Tuesday, December 29, 2009

My friend, Philosphere, Guide, Wellwisher..

నన్నూ బాగా ప్రభావితం చేసినవారిలో ఇప్పటి వరకూ ముగ్గురు చనిపోయారు. వారిలో ఒకరు నా మామ (అని ముద్దుగా పిలుచుకునే) - రంగు శ్రీను మామ ఒకరు.. ఈ డిసెంబరు 31 న తన పట్టిన రోజుకి కొత్త బట్టలు కుట్టించుకొని, రడీగా ఉంచుకున్న తను, పుట్టిన రోజునకి కేవలం 5 రోజుల ముందు అంటే ఈ నెల 26 న ఓ రోడ్డు ప్రమాదములో చనిపోయాడు.. తెలంగాణా బందు వల్ల బస్ లో వెళ్ళే తను, మోటర్ సైకిల్ పైన గజ్వేల్ వద్ద తను మోటార్ సైకిల్ నడుపుతుండగా ఒక కుక్క రోడ్డు దాటబోయి, అవతలి వైపున రోడ్డులో ఒక లారీ రావటముతో ఆ కుక్క వెనుదిరిగి, ఈ మోటార్ సైకిల్ వెనకచక్రం క్రింద పడటముతో అ బండి మూడు పల్టీలు కొట్టింది.. అలా గాయపడిన తను చివరికి హాస్పిటల్ లో మరణించాడు..

నేను ఇక ఎవరిని మామా! అని ముద్దుగా పిలవాలి?
నాకిక ఎవరు క్రొత్త క్రొత్త విషయాలు చెబుతారు? 
నేనిక ఎవరితో  బైకు మీద లాంగ్ డ్రైవ్ కి వెళ్ళాలి? 
నాతో మిత్రుడికన్నా సన్నిహితముగా ఇంకెవరు ఉంటారు?
పర్సనల్ విషయాలు కూడా ఎవరితో షేర్ చేసుకోవాలి?
నేను పిలవగానే బైకు మీద 75 కిలోమీటర్లు లగేత్తుకొని నాకోసం వంటరిగా ఎవరొస్తారు ఇక?
మనం ఫ్యూచర్ లో ఇలా ఉండాలి అంటూ ప్రణాళికలు నాతో ఎవరు వేయిస్తారు?
తన సర్కిల్లో నాకో గొప్ప విలువను ఇక నాకెవ్వరు కలిపిస్తారు?
ఇలా బిజినెస్ చెయ్యాలి అని నాకెవరు చెబుతారు?
నన్నూ ఆర్థికముగా మంచి పోజీషను లోకి ఎవరు చేరుస్తారు?..
...
...
...










Saturday, December 26, 2009

Motivative Quotes



















Thursday, December 24, 2009

How to wash your car with one bucket of water - Video

మీ కారును ఒక్క బకెట్ నీటితో కడగాలి అని అనుకుంటున్నారా.. అయితే ఈ వీడియో డౌన్లోడ్ చేసుకొని చూడండి.

వీడియో పేరు: How to wash your car with one bucket of water
సైజ్:  3. 04 MB
వీడియో సైజు: 24 సెకనులు

డౌన్లోడ్ కొరకు ఇక్కడ నొక్కండి:  How to wash your car with one bucket of water

Saturday, December 19, 2009

స్లిప్పులు - సినిమా డైలాగులు

సినిమా డైలాగులతో స్లిప్పుల గురించి చెప్పమంటే మన సినిమా తారలు ఎలా స్పందిస్తారో ఇందులో మీకు చెబుతాను..

మహేష్ బాబు: ఎన్ని స్లిప్పులేట్టమని కాదు అన్నయ్య... ఆన్సర్ రాసామా, లేదా?

Jr. NTR: ఈ కాలేజీ లో మొదట స్లిప్ పెట్టింది మా తాత. దొరికింది మా తాత. వాటితో మీరేంటి సార్ నన్ను పీకేది..

రాంచరణ్ తేజ: ప్రశ్నలు యెక్కువైన పరవాలేదు షేర్ఖాన్, స్లిప్పులు తక్కువ కానీకు..

ప్రభాస్: ఏందీ! ఒక స్లిప్ ఇవ్వండీ!... ఏందీ!! ఒక క్వొశ్చన్ చూపించండి!!.. మీ హ్యాండ్ రైటింగ్ చాలా బాగుంది.. ఏంటి? ప్లీజ్ అండీ చూపించండి..

సాయికుమార్: కనిపించే ఈ 3 పేపర్లు.. క్వొశ్చన్ పేపర్, మెయిన్ పేపర్, అడిషనల్ పేపర్ ఐతే… కనిపించని ఆ 4 వ పేపర్ యేరా - స్లిప్.

చిరు: నువ్వు 3 స్లిప్స్ పెట్టు.. మరో ముగ్గురికి 3 స్లిప్స్ పెట్టమని చెప్పు!!… అలా మొత్తం కాన్సెప్ట్స్ కవర్ చెయ్యొచ్చు…

బాలకృష్ణ: కుమారస్వామి, గోపాలస్వామి, నాగేంద్రస్వామి, నారాయణస్వామి.. ఇలా నలుగురు స్లిప్పులు పెట్టి దొరికిపోతే.. ఈసారి పుట్టేవాడు - స్లిప్పులుపెట్టేవాడు కానీ, దొరికేవాడు కాకూడని మొక్కి, మరీ పెట్టాడురా మా నాన్న! నాకు స్లిప్ స్వామి అనీ..

Tuesday, December 15, 2009

పరిచయం లోని రెండో మాట!

నాలుగు సంవత్సరాల క్రిందట ఒకరి పెళ్లి రిసెప్షన్ కి వెళ్లాను. వధూవరులని కలిసాక, నాకు తెలిసిన వారినీ కలిసాక.. విందులో పాల్గొన్నాను.. నేను మిత్రుడితో కలసి భోంచేస్తున్న సమయములో నా మిత్రుడు ఇంకొంత పెట్టించుకోవటానికి వెళ్ళాడు.

అదే అదను అనుకొని ఒక వ్యక్తి, టిప్పు టాపుగా ఉన్న నా వద్దకి వచ్చాడు. నేనైతే చాలా సేపుగా అతన్ని గమనిస్తున్నాను - ఏంటా? ఇతను నా వంకే చూస్తున్నాడని. అతడికి నలభై సంవత్సరాలు ఉంటాయి. కొద్దిగా పెద్దమనిషిలా ఉన్నాడు. అతను మీరు ఇక్కడే (ఈ టవున్ లోనే) ఉంటారా? అవునని సమాధానం ఇచ్చాను. రెండో ప్రశ్నగా - మీరు ఏమి చేస్తుంటారు? అని అడిగాడు. (నాకిక అంతా అర్థమయింది. అదేమిటో తర్వాత చెబుతాను) నా స్థాయిని తగ్గించి మామూలు పనివాడి స్థాయిని చెప్పాను. అలాగా అని తన గురించి కొంత వివరణ ఇచ్చి "ఒక్క క్షణం.." అని ప్లేటులో పదార్థాలు వడ్డించుకోవటానికి వెళ్ళాడు.. మళ్ళీ తిరిగి రాలేదు - ఇప్పటి వరకూ. తరవాత మా ఫ్రెండ్ వచ్చాడు. జరిగినదంతా చెప్పాను. చూసాను.. భలే చెప్పావురా.. అని మెచ్చుకున్నాడు. ఆ విందులో ఇక కావాలని అతడి ముందు నుండి తిరిగినా నేను కనపడనట్లే ప్రవర్తించాడు.

