Sunday, April 18, 2010

Emaindo gaani - Nenu meeku telusaa???

చిత్రం: నేను మీకు తెలుసా???
సంగీతం: అచ్చు
రచన: సిరివెన్నెల సీతారామశాస్త్రి
గానం: శ్రీ రాం పార్ధసారధి
********************************
video

పల్లవి:
ఏమైందో గానీ చూస్తూ చూస్తూ చేజారి వెళ్ళిపోతోంది మనసేలా.
ఏం మాయ వల వేస్తూ వేస్తూ ఏ దారి లాగుతూ ఉందో తననలా..
అదుపులో ఉండదే చెలరేగే చిలిపితనం.
అటు ఇటు చూడదే గాలిలో తేలిపోవడం.
అనుమతి కోరదే పడి లేచే పెంకితనం.
అడిగినా చెప్పదే ఏమిటో అంత అవసరం.
ఏం చేయడం మితిమీరే ఆరాటం. తరుముతూ ఉంది ఎందుకిలా.
// ఏమైందో గానీ చూస్తూ చూస్తూ చేజారి వెళ్ళిపోతోంది మనసెలా.. //

చరణం 1:
తప్పో ఏమో అంటుంది - తప్పదు ఏమో అంటుంది
తడబాటు తేలని నడక - కోరే తీరం ముందుంది
చేరాలంటే - చేరాలి కదా బెదురుతూ నిలబడక
సంకెళ్ళుగా సందేహం బిగిసాక - ప్రయాణం కదలదుగా
కలలా అలాగా మది ఉయ్యాల ఊపే భావం ఏమిటో పోల్చుకో త్వరగా..

చరణం 2:
లోలో ఏదో నిప్పుంది - దాంతో ఏదో ఇబ్బంది
పడతావటే తొలి వయసా - ఇన్నాళ్ళుగా చెప్పంది
నీతో ఏదో చెప్పింది కదా - అది తెలియదా మనసా
చన్నీళ్ళతో చల్లారను కాస్తైనా - సంద్రంలో రగిలే జ్వాల
చినుకంత ముద్దు - తనకందిస్తే చాలు అంతే!
అందిగా అంతేగా తెలుసా..

ఏం మాయ వల వేస్తూ వేస్తూ
ఏ దారి లాగుతూ ఉందో తననలా..
అదుపులో ఉండదే చెలరేగే చిలిపితనం -
అటు ఇటు చూడదే గాలిలో తేలిపోవడం
అనుమతి కోరదే పడి లేచే పెంకితనం
అడిగినా చెప్పదే ఏమిటో అంత అవసరం
ఏం చేయడం మితిమీరే ఆరాటం -
తరుముతూ ఉంది ఎందుకిలా
// ఏమైందో గానీ చుస్తూ చుస్తూ చేజారి వెళ్ళిపోతోంది మనసెలా.. //

No comments:

Related Posts with Thumbnails