Friday, April 5, 2013

Good Morning - 317


కోపములో మాటలు తూలి ఇతరులని దూరం చేసుకునే దానికన్నా - క్షమించి దగ్గర చేసుకుంటే మీ శత్రువులు తగ్గుతారు. మీరు హాయిగా ఉంటారు. 

ఆవేశాలు, కోపాలు అవి మనిషికి సహజం. కొందరికైతే " పుట్టుక నుండీ నా తీరే అంత.."  అని అంటుంటారు. అది నిజమే కావచ్చును. కానీ దానివల్ల ఈ ప్రపంచములో మనం ఏకాకులమైపోతుంటాము. కోపం రావటం, ఆ కోపములో ఎదుటివారిని ఏదేదో అనడం, ఆవతలివారు ఏదో చెప్పబోతుంటే లేదా మన మాటలు పడుతూ ఉంటే ఇంకా రెచ్చిపోయి ఏదేదో అనడం చేస్తాం. అలా అన్నాక అవతలివారి దృష్టిలో మన విలువ, మన మీద వారు చూపే కర్టెసీ కాసింత తగ్గుతుంది. ఇది నమ్మలేని నిజం. అలా తగ్గడం అనేది మనం అనే మాటలను బట్టి, పరిస్థితులని బట్టి ఉంటుంది. ఇలా విలువ తగ్గడం అనేది ఒక్కసారిగా జరగవచ్చును లేదా నెమ్మనెమ్మదిగా జరగవచ్చు. ఏది ఏమైనా జరగాల్సిన నష్టం మనకే. 

ఆ కోపములో మాటలు అనడం అంటే ఏదోలా సరిపెట్టుకోవచ్చును.. ఇంకొందరు చేయి చేసుకొనే వరకూ వెళతారు. ఇది అప్పుడు జరిగిన తప్పు తీరును, దాని ప్రభావం బట్టి ఉంటుంది. కానీ ఎప్పుడో ఒకసారి అలా కాకుండా మాటిమాటికీ చేయి చేసుకునే ఉంటుంటారు. వీరిపట్ల దూరం అయ్యేవారు చాలానే మంది. ఇలాంటి వారి వద్ద ఉండి అలా పడేవాళ్ళు - కేవలం వారి వారి అవసరాల కోసమే. వారి పరిస్థితులు బాగయ్యేవరకే. ఆ తరవాత దిక్కూ చూడరు. 

అంతగా మనకి హాని చేసే ఆ కోపములో మన ఆత్మీయులనీ, అభిమానులనీ, మన మిత్రులనీ నానా మాటలు అంటాం. అవి వారిని ఎంతగా బాధిస్తాయో ఆ సమయంలో గుర్తించం. వారు ఏదో చెప్పబోతున్నా - లేదా మొత్తం వినకుండానే ఏదేదో అనేస్తూ ఉంటాం. అలాని అనేసి మనవాళ్ళు అనుకునే వాళ్ళని దూరం చేసుకుంటాం. అలా దూరం అయినవారు చాలాసార్లు శత్రువులుగా  తయారవుతారు. ఫలితముగా మన జీవితంలో ఎదుగుదల కాసింత నెమ్మది అవుతుంది. అలా వారు మారిన నాడు మన జీవితాలకు  మనమే ఒక అడ్డంకిని ఏర్పరుచుకున్నవారిమి అవుతాము. అది ఎంత అడ్డంకి అనేది ఆ అవతలివారి మీదే ఆధారపడి ఉంటుంది. మనచేతుల్లో ఏమీ ఉండదు. కాకపోతే ఆ తరవాత కాస్త తగ్గి, వారిని మళ్ళీ మన దగ్గరకి చేసుకునేలా ప్రయత్నించాలి.  

ఇది మరింతగా అర్థం అవటానికి ఇక్కడ ఒక చక్కని ఉదాహరణ ఇస్తాను. 

ఒక మిత్రుడు నాకు ఈ ఆన్లైన్ ప్రపంచములోకి అడుగుపెట్టిన మొదట్లో పరిచయం. రోజూ రెండుసార్లు మాట్లాడుకోకపోతే - ఆరోజే గడిచినట్లు ఉండేది కాదు అంటే నమ్మండి. తన ఊరు, వివరాలు.. ఇవేవీ తెలీవు అయినా స్నేహముగా ఉండేవాడిని. ఇద్దరి అభిరుచులూ బాగా కలిసాయి కాబట్టి త్వరగానే స్నేహితులమయ్యాం. ఎంతగా అంటే జాన్ జిగిరీ దోస్త్ లాగా.. అలా సాగుతున్న సమయాన ఇంకొకరికీ నాకు జరిగిన గొడవల్లో  - తలదూర్చాడు. నా తప్పు ఏమీ లేకున్నా, నన్ను అప్రదిష్ట పాలు చేసేలా సాగిన ఆ గొడవల్లో ఇంకొకరి వైపు వాదన విన్నాక, నా వైపు వాదన ఏమిటో  అస్సలు తెలుసుకోకుండా ఏదేదో అన్నాడు. ఇలా ఒకసారే కాదు.. అలా రోజుల తరబడి సాగింది. ఇంకో మ్యూచువల్ మిత్రుడు చెబితే నమ్మలేదు.. అతడి పాస్వర్డ్ సహాయన అతని పేజీకి వచ్చి, చూశాను. నిజమే!. ఆధారాల కోసం వాటిని  స్క్రీన్ షాట్స్ గా తీసుకున్నాను. నెమ్మదిగా అతనికి దూరం అయ్యాను. తను నన్ను కలవాలీ అంటే  - ఇక నా అకౌంట్ ద్వారా తప్ప మరే మార్గం లేదు. అదీ బ్లాక్ కూడా చేశాను. ఇక జీవితాన కలవలేను. ఆమధ్య ఎవరితోనో అన్నాడుట - నాతో మళ్ళీ మాటలు కొనసాగించాలని ఉందీ అని. కానీ ఆ పుణ్యకాలం ఎప్పుడో దాటిపోయింది అని అతనికి తెలీదు. ప్చ్! ఇలాంటి ఉదాహరణలు ఇంకా చాలానే ఉన్నాయి. మరోసారి వాటిని చెప్పుకుందాం. 


3 comments:

vijaya said...

kopum valana entha nushta pothamo chukkaga chepparu frd...very useful message..nice example..

vijaya said...

kopum valana manaki entha nashtum ani chakkaga chepparu raj garu..very nice message and nice example...

Raj said...

ధన్యవాదములు విజయ గారూ!

Related Posts with Thumbnails