ఇలాంటివి విందుల్లో, పెళ్ళిళ్ళలో, మార్కెట్లలో.. చాలా సాధారణం. కాదనను. ఇలాంటి పరిచయాలు మన స్టేటస్, ఆస్థి, ఐశ్వర్యం, పలుకుబడి.. ఇత్యాది కారణాల మీద ఏర్పడుతుంటాయి. మనం ఎంతెంత బలముగా ఉంటే అంతగా పరిచయాలు ఉంటాయి. ఈ పరిచయాలు వల్ల మనకో గుర్తింపు వచ్చిందనీ, అందరూ మన ప్రాపకం కోసం అర్రులు చాస్తున్నారనీ.. అంటూ ఏవేవో భ్రమల్లో తేలిపోతాము. కాని ఇలాంటి పరిచయాల వల్ల మనకు ఒరిగేదేమీ లేదని, వాళ్ళ స్వలాభానికి మనతో స్నేహం చేసారని.. - అని మన హోదానో, పరపతో, ఆస్థియో తగ్గినప్పుడు మనకి స్పష్టముగా అర్థమవుతుంది. అందరూ "మనల్ని వాళ్ళ చేతులు ఎర్రగా పండటానికి పెట్టుకున్న గోరింటాకులా"  తయరయ్యామని అప్పటికి గానీ అర్థం కాదు.  అవతలివారు మనకెలా ఉపయోగపడతారూ! అనుకుంటూ - లెక్కలు వేసుకుంటూ చేసే ఈ పరిచయ కార్యక్రమాలు మనకేమీ ఒరగాపెట్టవు సరికదా మనల్ని వారి అవసరాలకై వాడుకునేదే ఎక్కువ. ఇలాంటివారిని మనం తేలికగా గుర్తుపట్టచ్చు.. నా అనుభవాల్లన్నిటినీ పరిశీలనా దృష్టితో చూస్తే - చివరికి తేలింది ఏమిటంటే - ఒకరు మనకి పరిచయమైనా కొత్తలో కుశలపు మాట  (హాయ్,  హలో,  బాగున్నారా?,  భోంచేసారా?,  మిమ్మల్ని అక్కడ చూసాను.. ) తరవాతి మాటగా మిమ్మల్ని మీరు ఏమి చేస్తుంటారు అని అడిగారు అనుకోండి.. అంతే! ఆ మనిషి మిమ్మల్ని మీ హోదా, పరపతి.. కోసం మీతో చనువు పెంచుకోవాలని అనుకుంటున్నాడు  అని డిసైడ్ అవండి. అలాంటి వారు మీకు అంతగా నప్పరు.. స్నేహం అంటే - ఇవ్వడాలు,  పుచ్చుకోవడాలు  అంటూ  ఉంటేనే  బాగుంటుంది. అంతేకాని మనం ఇస్తూ పోతుంటే... చివరికి మనకేమీ మిగలదు.  అప్పుడు  మనం - జగమంత కుటుంబం నాది ఏకాకి జీవితం నాది.. అని సోలోగా పాడుకోవాల్సివస్తుంది.

ఇక్కడ చిన్న సవరణ: ఇలాంటివారు అమాయకులు.. మీరు నమ్మకున్నా ఇది నిజం! ఇలా అడిగి తొందరగా బయట పడతారు.. కాని ఇంకొంతమంది - పులిగుహలోకి వెళ్లేముందు చేసే "రెక్కి" (ఆ గుహ ఎంత పొడవు, ఎంత వెడల్పు, ఎంత ఎత్తు, లోపల ఎన్ని పులులు ఉన్నాయ్, అందులో ముసలివి ఎన్ని, వయసువి ఎన్ని.. అనే పద్దతిలో) లా ముందే అన్నీ ఇతరులనుండి మన గురించి  తెలుసుకొని గోముఖ వ్యాఘ్రాల్లా వస్తారు చూడండి.. వారిని ఏమాత్రం పసి కట్టలేం! సో, బీ కేర్ఫుల్!

Sunday, December 13, 2009

Annapoorna sthrotram

అన్నపూర్ణ  స్త్రోత్రం - ఈ  స్త్రోత్రాన్ని మొదటగా మా బంధువుల ఇంట్లో 1-జనవరి-2007 న ప్రాతఃకాలము   సమయములో విన్నాను. విన్న సమయం, గాయని గొంతులోని మార్ధవమో గాని ఆ పాట మరీ మరీ బాగనిపించి, మీకూ అందించాలన్న కోరికతో ఇక్కడ పెట్టడం జరిగింది. గాయని ఎవరో గాని చాలా బాగా పాడారు. ఈ పాటని విన్నాక మీ అభిప్రాయాలను తెలియచేస్తారని ఆశిస్తున్నాను.

డౌన్లోడ్ కొరకై ఈ ప్రక్కన ఉన్న లింక్ ని నొక్కండి:  Annapurna Sthrotham (3.04 MB) 

Saturday, December 12, 2009

Jai Janardhanaa Radhikaa Pathe

"జై జనార్ధనా కృష్ణా రాధికా పతే.." అనే పాట మూడు సంవత్సరాల పాప  తన కమ్మని  గొంతుతో పాడింది. ఆ స్వరం లోని మార్దవం, హాయ్ పిచ్నెస్స్, ఆరోహణ, అవరోహణలు.. మంత్రముగ్ధులని చేస్తుంది అనడములో యేమాత్రం సందేహం లేదు. ఈ పాట ఇప్పుడు మీకోసం :

గేయం పేరు: జై జనార్ధనా కృష్ణా రాధికా పతే 


గేయం పరిమాణము: 4.77 MB 


బిట్ రేట్: 128  kbps 


టైపు: MPEG లేయర్ 3 (MP3) 


సమయం: 5 నిముషాల 12 సెకనులు 


విడుదల సంవత్సరం: 2004 

ఈ MP3 పాట మిమ్మల్ని ఎంతగానో అలరిస్తుందని నా నమ్మకం.
డౌన్లోడ్ కొరకై ఆ పాట లింక్:  Jai Janardhana Radhika Pathe - MP3 (3Yrs. Baby)

Friday, December 11, 2009

26/11 తాజ్ ఘటన - మీకు తెలియనివి..

