Tuesday, January 20, 2009

రెడీ - నా పెదవులు నువ్వైతే..

చిత్రం: రెడీ (2008)
రచన: సిరివెన్నెల
సంగీతం: దేవిశ్రీ ప్రసాద్
గానం: సాగర్, గోపికా పూర్ణిమ
***************

పల్లవి:

నా పెదవులు నువ్వైతే - నీ నవ్వులు నేనౌతా
నా కన్నులు నువ్వైతే - కల నేనౌతా
నా పాదం నువ్వైతే - నీ అడుగులు నేనౌతా
నా చూపులు నువ్వైతే - వెలుగే అవుతా
చెరో సగం అయ్యాం కదా - ఒకే పదానికి ఇలా మనం
జతై సదా శిలాక్షరం అవ్వాలి ప్రేమకీ // నా పెదవులు //

చరణం 1:

కనిపించని బాణం నేనయితే - తీయతీయని గాయం నేనౌతా
వెంటాడే వేగం నేనైతే - నేనెదురౌతా
వినిపించని గానం నేనైతే - కవి రాయని గేయం నేనౌతా
శ్రుతిమించే రాగం నేనైతే - జతి నేనౌతా
దివి తాకే నిచ్చెన నేనైతే - దిగి వచ్చే నెచ్చెలి నేనౌతా
నిను మలిచే ఉలినే నేనైతే - నీ ఊహలు ఊపిరి పోసేచక్కని బొమ్మను నేనౌతా // నా పెదవులు //

చరణం 2:

వేధించే వేసవి నేనైతే - లాలించే వెన్నెల నేనౌతా
ముంచెత్తే మత్తును నేనైతే - మైమరపౌతా
నువ్వోపని భారం నేనైతే -నిన్నాపని గారం నేనౌతా
నిను కమ్మే కోరిక నేనైతే - రా రమ్మంటా
వణికించే మంటను నేనైతే - రగిలించే జంటను నేనౌతా
పదునెక్కిన పంటిని నేనైతే - ఎరుపెక్కిన చెక్కిలి పంచిన చక్కర విందే నేనౌతా // నా పెదవులు //

No comments:

Related Posts with Thumbnails