Tuesday, January 13, 2009

వర్షం - మెల్లగా కరగనీ రెండు మనసుల..

నాకిష్టమైన పాటల్లో ఇదొకటి!

చిత్రం: వర్షం (2004)
రచన: సిరివెన్నెల
సంగీతం: దేవిశ్రీ ప్రసాద్
గానం: S.P.చరణ్ & సుమంగళి
**************

పల్లవి:

మెల్లగా కరగనీ రెండు మనసుల దూరం
చల్లగా తెరవనీ కొంటె తలపుల ద్వారం
వలపు వాన దారాలే పంపుతున్నది ఆకాశం
చినుకు పూల హారాలే అల్లుతున్నది మనకోసమ్
తడిపి తడిపి తనతో నడిపి హరివిల్లును వంతెన వేసిన శుభవేళా!
ఈ వర్షం సాక్షిగా కలపనీ బంధం! //మెల్లగా//

చరణం 1:

నీ మెలికలలోన ఆ మెరుపులు చూస్తున్నా
ఈ తొలకరిలో తళ తళ నాట్యం నీదేనా..
ఆ ఉరుములలోన నీ పిలుపులు వింటున్నా
ఈ చిటపటలో చిటికెల తాళం నీదేనా!
మతి మతి చెడే చెడే దాహమై అనసరించి వస్తున్నా
జత పడే స్నేహమై అనునయించనా
చలి పిడుగుల సడి విని జడిసిన బిడియము తడబడి నిను నిను విడగా.. //ఈ వర్షం //

చరణం 2:

ఏ తెరమరుగైన ఈ చొరవను ఆపేనా
నా పరువము నీ కనులకు కానుక ఇస్తున్నా!
ఏ చిరు చినుకైనా నీ సిరులను చూపేనా!
ఆ వరునునికే రుణపడిపోనా ఈ పైనా
త్వరపడే వయసునే నిలుపను ఇకనైనా
విడుదలే వద్దనే ముడులు వేయనా
తన కలయిక చెదరని చెలిమికి ఋజువను చరితను చదివేలా //ఈ వర్షం// & //మెల్లగా//

No comments:

Related Posts with Thumbnails