Tuesday, July 31, 2012

Monday, July 30, 2012

స్నేహబంధమూ ఎంత మధురము

మా ప్రక్క ప్లాట్ లో ఉండే ఒక నూతన వధూవరుల జంట నేడు ఆ ఫ్లాట్ ని ఖాళీ చేసి వెళ్లారు. అబ్బాయేమో ప్రభుత్వ స్కూల్ టీచర్, అమ్మాయి గృహిణి. క్రొత్తగా పెళ్ళయ్యింది. మొదటిసారిగా కాపురానికి ఇక్కడికే వచ్చారు. బదిలీ మూలాన ఇక్కడి నుండి అమ్మాయి పుట్టింటి పట్టణానికి మారారు.

మాతో వారికి అనుబంధం చాలా తక్కువే. అంటీ అంటనట్లు ఉండటమే!. వాళ్ళ లోకం వారిదే. వెళ్ళే రోజు ముందు వారి అమ్మా, నాన్నలని రమ్మన్నారు. కానీ ఇరువైపుల వారికి జ్వరాలే! వీలు కాలేదు. వారి వెంట ఉన్న సామాను కూడా పెద్దగా ఏమీ లేదు. మామూలు "ఆపే" డిజిల్ ఆటో లో పట్టేట్లు అంతే!. (అలాగే వెళ్లారు కూడా) 

ఇంకో మూడు రోజుల్లో వెళతాము అన్నప్పుడు, తన చిన్ననాటి మిత్రుడి ని సతీసమేతముగా రూం కి ఆహ్వానించాడు ఆ టీచర్. బాల్యము నుండీ మిత్రుడు అయిన ఆ మిత్రుడు తన భార్యతో విచ్చేశాడు. మొదటి స్కూల్ కి వెళ్లారు. పల్లె వాతావరములోని స్కూల్ నీ, అక్కడి పిల్లలతో జాలీగా గడిపారు. అక్కడే మధ్యాహ్న భోజన కార్యక్రమాన్ని పిల్లలతో  కానిచ్చేశారు. అలా ఆరోజు అంతా అక్కడే కానిచ్చేశారు. 

మరుసటి రోజున దగ్గరలోని గుళ్ళకీ, విహార స్థలాలలోకి హాయిగా, హాయిగా వెళ్లొచ్చారు. మూడో రోజున ఎంచక్కా భోజనం చేసుకొని, సామానులు మూటగట్టి, ఆటో మాట్లాడి, అందులో ఒక జంటతో పంపిచేశారు. ఒక జంట బైక్ మీద వారిని అనుసరించారు. 

చూడటానికి మామూలు కథలా ఉన్ననూ - ఇక్కడ నాకు నచ్చిన అంశం - స్నేహం. చిన్నప్పటి స్నేహితునితో ఏ అమరికలు లేకుండా అలాగే స్నేహాన్ని కొనసాగిస్తూ, ఇద్దరూ టీచర్స్ అయ్యేవరకూ ఒకే దగ్గర ఉంటూ, ఆ తరవాత ఒకరికి వివాహం అయిన తరువాత, ఇలాగే మన స్నేహబంధం కొనసాగాలి అనుకొని,.... ఇంకొకరికి వివాహం అయ్యాక,  అలా ఫ్యామిలీ ఫ్రెండ్స్ లా ఉండి, జీవన ప్రయాణములో ఒక మజిలీ నుండి ఇంకో మజిలీకి వెళ్ళే తరుణములో, నచ్చినవారి సహచర్యములో ఆ సమయాన్ని ఆనందమయం చేసుకొని, ఆ మధురానుభూతుల్ని వీడియోల రూపములో భద్రపరచుకొని పదిలముగా తీసుకెళ్లటం నాకెంతో బాగా నచ్చేసింది. 

Sunday, July 29, 2012

Saturday, July 28, 2012

Friday, July 27, 2012

My Photography - 24

ఇందులోని ఫొటోస్ అన్నీ 6 మెగా పిక్సెల్ లో తీసి, 1024*768 సైజుకి కంప్రెస్ చేయబడ్డాయి.