26-నవంబర్-2008 న ముంబాయి లోని తాజ్ హోటల్ మీద పాకిస్తానీ తీవ్రవాద ముష్కరుల దాడి జరిగిందని మీకు తెలుసు.. అందులో దాడి గురించిన సంఘటనలూ, కసబ్ అనే తీవ్రవాది గురించి, అతన్ని ఎలా పట్టుకున్నారు, ఎవరు ఎలా ఎలాంటి పాత్ర పోషించారో అన్నీ మీకు తెలుసు.. మళ్ళీ అవి మీ మదిలో పునరావృతం చేయలేను.. కాని ఈ ప్రపంచానికి తెలియని ఒక విషయం -
* ఆ తాజ్ హోటల్ లో సిబ్బంది అప్పుడు ఏమి చేసారు?
* వారు తీవ్రవాద దాడిని ఎలా ఎదురుకున్నారు?
* వారు తీసుకున్న చర్యలేమిటి?
* లోపల ఉన్న కష్టమర్లని ఎలా రక్షించారు?
* తాజ్ మేనేజ్మెంట్ వారిపట్ల తీసుకున్న తీసుకున్న నిర్ణయాలు ఏమిటి?
... .... ... ఇవన్నీ బయట ప్రపంచానికి తెలీవుగా! ఊ.. ఇప్పుడు మీకు ఆ విషయం గురించే చెబుదామని ఇదంతా.. ఈ క్రింది లింక్ నుండి 199KB ఉన్న చిన్న PDF ఫైల్ ని డౌన్ లోడ్ చేసుకొని చూడండి. http://www.megaupload.com/?d=62ND303Z
తప్పకుండా చదవండి.: October_10-The_TAJ_story-unknown..pdf

Wednesday, December 9, 2009

Aarya-2 : Uppenantha ee premakee..


చిత్రం: ఆర్య-2 (2009)
రచన: బాలాజీ
సంగీతం: దేవిశ్రీ ప్రసాద్
గానం: K. K
**************
పల్లవి:
ఉప్పెనంత ఈ ప్రేమకీ - గుప్పెడంత గుండె ఏమిటో
చెప్పలేని ఈ హాయికీ - భాషే ఎందుకో
తీయనైన ఈ బాధకీ - ఉప్పు నీరు కంట దేనికో
రెప్పపాటు దూరానికే - విరహం ఎందుకో
ఓ నిన్ను చూసే ఈ కలలకీ - లోకమంతా ఇక ఎందుకో
రెండు అక్షరాల ప్రేమకీ - ఇన్ని ఎఫెక్షన్లెందుకో
ఐ లవ్ యు - నా ఊపిరి ఆగిపోయినా
ఐ లవ్ యు - నా ప్రాణం పోయినా
ఐ లవ్ యు - నా ఊపిరి ఆగిపోయినా
ఐ లవ్ యు - నా ప్రాణం పోయినా // ఉప్పెనంత //

చరణం 1:
కనులలోకొస్తావు - కలలు నరికేస్తావు
సేకనుకోసారైనా చంపేస్తావు -
మంచులా ఉంటావు మంట పెడుతుంటావు - వెంటపడి నా మనసు మసి చేస్తావు
తీసుకుంటే నువ్వు - ఊపిరి పోసుకుంట ఆయువే చెలీ
గుచ్చుకోకు ముళ్ళలా - మరే గుండెల్లో సరాసరి
ఐ లవ్ యు - నా ఊపిరి ఆగిపోయినా
ఐ లవ్ యు - నా ప్రాణం పోయినా // ఉప్పెనంత //

చరణం 2:
చినుకులే నిను తాకి - మెరిసిపోతానంటే
మబ్బులే పోగేసి కాల్చేయ్యనా -
చిలకలే నీ పలుకు తిరిగి పలికాయంటే - తొలకరే లేకుండా పాతేయ్యనా
నిను కోరి పూలు తాకితే - నరుకుతాను పూలతోటనే
నిన్ను చూస్తే ఉన్నచోట - తోడేస్తా ఆ కళ్ళనే
ఐ లవ్ యు - నా ఊపిరి ఆగిపోయినా
ఐ లవ్ యు - నా ప్రాణం పోయినా // ఉప్పెనంత //

Sunday, December 6, 2009

మిత్రుడు - అప్పు

మొన్న నెట్ సర్ఫింగ్ లో ఉన్నప్పుడు నా మిత్రుడు ఒకరు వచ్చారు.. చాలారోజుల తరువాత వచ్చాడు అంటే ఓ మూడు సంవత్సరాల తరవాత గుర్తుపెట్టుకొని మరీ వచ్చాడు.. అదీ లోకల్ లోనే ఉండి.. ఇపుడు అతను బేకరీ షాపు మైంటైన్ చేస్తున్నాడు. అతను నాకు చిన్నప్పటి - అంటే అ, ఆ, ఇ, ఈ నేర్చుకున్నప్పటి నుండీ ఇప్పటివరకూ (ఇక ముందు కూడా) నాకు మంచి స్నేహితుడు.. చెప్పాలంటే చాలా ఉంది కాబట్టి ఇక అసలు పాయింట్ లోకి వచ్చేద్దాం!

కాసిన్ని కుశల ప్రశ్నలయ్యాక - "చెప్పరా!ఏమి విశేషమో!.." అని అడిగాను.
"నాకో పదివేలు కావాలిరా! చేబదులు.. కొద్దిరోజుల్లో ఇచ్చేస్తాను.. " అని అన్నాడు.
"ఎందుకురా! ఇంత అవసరం.." అని అడిగా.
"అవసరం రా!.." ముక్తసరిగా అన్నాడు.
"ప్లీజ్! ఏమీ అనుకోకు.. నేను రేనోవేషన్ పనిలో ఉన్నాను.. ఇంకా వారం రోజులు అయితే ముగుస్తుంది. నాకే అవసరం ఉంది.. ఏమీ అనుకోకు.. వేరే వారిని ప్రయత్నించరాదూ.. " అని బదులిచ్చాను..
ఎలాగైనా చెయ్యరా.. అని తను అంటే "అయితే చెయ్యనారా! నేను ఆ పనిలో లేకుంటే ఇచ్చేవాడినిగా.. ఈ రోజే కొన్ని సామానుల కోసం షాపింగ్ చెయ్యాలి" అని నటించాను..
తరవాత అతడిని ఖాళీ చేతులతో పంపించేసాను..
బాల్య మిత్రుడూ, ఆపదలో ఉండి వచ్చిన వాడూ, బాగా తెలిసిన మిత్రుడూ.. అయిన వాడి ముందు అలా నటించడములో నా గతంలో జరిగిన సంఘటనయే కారణం.

