Thursday, April 17, 2014

గూగుల్ నుండి నా పుట్టినరోజు శుభాకాంక్షలు.

నిన్నటి రోజు ( ఏప్రిల్ 16 ) నా పుట్టినరోజు. ఎప్పటిలా రోజు మాదిరిగానే ఆన్ లైన్ కి వచ్చేశాను. నెట్ కనెక్ట్ చేసి, గూగుల్ క్రోమ్ ఓపెన్ చెయ్యగానే, డిఫాల్ట్ గా ఉన్న ( నేనలా సెట్ చేసుకున్నాను ) గూగుల్ సెర్చ్ కనిపించింది. ఎప్పడూ ఏదో ఒక విశేషముతో ఒక డూడుల్ ( ఏదో ఒక గ్రాఫిక్ / పెయింట్ / వీడియో / స్కెచ్..... తో ఉండే బొమ్మ ని Google Doodle అని అంటారు ) కనిపిస్తుంది. దాని క్రిందన గూగుల్ వారి సెర్చ్ బాక్స్ కనిపిస్తుంది. 

ఇక్కడ విశేషమేమిటంటే - ఎప్పుడూ ఏదో ఒక ప్రత్యేకతతో ఉండే ఈ డూడుల్ - ఈరోజు ఇలా కప్ కేకులూ, క్యాండిల్స్ లతో ఉన్నదేమిటా అని అనుకున్నాను. ఆ కేకులూ, మిఠాయిలతో గూగుల్ వారి చిహ్నం కనిపిస్తుంది. ఇలా కష్టపడి ఏర్పరిచారు అనుకొని, మౌస్ కర్సర్ ని దానిమీదుగా తీస్కేళ్ళాను. 

ఆశ్చర్యం.. అద్భుతం.. 

ఒక్కసారిగా దిగ్భ్రాంతికి గురయ్యాను. కర్సర్ ని ఆ బొమ్మ మీద ఆపగానే, ఒక చిన్న మెస్సేజ్ బాక్స్ కనిపించింది. అందులో  Happy Birthday RAJ  అనీ. ఒక అనుకోని పలకరింపులా తోచింది. నమ్మలేక పోయాను. మళ్ళీ అలాగే కర్సర్ పెడితే - నిజమే - మళ్ళీ అలాగే వచ్చింది. 

ఇలా రావటం మనకి క్రొత్తగా కనిపించవచ్చు. గూగుల్ వారి దగ్గర నుండి ఇలా అందుకోవటం ఒక మరపురాని అనుభూతిగా అనిపిస్తుంది. వారికెలా తెలుస్తుంది ? ఈరోజు మన పుట్టినరోజు అనీ..? ఏమైనా మాయనా?? అని అనుకుంటాం. 

నిజానికి Google+ అకౌంట్ లోని పుట్టిన రోజు బట్టి ఇలా జరుగుతుందనీ, దాన్ని బట్టి గూగుల్ సర్వర్లు ఇలా ఆటోమేటిక్ గా పుట్టినరోజు విషెస్ తెలియచేస్తాయని తెలుసుకున్నాను. మీకూ ఇలాగే అనుభవం అయి ఉండవచ్చును. అలా అందుకోలేనివారు మీ మీ పుట్టిన రోజుల నాడు అలా గూగుల్ సర్చ్ హోం పేజీలో వచ్చేవరకూ ఎదురుచూడండి. 


2 comments:

సంతు (santu) said...

by the way belated happy b'day raj garu.. :)

RAJ A said...

Dhanyavaadamulu Santhu gaaroo.. Mee wishes chaalaa santhoshaanni kaliginchaayi.

Related Posts with Thumbnails