైజులో కత్తిరించి అతికాను. ఫలితముగా ఒక క్రొత్త అందం వచ్చింది. ఇప్పుడు మూత ఉన్న టూల్ బాక్స్ అంతా సిద్ధమై - వాడుకోవడానికి రెడీగా ఉంది. 

Tool Box




బాగుందా? నేను బాగా చేశానా ? చేశాననే అనుకుంటాను.. 
నిజానికి నేను కార్పెంటర్ పని నేర్చుకోలేదు.. నా కుల వృత్తీ కూడా కాదు. అందుకు తగ్గ సమానులు కూడా సరిగా లేవు.. ( ఉన్నది - ఒక రంపం, హెక్సా బ్లేడు, సన్నని మొలలు, స్క్రూలు, ల్యామినేట్ షీట్స్, హింజ్స్, టేకు బీడింగ్స్, చిన్న సుత్తె, ల్యామినేట్ షీట్ అతకడానికి జిగురూ, టేపు, ఒక స్కేలు, కొలత పట్టీ.. అంతే - ఇవే సామానులతో ఈ బాక్స్ ని చేశాను అంటే ఎవరూ నమ్మటం లేదు. నన్ను నేను - నా జీవితం క్రొత్తగా కనిపించేందుకు చేసుకుంటున్న ప్రయత్నాలల్లో భాగం ఇది. విజయం సాధించానని అనుకుంటున్నాను. కొన్ని పరికరాలు త్వరలో కొనుక్కుంటాను. వాటితో మరికొన్ని వస్తువులు చేశాక - వాటి గురించీ పోస్ట్స్ పెడతాను ) 

ఇది చేశాక ఒక వడ్రంగి పని చేసే అతన్ని పిలిచి, చూపించా.. ఎలా ఉందనీ ? 

దానికతడు అన్నాడు కదా - " అన్నా! నీవు ఇది ఖచ్చితముగా చెయ్యలేదు.. ఎవరో చేశారు.. నీకు అంత సీన్ లేదు.. " అన్నాడు. " అదేమీ లేదు.. నేనే చేశా.. కావాలంటే చేస్తున్నప్పుడు చూసిన వారిని అడుగు.." అంటూ అప్పుడున్న వారితో ఒక క్లారిటీ ఇప్పిస్తే అప్పుడు నమ్మాడు - నేనే చేశానని. 

Monday, June 8, 2015

My creation : Home theatre Box

నా హోం థియేటర్ Creative 2.1 లో పాటలు వింటుంటాను. అప్పట్లో దాన్ని నేను Rs. 1700 లకి కొన్నాను. దానిలో నాకు నచ్చినది ఏమిటంటే - బాస్ బూస్ట్ అయ్యి, బాగా డీప్ గా రావటం. అలాంటి హోం థియేటర్ కి చిన్న బాక్స్ లా చెయ్యాలనుకున్నాను. నా దగ్గర మిగిలిన - చిన్న చెక్కముక్కలు ఉంటే వాటిని వాడాలనిపించింది. గది లోపలగా ఉండే ఈ హోం థియేటర్ - ముందూ, వెనక భాగాలు మాత్రమే బయటకు కనిపిస్తాయి. ప్రక్కభాగాలు గోడా, వేరే బాక్స్ రావటం మూలాన అవి కనిపించవు. సో, ఆయా భాగాల్లో ముక్కలని జత చేసి, వాడుకోవాలనిపించింది. నిలువుగా ఉన్న ఐదు చిన్న చిన్న చెక్కలని మేకులు కొట్టి, ప్రక్క ప్రక్కగా జత చేశాను. ఇలా చేశాక ఒక పెద్ద ప్లయ్ వుడ్ ముక్కగా మారింది. దాన్ని నాకు కావలసిన సైజులో రంపంతో కోశాను. ( ఆ ఫోటోలు తీసుకోలేదు అప్పుడు )  ముందూ వెనక భాగంలో గాలి తగలటానికి వీలుగా ఓపెన్ చేసి ఉంచేలా ఉండే డిజైన్ ని ఎంచుకున్నాను. ఈ డిజైన్ ని సైజులు తీసుకొని చేసినది కాదు.. ఇంత సైజు ఉండొచ్చు అనుకొని, చేసినది అని ప్రత్యేకముగా చెబుతున్నాను. 