అతనికి ఓ పని మీద నా దగ్గరికి వస్తే, అది చేసిచ్చాను.. అప్పుడు - వీడు నామిత్రుడని తగ్గించి లెక్కవేసినా (ఆ విషయం మరీ పేపర్ మీద వేసి చూపించాను) అతడు ఆ పనిలో నాకు మూడున్నర వేల రూపాయలు నాకు బాకీ పడ్డాడు.. నేను సాధారణముగా నా స్నేహితుల్లో మొదటిసారి ఏదైనా అడిగితే (ఇచ్చేది అయితే) ఇచ్చేస్తాను.. అవతలివారు ఎంత త్వరగా తిరిగి ఇస్తారన్న దాని బట్టి వారితో నా మిగతా స్నేహభంధం సాగుతుంది. తరవాత ఇస్తానని చెప్పిన అతను ఎన్నిసార్లు అడిగినా అంతే! - రేపూ రేపూ అని జరపటం! నా ముందే డబ్బులు లెక్కపెడతాడు. వారికీ, వీరికీ ఇస్తాడు కాని నాకు మాత్రం ఇవ్వడు. నాముందే ATM నుండి డబ్బులూ డ్రా చేస్తాడు - కాని నా బాకీ తీర్చడు. చాలా కాలం అడిగి ఊరుకున్నాను.

ఇలా కాదనుకొని ఫ్రెండ్స్ అంతా కలసి టూర్ వెడితే ఆ డబ్బులు అందులో సర్దుదామని ఎంత ప్రయత్నించినా ఊహు.. వీడు నాకు మొగుడైనాడు. ఇక ఇలా కాదనుకొని పిల్లలపుట్టిన రోజులకి, ఇంట్లో బంధువులు వస్తే.. వెళ్లి ఆ పురుగుల మందులూ.. అవేనండీ కూల్ డ్రింకులూ, కేకులూ తెచ్చుకొనే వాడిని.. ఆ తెచ్చుకున్న వాటిని వాడి బుక్ లో, నా బుక్ లో రాయించుకునే వాడిని.

ఇలా మూడు సంవత్సరాలు పైగా "కష్టపడి" నా మూడున్నర వేలూ తీసుకున్నాను.. ఆ మూడున్నర వేలు వదిలేసేవాడిని కాని, ఇలాంటి మొండివాళ్ళని ఊరికే వదిలేయబుద్ది కాలేదు. అందుకే అలా చేశాను.. అలా అష్టకష్టాలు పడీ మరీ నావి తిరిగి పొందాను.. ఇప్పుడు వచ్చి అడిగితే ఎలా ఇచ్చేది? అందుకే కుదరదని చెప్పాను..

ఒకవేళ ఇప్పుడు ఇచ్చి ఉంటే - అప్పుడే మూడున్నర వేలకి మూడు సంవత్సరాలు చేసాడు - ఇప్పుడు పదివేలకి - పది సంవత్సరాలు మళ్ళీ "కష్టపడాలేమో!".. నాకు అంత ఓపిక లేదు..


ఈ సంఘటన వల్ల మీకు చెప్పేది ఏమిటంటే ఒకసారి మిత్రులని నమ్మండి.. వారికి అన్ని అవకాశాలు ఇచ్చి చూడండి. అప్పటికీ అతడు దారిలోకి రాకపోతే ఇక వాడి ఖర్మ అనుకొని వాడిని వదిలేయండి. నిజమైన స్నేహితుడు అంటే మనల్ని అప్పు అడగడు, ఒకవేళ అడిగినా తల తాకట్టు పెట్టి మరీ తీర్చేస్తాడు. చిన్న విషయం వద్ద ఇన్ని రోజుల.. సారీ! ఇన్ని సంవత్సరాల స్నేహం ని చిన్న కారణముతో చెడగొట్టుకోవటం ఎంత మూర్ఖత్వం!

Tuesday, December 1, 2009

బస్ లో వాంతి

మొన్న ఓ పనిమీద బస్ లో బయలుదేరాను. మార్గ మధ్యమములో ఒక జంట నా ప్రక్క సీట్లోకి వచ్చి కూర్చున్నారు. వారికి ఐదు-ఆరు సంవత్సరాల పాప. నేను ఐపాడ్ లో పాటలు వింటూ కళ్లు మూసుకున్నాను.. వారేమో మెలుకువగానే ఉన్నారు.

ఇంతలో అలజడి. ఏమిటా అని చూస్తే ఆ పాప వాంతి వస్తున్నట్లుంది.. బలవంతం మీద ఆపుతున్నారు. తరవాత జరిగేది ఏమిటో అర్థమయ్యింది.. చప్పున గుర్తుకు వచ్చింది. నా బాగ్ జిప్పు తెరచి అందులో ఓ మూలనుంచిన ఒక ప్లాస్టిక్ కవర్ తీశాను.. వారికి ఇచ్చి పాపకి మూతి వద్ద పట్టమన్నాను. ఆ పాప వాంతి చేసుకుంటే వారు పట్టారు. నా సమయస్ఫూర్తి వల్ల బస్ లో సీట్ పాడుకాకుండా కాపాడాను, అలాగే వారికి ఉపయోగపడ్డాను - అనే సంతోషముతో కాసేపు కునుకు తీశాను..

తరవాత కాసేపు తరవాత మెలకువ వచ్చి చూస్తే వారు లేరు.. మధ్యలో దిగారేమోనని అనుకున్నాను. కాని దిగలేదు.. ఇంకో సీట్లోకి వెళ్లి కూర్చున్నారు. ఇదేమిటబ్బా అని అనుమానముతో నా సీటు పక్కన చూసాను.. అప్పుడు అర్థం అయ్యింది.. ఆ వాంతి కవరుని అక్కడే వదిలేయటముతో అందులోని ద్రవమంతా బయటకి వచ్చింది. వాళ్ళని తిట్టాలంత కోపం వచ్చింది..

ఏమిటీ మనుష్యులు.. ఇంత నిరక్ష్యం. -అని. ఆ పాపకి అంత పొద్దున్నే టిఫిన్ కుక్కడమెందుకు? వాంతి వస్తుందన్న జ్ఞానంతో ఒక కవరును వెంట తెచ్చుకోవాలన్న కనీస జ్ఞానం లేదు. వెంట తెచ్చుకోలేదు.. పోనీ ఒకరిస్తే దాన్ని తీసుకునేటప్పుడు థాంక్స్ చెప్పాలన్న తెలివి లేదు. సరే అదంతా పోనీ!.. వాంతి తరవాత ఆ కవరుని బస్ కిటికీ లోంచి బయట పడేస్తే అయిపోయేదిగా ఒకవేళ పడేయడానికి సమయం లేకుంటే ఆ కవరుని ముడి వేసి అలాగే పెడితే సరిపోయేదిగా...

మొత్తానికి నేను కవరు ఇవ్వకుండా ఉండి ఉంటే, వాంతి పరిస్థితి ఎలా ఉండేదో ఇచ్చాక కూడా అలాగే జరిగినందుకి ఏమనాలో నాకు అర్థం అవటం లేదు..

Wednesday, November 25, 2009

ఈ-మెయిల్ అడ్రెస్సులు మీకు ఎన్ని ఉన్నాయి?

