Monday, February 11, 2013

Good Morning - 266


నీ గురించి అన్నీ తెలిసిన ఏకైక వ్యక్తి - ఇప్పటికీ నిన్ను ఇష్టపడేది - నీ స్నేహితుడు మాత్రమే..! 

అవును.. మీ గురించి, మీ అలవాట్ల గురించీ, మీ ఆలోచనల గురించీ, మీ ప్రవర్తన గురించీ, మీరు ఎలా నిర్ణయాలు తీసుకుంటారో, ఎలా చొరవ చూపిస్తారో, ఎలా స్నేహ బంధాన్ని నిర్వహిస్తారో, ఇతరులమీదా, మీ మీద ఎలా శ్రద్ధ చూపిస్తారో, మీలోని లోపాలు ఏమిటో, మీ బలహీనతలు ఏమిటో.. ఇత్యాది విషయాలు అన్నీ తెలిసిన వ్యక్తి ఈ ప్రపంచములో ఒకరున్నారు. వారే - మీ స్నేహితుడు. 

మీ గురించి తెలుసుకున్నాక - ఈ ప్రపంచం మిమ్మల్ని అట్టే దూరం పెట్టాక, లేదా ఒక్కొక్కరూ మీ నుండి దూరం జరుగుతున్నప్పుడు, మీరు కష్టాల్లో ఉన్నప్పుడు నేనున్నాను అని వచ్చే వ్యక్తి స్నేహితుడు ఒక్కడే. 

మీరు తనతో సరిగా ప్రవర్తించకున్నా, సరిగా మాట్లాడకున్నా, కొద్దిగా అయిష్టత చూపించినా - అయినప్పటికీ మీతో స్నేహాన్ని కొనసాగించేవాడే స్నేహితుడు. స్నేహం అన్నాక ఎన్నో గిల్లి కజ్జాలు, చిరు అలకలు, పోట్లాటలు, త్యాగాలు, పంచుకోవటాలు అన్నీ ఉంటాయి. అవన్నీ మీ స్నేహ బంధాన్ని మరింతగా బలపరిచేవే. 

ఎలాగూ స్నేహితుడు అన్నాక, ఏమైనా అంటే పడతారనీ, నాకే బాగా విలువ ఇవ్వాలని, నన్నొక ప్రత్యేక వ్యక్తిగా పరిగణించాలనీ, నా మాటే చెల్లుబాటు కావాలని అనుకుంటే - ఇక ఆ కాస్త ఉన్న వారూ దూరం అయిపోతారు. తస్మాత్ జాగ్రత్త.. ఈ విషయాన్ని మరోసారి చెప్పుకుందాం. 




No comments:

Related Posts with Thumbnails