Friday, May 20, 2011

Merise tharala - Sirivennela


చిత్రం : సిరివెన్నెల (1987)
రచన : చేంబోలు సీతారామశాస్త్రి (సిరివెన్నెల)
సంగీతం : కె.వి.మహదేవన్
గానం : ఎస్.పి.బాలసుబ్రహ్మణ్యం
********************

పల్లవి :

మెరిసే తారలదేరూపం - విరిసే పూవులదేరూపం
అది నా కంటికి శూన్యం..
మనసున కొలువై మమతల నెలవై - వెలసిన దేవిది ఏ రూపం
నా కన్నులు చూడని రూపం.. - గుడిలో దేవత ప్రతిరూపం
నీ రూపం - అపురూపం // మనసున కొలువై //

చరణం 1 :

ఎవరి రాకతో గళమున పాటల - ఏరువాక సాగేనో
ఆ వసంత మాసపు కులగోత్రాలను - ఎలకోయిల అడిగేనా
ఎవరి పిలుపుతో పులకరించి పురివిప్పి - తనువు ఊగేనో
ఆ తొలకరి మేఘపు గుణగణాలకై - నెమలి వెదుకులాడేనా
నా కన్నులు చూడని రూపం - గుడిలో దేవత ప్రతిరూపం
నీ రూపం - అపురూపం // మనసున కొలువై //

చరణం 2 :

ప్రాణం పుట్టుక ప్రాణికి తెలియాలా - గానం పుట్టుక గాత్రం చూడాలా
వెదురును మురళిగ మలచి - ఈ వెదురును మురళిగ మలచి
నాలో జీవననాదం పలికిన నీవే.. - నా ప్రాణ స్పందన
నీకే నా - హృదయ నివేదన // మనసున కొలువై // 

2 comments:

it is sasi world let us share said...

okka sari manasu siri vennelalo thirigi vachchinatlundi.

Raj said...

ఆ సాహిత్యమే అంతే కదా!.. ఆబాలగోపాలం అంతా సిరివెన్నెల్లో ఆడి, పాడి సొలసిపోవాల్సిందే..

Related Posts with Thumbnails