మనకందరికీ సాధారనముగా ఒకటో, రెండో ఈ-మెయిల్ ID లు ఉంటాయిగా.. ఒకటేమో యాహూనో, ఇంకోటి జి-మెయిలో ఉంటుందిగా!.. అలా కాకుండా ఇంకో మెయిల్ ID కూడా ఉంచేసుకోండి.. ముందు చెప్పిన రెండింటిలోనే మీ అవసరాలని వెల్లదీస్తున్నారా? అయితే కష్టమే!..

ఆ యాహూని, జి-మెయిల్ని మీ పర్సనల్ అవసరాల కోసం, స్నేహితుల కోసం వాడుకోండి.. ఇంకొక మెయిల్ ID ని వీటిలోనే, లేదా వేరే దాంట్లో (రెడిఫ్, వై.. అలాంటివి) తయారు చేసుకోండి.. ఈ మెయిల్ ID ని ఇంటర్నెట్ అవసరాల కోసం వాడుకోండి. అంటే ఏదైనా ఆన్-లైన్ వాటిల్లో మీ మెయిల్ ID, పాస్ వర్డ్ ఇవ్వాల్సి వచ్చినప్పుడు, దీన్ని వాడుకుంటే మీ యాహూ, జి-మెయిల్ ID లు సురక్షితముగా ఉంటాయి.

ఎలాగంటే: ఏదైనా ఆన్-లైన్ యాడ్ లోనో, గేముల్లోనో, సాప్ట్ వేర్ డౌన్లోడ్ అప్పుడో, ఎందులోనైనా మీరు ఆన్-లైన్ సభ్యత్వం తీసుకుంటున్నప్పుడు ఈ క్రొత్త మెయిల్ / మూడో మెయిల్ ID ఇచ్చారు అనుకోండి. అవతలి వారిని అంతవరకే మీరు హద్దుల్లో ఉంచబోతున్నారన్న మాట! మీరు ఈ మెయిల్ ID ని ఇచ్చిన ఒకవేళ యే బోగస్ సంస్థకి ఇచ్చినా అందులో ఉన్న మెయిల్స్ ని పాస్ వర్డ్ సహాయముతో చూసినా అందులో మన ఫ్రెండ్స్ నుండి వచ్చిన మెయిల్ ID లు, మన పర్సనల్ మెయిల్స్ (ఈ మెయిల్ ID ని మనవారికి ఇవ్వము కనుక) ఏవీ ఉండవు.. కనుక మన మిత్రులకి స్పాం లు, అబద్దపు మెయిల్స్, చెత్త ప్రకటనలూ అన్నీ అందులోనే ఉంటాయి. కాబట్టి మనం సేఫ్ లో ఉంటాము..

ఆ అబద్దపు సంస్థలకి ( అవి అలాంటివని మనకి తెలీవుగా ) జి-మెయిల్, యాహూ ID లు గనుక ఇస్తే ఆ పాస్ వర్డ్ సహాయముతో మన విషయాలన్నింటినీ చూస్తారు.. ఎక్కడైనా దొరికామా.. మన రహస్యాలు కాస్తా విశ్వవ్యాపితం అవుతాయి. జాగ్రత్త!

Friday, November 20, 2009

మొఖం కడగటం

చిన్నప్పుడు పొద్దున్నే మొఖం (face) కడిగేవాళ్ళం.. (ఇప్పుడు మానివేసామన్నది కాదు ) మేమూ అలాగే కడుగుతాం అంటారా? ఆ.. వస్తున్నా అదే విషయం చెప్పటానికి.. ఇప్పుడు "యేరా బ్రష్ వేసావా.." అని అడుతున్నారు కాని, పాత తరం వాళ్ళని చూడండి. మనం బ్రష్ వేస్తాము గాని, వాళ్లు మొఖం కడుగుతారు. మొఖం కడగటం అంటే పెద్దగా ఏదో ఊహించుకోకండి.. పెద్ద ఖర్చూ ఏమీ లేదు.. కొద్దిగా సమయం ఎక్కువ కేటాయిస్తే సరి.. అంతే!. మామూలుగా ప్రొద్దున మనం బ్రష్ తీసుకొని, దానిపైన కొద్దిగా పేస్టు పెట్టుకొని, బాగా పళ్ళని రుద్ది.. కడిగేస్తాముగా.. అలాగే కాని ఇంకొంచం శ్రమ, సమయం అవసరం ఇందులో. ముందుగా మొఖం ని గోరువెచ్చని, చల్లని నీటితో మొఖం కడిగి, ఆ తరవాత దంత ధావనం - పళ్ళు తోమటం మొదలవుతుంది.. ఆ తరవాత నోరు కడిగేసి శుభ్రముగా చూపుడు వేలితో పళ్ళని మసాజ్ (మర్దన) చేస్తారు. ఇక్కడ పళ్ళనే కాకుండా పంటిని ఆనుకునే చర్మం - అదేనండీ చిగుర్లనీ బాగా రుద్దుతారు. పై వైపునే కాకుండా లోపల వైపున కూడా మసాజ్ జరుగుతుంది.. దీనివలన లాభం ఏమిటంటే మన దంతాలకి, చిగుర్లకీ రక్త ప్రసరణ బాగా జరుగుతుంది. దానివలన దంతాలు ఇంకా ఆరోగ్యముగా ఉంటాయి. ఇలా చేయటానికి పట్టే కాలము మహా అంటే 15 సెకన్ల నుండి నిముషము వరకు. మీకు తెలుసా! మనం వాడే టూత్ పేస్టులో ఏమీ రక్షణ పదార్ధం ఉండదు, ఏమీ పనిచెయ్యదు. ఒకవేళ ఉన్నా, ఈ మర్దన అంత మేలు జరగదని పంటి డాక్టర్లూ నిర్ధారించారు. మనకు ఆహారాన్ని జీర్ణము చేసి, మనకు శక్తిని కలుగ జేసే ఈ దంతాలకి ఆపాటి సేవ, సమయం కేటాయించలేమా? మనం ఒక దగ్గర నుండి ఇంత లాభం పొందుతున్నప్పుడు, ప్రతిగా మనమేమీ ఇవ్వలేమా.. (ఈ వాక్యం గురించి త్వరలో రాస్తాను.. అది మీ జీవితాన్ని మారుస్తుందేమో!).. అలా నోటిని కడిగాక, నాలుకనీ కడుగుతారు. ఆ నాలుక మీద ఉన్న తెల్లని పాచిని తీసేస్తారు.. ఆ తరవాత గొంతులో వేళ్ళు పెట్టి ఆడిస్తారు. గొంతులో ఉన్న ఏవైనా కఫం, తట్టుకున్న పదార్థాలు, కడుపులో జీర్ణం కాని ఆహారం.. అంతా బయటకి వచ్చేస్తాయి.. దానివల్ల శరీర క్రియలకి అవి అడ్డం తొలుగుతాయి కాబట్టి లోపలి శరీర భాగాలు రెట్టించిన శక్తితో పనిచేస్తాయి.. ఆ తరవాత ముక్కుని శుభ్రం చేస్తారు. ఒక వేలితో ఒక ముక్కు రంధ్రాన్ని నొక్కిపెట్టి, గాలిని బయటకి వదలటముతో, శ్వాసకి అడ్డం వచ్చే పదార్థాలు బయటకి వచ్చేస్తాయి. తరవాత చల్లని నీటితో కళ్ళనీ, అందులోని మలినాలనీ తొలగిస్తారు.. చివరిగా మొఖం మళ్ళీ కడిగి, అలాగే మెడనీ రుద్ది, కడిగేస్తారు.. ఇదీ మొఖం కడగటమంటే! ఇప్పటికీ పాతతరం వాళ్ళు ఇలా చేయటం ఇంకా మనం చూస్తూనే ఉంటాము.. ఈ బిజీ లైఫ్ ల వల్ల మనకి మనమే ద్రోహం చేసుకుంటున్నాము. పొద్దున్నే ఎవడో వెంబడి పడుతున్నట్లు గబా గబా ముఖం తోమేసి "మమ" అనిపించేస్తున్నాము..