ముందుగా హోం థియేటర్ బాక్స్ ని దానితో బాటుగా వచ్చిన ప్లాస్టిక్ కవర్లో అలాగే ఉంచి ప్యాక్ చేశాను. ( క్రింద ఫోటోలో అలాగే కనిపిస్తుంది ) అంటే దుమ్మూ, ధూళీ ఆ హోం థియేటర్ మీద పడి, అసహ్యముగా కనిపించకుండా ఉండాలనుకున్నాను. అందుకే అలా ప్లాస్టిక్ కవర్ని అలాగే ఉంచి, స్పీకర్ వద్ద మాత్రం గుండ్రముగా కవర్ని కత్తిరించాను. కనెక్షన్స్ పూర్తికి అక్కడ చిన్నగా రంధ్రాలు చేసి, కనెక్షన్స్ వచ్చేలా చేశాను. 

ఆ తరవాత ఆ 12mm చెక్కలని - కలప జిగురూ, మేకులు వాడి బిగించేశాను. పైన ఏదైనా వస్తువులని పెట్టుకోనేలా - టీపాయ్ మాదిరిగా ఉండేలా పాత ప్లైవుడ్ చెక్కని అమర్చాను. దానికి మిగిలిపోయిన డేకోలం ముక్కని ఫెవికాల్ తో అతికాను. ఇలా ఎందుకూ అంటే - రేపు ఎప్పుడైనా ఆ టేబుల్ ని ఆ హోం థియేటర్ కి మాత్రమే కాకుండా వేరే పనులకి కూడా వాడుకోనేలా అనువుగా ఉండాలన్న ఆలోచన. లేకుంటే ఆ టేబుల్ని ఇటు వాడుకోలేం, అటు పారవెయ్యనూలేం. 

ఒక వస్తువు మనకి రెండు, మూడు విధాలుగా పనికొచ్చేలా ఉండాలి. లేకుంటే అవి తెచ్చుకోవడం వృధా అని నాకు అనిపిస్తుంది. వాటిని వాడనప్పుడు ఇంటిని స్టోరేజ్ రూం లా తయారు చెయ్యడం ఎందుకూ అని నా ఆలోచన. అందుకే ఏవైనా క్రొత్తగా వస్తువు కొనేటప్పుడు / చేసుకోబోతున్నప్పుడు ఇలాగే ఆలోచిస్తాను. అలా చేస్తే - మనదగ్గర, చుట్టూ ఎంతో చెత్త నింపుకోలేము. వినడానికి ఫన్నీగా అనిపించినా చాలా ఇళ్ళు - చిన్న స్టోర్ రూమ్స్ గా మిగిలిపోతున్నాయి. మన ఇళ్ళు చెత్తగా, వేరేవారి ఇళ్ళు అందమైన ఇళ్ళుగా కనిపిస్తున్నాయీ అంటే ఇదొక కారణం. అందుకే ఒక వస్తువు బహువిధాలుగా పనికి రావాలన్నది నా అభిమతం. దానివలన మనకి ఒక వస్తువుకి వివిధ ఉపయోగాలు ఉండాలన్నది. 

అలా బిగింపు అయ్యాక - చెక్కల ప్రక్క భాగాలు గరకుగా అసహ్యముగా కనిపిస్తున్నాయని, వాటికి - టేకు హాఫ్ రౌండ్ బీడింగ్ ( Teak Half round beeding ) మిగిలి ఉంటే అవీ కొట్టేశాను. ఇక ప్రక్క భాగాలకి గోల్డెన్ బ్రౌన్ ఎనామిల్ కలర్ మిగిలితే - అదీ పూసేశాను. రాత్రంతా ఆరనిచ్చేసి, మరుసటిరోజున నుండీ ఎంచక్కా వాడుకుంటున్నాను. 