Thursday, July 26, 2012

Wednesday, July 25, 2012

Tuesday, July 24, 2012

Sunday, July 22, 2012

Saturday, July 21, 2012

Friday, July 20, 2012

వరలక్ష్మి వ్రతం అమ్మవారి రూపు

వరలక్ష్మీవ్రతం రోజున కలశం మీద కొబ్బరికాయ పెట్టేసి, దానిపైన ఎర్రని బట్టని చుట్టి, ఆ బట్ట మీద అమ్మవారి రూపు పెడదామని మా శ్రీమతి గారి ఆలోచన. ఎలా చేద్దాం అని ఆలోచించాం.. కొన్ని అనుకున్నాము. ఆ ఎర్రని బట్ట మీద అష్టకాశీ గంధముతో అమ్మవారి రూపాన్ని వేద్దాం అనీ అందులో ఒకటి. కానీ వ్రతం అయ్యాక ఆ బట్టకి ఆ తిలకం కడిగితే పోవటం కాసింత కష్టమే! అలాని ఆ బట్ట వృధాగా పారవెయ్యనూ లేము. ఇలా కొన్నింటిని ఆలోచించాం కానీ అంతగా బాగా అనిపించలేదు.

మార్కెట్లో అమ్మవారి రూపులని వెదికాము. ఊహు నచ్చలా! కారణం ఒకటి ఉంది. ఈసారి పెట్టుకున్నాక ప్రతి వరలక్ష్మీ వ్రతం రోజున ఆ రూపు పెట్టుకొని, అలాగే ప్రతి వ్రతం రోజున కొనసాగించాలని మా ఆలోచన. అందుకే అంగడిలో బాగా వెదికాము. ఊహు!. నచ్చలేదు. ఒకటి వెండి పూత ఉన్న అమ్మవారి రూపు కనిపించింది. కానీ ప్రతి సంవత్సరం ఆ రూపాన్ని నిపుణులైన పనివారితో పాలిష్ చేసుకోవాలిట.  

అలా చేయొచ్చు కానీ, అలా చేస్తే - ఆ రూపానికి చేసిన పూజ తాలూకు ఫలం వృధా కావద్దు అనుకొని, వేరే ఆలోచించాము. అమ్మవారి అనుగ్రహమేమో - ఒక ఆలోచన వచ్చింది. వర్కవుట్ అవుతుందా అని ఆలోచించాక అదే బాగుంటుంది, అమ్మవారి రూపు ఖర్చులోనే మిక్కిలి నాణ్యమైన రూపు అవుతుంది మరియు ఇంట్లోనే మేమంతట మేముగా కుంకుడురసంతో శుభ్రపరుచుకునే వీలుగా నేనే ఆ డిజైన్ ని ఎన్నుకున్నాను. 

నిపుణులైన పనివారితో ఆ పని చేయించాను. చాలా బాగా వచ్చింది. ఇదిగో ఇలా వచ్చేసింది. 


ఇది మొత్తం వెండితో చేసినది. 18 గ్రాముల్లో తయారయ్యింది. నేటి ధరల్లో అయితే - ఒకవేయి చిల్లర. పాత పావలా మందములో ఉన్న వెండి రేకుమీద ఇలా డిజైన్ వేసి, అలా డిజైన్ గా కట్ చేయించాను. అలా కట్ చేశాక, కాసింత ఫైల్ చేయించి, వెనక వైపున ఎప్పటికప్పుడు పెట్టి, తీసుకోవటానికి ఒక స్టీల్ సేఫ్టీ పిన్ ని అమర్చాను. ఆ తరవాత పాలిష్ చేయించాను. అందుకే ఇలా దేదీప్యమానముగా మెరిసిపోతున్నది. 

ఇలా చేసినదానిని - కలశం మీద ఉన్న కొబ్బరికాయకి చుట్టిన ఎర్రని బట్టకి ఈరూపాన్ని, ఆ సేఫ్టీ పిన్ సహాయాన అమర్చాలి. అప్పుడు ఇలా కనిపిస్తుంది.  ఈ సంవత్సరమూ ఆ రూపాన్ని వాడుతాము. ఇది బాగుందని ఇంటికి వచ్చి, చూసినవారు అభినందించారు. 


Thursday, July 19, 2012

Wednesday, July 18, 2012

Related Posts with Thumbnails