Saturday, November 14, 2009

Ringa ringa ringa.. (Aarya 2)

చిత్రం  : ఆర్య - 2 (2010)
సంగీతం : దేవిశ్రీ ప్రసాద్
పాడినవారు : ప్రియ హేమేష్
రచన : చంద్రబోస్
***********************
పల్లవి:
రింగ రింగ రింగ రింగ - రింగ రింగ రింగా రింగారే
రింగ రింగ రింగ రింగా - రింగ రింగ రింగా రింగారే
రింగ రింగ రింగ రింగ - రింగ రింగ రింగా రింగారే
రింగ రింగ రింగ రింగ - రింగ రింగ రింగా రింగారే
పొషు పొషు పరదేశి నేను - ఫారిన్ నుంచి వచ్చేసాను..
రింగ రింగ రింగ రింగ - రింగ రింగ రింగా రింగారే
రింగ రింగ రింగ రింగ - రింగ రింగ రింగా రింగారే
రోషం ఉన్న కుర్రాళ్ళ కోసం - వాషింగ్టన్ను వదిలేసాను
రింగ రింగ రింగ రింగ - రింగ రింగ రింగా రింగరే
రింగ రింగ రింగ రింగ - రింగ రింగ రింగా రింగరే
ఎయిర్ బస్సు ఎక్కి ఎక్కి రోతే పుట్టి - ఎర్ర బస్సు మీద నాకు మోజే పుట్టి
ఎర్రకోట చేరినాను - చేరినాక ఎదురు చూసినా 

ఎవరి కోసం!
బోడి మూతి ముద్దులంటే బోరే కొట్టి - కోరమీసం కుర్రగాళ్ళ ఆరా పట్టి
బెంగులోరు కెల్లినాను - మంగళూరు కెల్లినాను
బీహారు కెల్లినాను - జైపూరు కెల్లినాను
రాయలోరి సీమకి వచ్చి సెట్ అయ్యాను -

ఓహో మరిక్కడి కుర్రోల్లేం చేసారు?
కడపబాంబు కన్నులతో యేసి - కన్నెకొంప పేల్చేసారు
అమ్మనీ..
రింగ రింగ రింగ రింగ - రింగ రింగ రింగా రింగరే
వేట కత్తి వొంట్లోన దూసి - సిగ్గుగుత్తి తేన్చేసారు
రింగ రింగ రింగ రింగ - రింగ రింగ రింగా రింగరే

వాయించు యెహె..ఇదిగో తెల్లపిల్ల -
అదంతా సరేగాని -అసలు ఈ రింగ రింగ గోలేంటి?
అసలుకేమో నా సొంత పేరు - యాంద్రియానా స్చ్వార్జో రింగ
రింగ రింగ రింగ రింగ - రింగ రింగ రింగా రింగరే
పలకలేక ఈల్లెట్టినారు - ముద్దుపేరు రింగ రింగా..
రింగ రింగ రింగ రింగ - రింగ రింగ రింగా రింగరే
జీన్స్ తీసి కట్టినారు వోని లంగా -
బాబ్డ్ హేరు పెట్టినారు సవరం బాగా
రాయిలాగా ఉన్న నన్ను - రంగసాని చేసినారుగా..
ఇంగ్లీషు మార్చినారు ఎటకారంగా! -
ఇంటి యెనకకి వొచ్చినారు యమకరంగా -
ఒంటిలోని వాటర్ అంతా చెమటలాగ పిండినారు
వొంపులోని అత్తరంత ఆవిరల్లే పీల్చినారు -
వొంపి వొంపి సొంపులన్నీ తాగేసారు

అయిబాబోయ్ తాగేసరా? ఇంకేం చేసారు?
పుట్టుమచ్చలు లేక్కేట్టేసారు - లేని మచ్చలు పుట్టించారు
రింగ రింగ రింగ రింగ - రింగ రింగ రింగా రింగారే
ఉన్న కొలతలు మార్చేసినారు - రాని మడతలు రప్పించారు
రింగ రింగ రింగ రింగ - రింగ రింగ రింగా రింగారే

ఇదిగో ఫారిన్ అమ్మాయి.. ఎలా ఉందేటి మన కుర్రాళ్ళ పవర్?
పంచకట్టు కుర్రాల్లలోని - పంచ్ నాకు తెలిసొచ్చింది
రింగ రింగ రింగ రింగ - రింగ రింగ రింగా రింగారే
ముంతకల్లు లాగించేటొల్ల - స్త్రెంగ్తు నాకు తెగ నచ్చింది
రింగ రింగ రింగ రింగ - రింగ రింగ రింగా రింగారే
నీటి బెడ్ సరసమంటే గర్రు గర్రు -
ములకమంచమంటే ఇంకా కిర్రు కిర్రు
సుర్రుమన్న సీనులన్ని ఫోన్లో ఫ్రెండ్స్ తోటి చెప్పినా

చెప్పిన చెప్పెసావెట్టి?
ఫైవ్ స్టార్ హోటల్ అంటే కచ పిచ -
పంపు సెట్టు మేటర్ ఐతే రచ్చో రచ్చా
అన్నమాట చెప్పగానే -
ఐర్లండు గ్రీన్లాండు, న్యూజిలాండు, నెదర్లాండు, థైలాండు, ఫిన్లాండు..
అన్ని లాండుల పాపలీడ ల్యాండ్ అయ్యారు..

లాండయ్యరా! మరి మేమేం చెయ్యాలి?
హాండు మీద హాన్డేసేయ్యండీ - లాండు కబ్జా చేసేయ్యండీ..
రింగ రింగ రింగ రింగ - రింగ రింగ రింగా రింగరే
హాండు మీద హాండ్ ఎసేస్తమే - లాండు కబ్జా చేసేస్తామే
రింగ రింగ రింగ రింగ - రింగ రింగ రింగా రింగరే
రింగ రింగ రింగ రింగ - రింగ రింగ రింగా రింగరే..