ఇప్పుడు మీకు ఇలా కనిపిస్తుంది. ముందు, వెనకాల భాగాల ఫోటోలని మీరు చూడవచ్చును. ఫోటోలు అంత క్లారిటీగా లేనందులకు మన్నించాలి. మొబైల్ కేమరాని వాడాను. 






Saturday, June 6, 2015

Quiz


స్వీడన్ లోని ఒక పార్కులో - బల్ల మీద ఒక డాక్టరూ, ఒక అబ్బాయి కూర్చొని ఐస్ క్రీమ్ తింటున్నారు. ఆ బాబు ఆ డాక్టర్ కి కొడుకు అవుతాడు. కానీ ఆ డాక్టర్ ఆ బాబుకి తండ్రి కాదు.. అదెలా సాధ్యం? 
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
Answer : 


Thursday, June 4, 2015

Wooden trays

హ్మ్!.. రోజులన్నీ బోరుగా, నిరాసక్తముగా సాగిపోతూ...నే ఉన్నాయి. ఇలా అయితే నాకూ, మెషీన్ కీ పెద్ద తేడా తెలీకుండా అయిపోయేలా అనిపించింది. ప్రొద్దున్నే లేవడం, వాకింగ్ వెళ్లడం, రావడం,టీ, టిఫినీ కానిచ్చేసేయ్యడం, ఆ తరవాత నెట్ లో కాస్త విహారం.. మళ్ళీ రాత్రి కాసేపు నెట్ చూసి, తిని తొంగేయ్యడం.. ఇంతేనా జీవితం అంటే? కాదు.. ఇది కాదు నా జీవితం అనిపించింది. పరమ రొటీన్ గా ఉండే ఇది కాదు.. వేరేదేదో నాకోసం ఎదురుచూస్తున్నది. ఏదైనా క్రొత్త వ్యాపకం పెట్టుకోవాలి. తద్వారా ఈ ఆన్లైన్ కి రావటం తగ్గించాలి. నా ప్రియ స్నేహితునికి ఇచ్చిన మాట నెగ్గించాలి. నా జీవితాన్ని క్రొత్తగా ఆకర్షణీయముగా ఉండేలా మొదలెట్టాలి అని అనుకున్నాను. 

ఏమున్నాయి అలా అని ఆలోచిస్తుంటే - మూలగా ఫర్నీచర్ చెయ్యగా మిగిలిన ప్లైవుడ్ ముక్కలు కనిపించాయి. వాటిని ఏమైనా పనికొచ్చే వస్తువులుగా మార్చాలనుకున్నాను. నిజానికి నాకు ఈ వడ్ల / వడ్రంగి ( Carpenter ) పని రాదు. వేరేవారు చేస్తున్నప్పుడు చూశాను.. ఇది చాలా ఈజీగా అనిపించింది. ఎక్కడో చిన్న మెలికలు తప్ప అంతా ఈజీగా కనిపించింది. కొలతలు సరిగ్గా తీసుకొని, ముక్కలుగా కోసి, దగ్గరగా చేర్చటం వస్తే కొద్దిగా పనితనం వచ్చేసినట్లే! 

నామీద నాకు నమ్మకం వచ్చేంతవరకూ - ఏది ఎలా చెయ్యాలో, ఎలా చేస్తే నేను అనుకున్న పద్ధతిలో వస్తుందో మనసులోనే రిహాల్సల్స్ చేశాను. నా జీవితాన ఇదే మొదటి వడ్రంగి పని కాబట్టి - చిన్నదీ + తేలికైన పనిని ఎంచుకున్నాను. ఇలా ఎంచుకోవడానికి గల కారణమూ చిన్నదే - కానీ అది చేసే మేలు చాలా పెద్దది. నేనూ చెయ్యొచ్చు, నాకూ ఫర్నీచర్ చెయ్యవచ్చు అని నామీద నాకు నమ్మకం ఏర్పడేలా ఉండాలనుకున్నాను. 