Friday, November 13, 2009

గత జ్ఞాపకాల తీపి గురుతులు

చాలా రోజులకి నేను బ్లాగ్ కి వచ్చాను కదూ! ఈ మధ్య ఓ మంచి పని చేశాను.. అందులోనే చాలా బిజీగా ఉండిపోయాను.. ఇంకా ఆ పని నెల రోజులు పట్టేలా ఉంది.. అదేమిటో, దాని కథాకమామీషు ఇప్పుడు చెబుతాను.

నా మిత్రులు దార్ల వేణు శ్రీకాంత్ యొక్క బ్లాగ్ చూసాను.. అందులోని హెడ్డింగ్ లైను "నా జ్ఞాపకాలని నేను మరచిపోకముందే పదిలపరచుకోవాలి.." చాలాకాలం వెంటాడింది.. నా బ్లాగ్ లోనే "మీ పిల్లలకి మీరే ఇవ్వగలిగే అందమైన కానుక. " అని ఒకటుంది చూడండి.. అందులో కొనసాగింపుగా చివర్లో రాసాను చూడండీ! - ఇంకా ఎలా దీన్ని అద్భుతముగా ఇవ్వాలో అని ఆలోచిస్తున్నా అని..

ఆ మధ్య ఇల్లు సర్దుతుంటుంటే పాతవి నెగటివ్ లు కనిపించాయి.. వాటిని డిజిటల్ కి మార్చవచ్చా? అని తెలుసుకున్నాను. మారుస్తారుట.. ఇంకేం! రెండు, మూడు చోట్ల అడిగాను.. కావని, తెలియదని అన్నారు.. ఇలా కాదని గూగుల్ వాడి సహాయముతో అంతర్జాలం లో వెదికితే ఆ మిషన్ నాలుగువేల డాలర్లు ఉంది.. అంటే ఓ ఇరవై వేలు.. మళ్ళీ ఎవరు చేస్తారని వెదుకులాట.. కూకటపల్లి లో ఒకడు దొరికాడు.. కాని వందకి ఒక రీలు / నెగెటివ్ స్ట్రిప్ అన్నాడు.. రేటు తగ్గదని చెప్పాడు.. ఇంకా వేరే వాడికోసం వెదుకులాట! చివరికి మా బంధువులతో వేదికిస్తే ఓ చోట  ఒక షాప్ అతను చేస్తాను అన్నాడు. ఎన్ని ఉన్నాయని అంటే ఓ ఇరవై రీళ్ళు అన్నాను. రీలుకి వందచేప్పి ఆఖరికి అరవై కి ఫిక్స్ అయ్యాడు. ఇంటికి వచ్చి వెదికితే మొత్తం రీళ్ళు - ముప్పై రెండున్నాయి. మళ్ళీ బేరం చేశా.. ఆఖరికి నలభై ఐదుకి సెటిల్ అయ్యింది.. అంటే పద్నాగువందల నలభై రూపాయలు.. ఈబేరం వల్ల పదిహేడువందల అరవై రూపాయలు మిగులు..

రీలు రూపములోని మధుర జ్ఞాపకాలని డిజిటల్ రూపములోనికి మార్చి ఇచ్చాడు.. ఒక్కో ఫోటో 1800*౧౨౦౦ రిజల్యూషన్, 500-600KB ల సైజులో సిడి రూపములోనికి మార్చి మూడు రోజుల్లో ఇచ్చాడు. ముందు జాగ్రత్తగా మూడు CD లలో చేసిచ్చాడు.. వాటిని సిస్టమ్ లోనికి ఎక్కించాను.. రెండు, మూడు రోజులుగా నా గత జ్ఞాపకాలని ఒక్కొక్కటీ చూస్తూ చాలా ఆనందించాను, విశ్లేషించుకున్నాను.. అప్పటికీ ఇప్పటికీ ఎంత తేడా.. ఇంకా నయం! వాటిని ఇంకా అలాగే వదిలేస్తే తేమ వచ్చి నేగేటివ్స్ పాడయ్యిపోయేవి అన్నీ! కాని నా అదృష్టం వల్ల రెండు రీళ్ళు మాత్రమే తేమ వల్ల పాడయ్యాయి.. ప్రస్తుతం ఆ ఫోటోల ప్రోపెర్టీస్ లోనికి వెళ్లి ఆ రీలు నంబరూ, ఆ ఫోటో సీరియల్ నంబరూ, యే గ్రూపుకి చెందిందో ఆ గ్రూపు పేరూ, ఆ ఫోటోలోని వారి పేర్లూ, సందర్భమూ, తేదీ, సమయం అన్నీ రాస్తున్నాను.. ఇప్పటివరకూ మూడింటికి అలా రాసాను.. ఇంకా చాలా మిగిలే ఉన్నాయి.. ఇవన్నీ ముగిసాక మళ్ళీ నాఫొటోలు - నా ఫోల్డరు లోనికి, పిల్లలవి - పిల్లల ఫోల్డరు లోనికి సార్టింగు చెయ్యాలి.. మొత్తానికి నా పిల్లలు పెద్దవారయ్యాక నేను పడిన శ్రమ ఏమిటో వారికి తెలియాలనుకుంటున్నాను.

ఆ ఫోటోల వివరాలు రాస్తున్నపుడు ఎంత కష్టం అవుతున్నదో! ఎందుకో దీన్ని కష్టం అనాలనిపించటం లేదు! ఇష్టముతో కూడిన సుఖమైన కష్టం అనిపిస్తున్నది ఇప్పుడు!.. అప్పుడు వారెవరు, వారి పేరు, ఊరు, భందుత్వం.. యే ఫంక్షన్లో అలా కలిసారు, ఎందుకు.. ఆ ఫోటోలో మిగతా ఉన్నవారి పేర్లూ... అన్నీ ఆ ఫోటో ప్రోపెర్టీస్ కామెంట్స్ లో రాస్తున్నాను.. రేపు ఈ ఫోటోలు వేరే వారి దగ్గరికి చేరినా వారికి ఆ ఫోటోలో ఉన్నా సంగతి అంతా అందులో కనపడాలని నా చిన్ని ప్రయత్నం. ఒక ఐడియా మీ జీవితాన్ని మార్చేస్తుంది అంటే ఇదేనేమో! నా పిల్లలకి ధీరుభాయి అంబాని లాగా ఏమీ ఇచ్చినా, ఇవ్వకున్నా ఇచ్చినది మాత్రం గొప్పగా ఇవ్వాలనుకుంటున్నాను..