మూలగా పడిఉన్న ఒక 6mm దీర్ఘ చతురస్రాకార ప్లైవుడ్ ముక్కని తీసుకున్నాను. రెడీమేడ్ గా దొరికే టేకు ప్లాట్ 1.5" అంగుళాల వెడల్పు గల ( 38mm ) బీడింగ్ కోసం వెదికాను. ఒక ఫర్నీచర్ షాపులో దొరికింది. దానిని వాడి, ఒక ట్రే బాక్స్ గా చేసుకోవాలనీ, అందులో ఏమైనా వస్తువులు వేసుకోనేలా ఉండాలనీ అనుకున్నాను. ఒక ఫీట్ పొడవుకి మూడు రూపాయలు. ఆరుఫీట్ల బీడింగ్ కి పద్దెనిమిది రూపాయలు తీసుకున్నాడు. 

ఇంటికి వచ్చాక నేను చెయ్యవలసిన ట్రే సైజు కొలిచా.. అది నాలుగు అడుగుల చుట్టుకొలత ఉంది. సరిగ్గా కొలతలు తీసుకుంటూ ఆయా సైజుల్లో ఈ బీడింగ్ ని హెక్సా బ్లేడు ముక్కతో కోసాను. ఆ తరవాత ఆ బీడింగ్ ని నాణ్యమైన చెక్క జిగురుని వాడి, ఆ 6mm ప్లైవుడ్ కి ఆనించి, సన్నని Headless nails ( తల లేని సన్నని మేకులు ) తో కొట్టాను. అలా మిగతా మూడు వైపులా చేశాను. అలాగే ఈ బీడింగ్ చెక్కలనీ కలిపేలా సన్నని మేకులు కొట్టాను. ఒక రాత్రంతా అలాగే వదిలేశాను. 

మరుసటి రోజున - నా దగ్గర ఆంగిల్ గ్రైండర్ ( Angle grinder )లేని కారణాన - ఒక గరకు కాగితముతో ఆ ట్రే ను నున్నగా తయారుచేశాను. మూలల్లో బాగా రుద్దాల్సివచ్చింది. ఆ తరవాత లోహ వస్తువులకి వాడే మెటల్ గ్రే కలర్ లప్పం ( Grey coloured knife paste for metals ) అంతటా పూసి,ఆరనిచ్చాను. ఆ తరవాత మళ్ళీ ఒకసారి - నీళ్ళల్లో ముంచిన wet and dry emery paper 180 no. తో బాగా రుద్దాను. ఇప్పుడు ట్రే మీద ఉన్న ఎక్కువైన లప్పం అరిగిపోయి, నున్నగా తయారయ్యింది. అదే ఇలా ఈ క్రింది ఫోటోలో మాదిరిగా ఉంది. 


ఇలా అయ్యిన ట్రేని చూశాక చాలా ముద్దుగా అనిపించింది. నామీద నాకే నమ్మకం కలగసాగింది. నాకు ఇంత బాగా చెయ్యడం వచ్చా? అనిపించింది. మరింత రెట్టించిన ఉత్సాహముతో ఆ చెక్క ట్రేని మరింత అందముగా చేసుకోవాలనిపించింది. నాకు అందుబాటులో ఉన్న పెయింట్లని కలిపి, లోపల తేలిక రంగు, బయట గోల్డెన్ బ్రౌన్ రంగునీ  - మల్టీ కలర్ గా వేశాను. అలా రెండో కోటింగ్ నీ వేశా. ఆ తరవాత ఇలా తయారయ్యింది. 


ఈ ట్రేని వాడుకోక బుద్ధి కాక, నా మొదటి చెక్క పనితనం కి గుర్తుగా అలాగే దాచుకున్నాను. దీన్ని చూసి, తెలిసినవాళ్ళు కొందరడిగితే వారికీ చేసిచ్చాను - ఏదో మామూలుగా ఉండేలా. ఇంత బాగా మాత్రం వారికి చేసివ్వలేదు. కారణం : నా ట్రే నే బాగుండాలని కోరిక కాబోలు.  

Related Posts with Thumbnails