Karigelogaa ee kshanam.. (Aarya 2)


చిత్రం: ఆర్య -2 (2009)
సంగీతం: దేవి శ్రీ ప్రసాద్
రచన: వనమాలి
పాడిన వారు: కునాల్ గుంజనవాలా, మేఘ
****************
పల్లవి:
కరిగే లోగా ఈ క్షణం.. గడిపెయ్యాలి ఈ జీవితం..
శిలగా మిగిలే నా హృదయం సాక్షిగా.. కనులైపోయే సాగరం..
అలలై పొంగే జ్ఞాపకం.. కలలే జారే కన్నీరే చేరగా..
గడిచే నిమిషం గాయమై.. ప్రతి గాయం ఒక గమ్యమై..
ఆ గమ్యంని గుర్తుగా నిలిచే నా ప్రేమ..

కరిగేలోగా ఈ క్షణం.. గడిపేయాలి జీవితం..
శిలగా మిగిలే నా హృదయం సాక్షిగా.. కనులైపోయే సాగరం..
అలలై పొంగే జ్ఞాపకం.. కలలే జారే కన్నీరే చేరగా..


చరణం     1:
పరుగులు తీస్తూ అలసిన నది నేను..
ఇరు తీరాల్లో దేనికి చేరువ కాను..
నిదురను దాటీ నడిచిన ఓ కల నేను..
ఇరుకన్నుల్లో దేనికి సొంతం కాను..
నా ప్రేమే నేస్తం అయ్యిందా.. ఓ
నా సగమేదో ప్రశ్నగా మారిందా.. ఓ
నేడు బంధానికి పేరుందా.. ఓ
ఉంటే విడదేసే వీలుందా ఓ.. //కరిగే లోగా ఈ క్షణం //

చరణం 2:
అడిగినవన్నీ కాదని పంచిస్తూనే..
మరు నిముషంలో అలిగే పసివాడివిలే..
నీ పెదవులపై వాడని నవ్వుల పూవే..
నువ్వు పెంచావా నీ కన్నీటిని చల్లి
సాగే మీ జంటని చూస్తుంటే ఓ ..
నా బాధంతటి అందంగా ఉందే ఓ..
ఈ క్షణం ఈ నూరెల్లవుతాను అంటే ఓ..
మరుజన్మే క్షణమైనా చాలంతే ఓ.. // కరిగే లోగా ఈ క్షణం //

Monday, November 9, 2009

పాదాభివందనం

పాదాభివందనం ఈ మధ్య చాలా ఫ్యాషన్ అయింది.

సినీ రంగములో, ముఖ్యముగా పాటల రంగములో ఇది మరీను.. నిజానికి ఇలా చేయటం మంచిదేనా.. అని అడిగితే నామటుకు నేను ఏమాత్రం సమర్థించను.. నాకు తెలిసినదేమిటంటే - మనం పూజలవల్లనో, దానాల వల్లనో, చేసే ఉపకారము వల్లనో.. పొందిన పుణ్యము మనలో ఉండిపోతుంది. అది ఆ వ్యక్తి ఆత్మలో ఇమిడిపోతుంది. మీకు స్వర్గం - నరకం, పుణ్యం - పాపం అన్న మాటల్లో నమ్మకం ఉందా?.. ఉంటే మనం చనిపోయాక ఈ జన్మలో చేసిన పొరపాట్లకి "అక్కడ" ఫలితం అనుభవించాలి.. అక్కడ ఈ పుణ్యం, పాపం అవసరం అని ఏమైనా నమ్మకాలు మీకు గనుక ఉంటే పాదాభివందనములు చేయాల్సిన అవసరం లేదు.. నా ఎంపిక మాత్రం చేయవద్దనే అంటాను.

దీనివలన:
# మీ ఆత్మాభిమానాన్ని కొంత కోల్పోవాల్సివస్తుంది..

# అవతలి వారి మనసులో మీరంటే కొద్దిగా అనుమానం, చులకన ఏర్పడుతుంది. వీడేంట్రా! మరీ ఇంతగా కాళ్ళు మొక్కుతున్నాడు.. నాతో వాడికి ఏమి "పని" ఉందో? అనే అనుమానం.

# వీడొకడు.. ప్రతివాడి కాళ్ళు పట్టుకుంటాడు.. అనే చులకన భావం అవతలి వాళ్ళలో రావటం.

# గుంపులో ఉన్నప్పుడు మీరు మొక్కారని, మీ తోటివారు కూడా మేము అలా చేయకపోతే ఆ వ్యక్తి మనసులో అగౌరవ స్థానం పొందుతామేమోనని, వారూ పాదాభివందనాలు చేయటం - ఓ రివాజు లా మారుతుంది.

# అప్పటివరకూ మీరు ఏమైనా పుణ్య కార్యక్రమాలు చేసి, ఏమైనా పుణ్యం అంటూ ఏదైనా సంపాదించుకుంటే అది అవతలివారికి ఉత్తి పుణ్యానికే వారి ధారపోయటం.. అంటే కష్టం మనది.. తేలికగా కొట్టేయడం వారి వంతు.

# వారేమీ మిమ్మల్ని బలవంతముగా కాళ్ళు మొక్కించికోవటం లేదుగా.. మనంతటమనముగా ఆ పనిని చేస్తున్నాముగా.. అంటే మనంతట మనముగా అవతలి వ్యక్తికి లోంగిపోతున్నాము. ఇక ఇప్పుడు అలా చెయ్యాలో చేయవద్దో ఆలోచించుకోవటం ఇక మీ వంతు..

Tuesday, November 3, 2009

కల్తీ నివారణలో మన వంతు..

ఆమధ్య నా మోటారు సైకిల్ కి 2T ఆయిల్ తక్కువైతే కొనుగోలు చెయ్యటానికి దగ్గరలో ఉన్న ఆయిల్ కొట్టుకి వెళ్లాను.. ఆ కొట్టువాడు నన్ను గుర్తుపట్టి బాగా పలకరించాడు..

నా అవసరమేమిటో చెప్పాను.. 2T ఆయిల్ 2 స్ట్రోకుల బండికి తప్పనిసరి. లోపలినుంచి కాస్ట్రాల్ 2T ఆయిల్ డబ్బా తీసుకొచ్చాడు.. మడ్డిగా, మురికిగా ఉన్న ఆ డబ్బాని బట్టతో తుడిచి మరీ ముందుపెట్టాడు. కస్టమర్ రిసీవింగ్ చాలా బాగా బాగుంది అనుకుంటూ రేటెంతో అడిగాను.. "అన్నయ్యా! బయట వారికైతే MRP మీకే కనుక 5రూపాయలు తక్కువియ్యండి.." అంటూ ఎనిమిది రూపాయలు తక్కువ తీసుకున్నాడు..

ఆహా! ఎంత మంచివాడురా ఇతను అనుకుంటూ.. ఇంటికొచ్చి నా బండిలో ఆ 2T ఆయిల్ పోసాను. కాస్ట్రాల్ కంపనీది కనుక ఆ ఆయిల్ ఎలా ఉందో చూడలేదు.. జస్ట్ నమ్మకంతో ఆ పని చేశాను.. ( ఇంటి వద్దే పోసుకోవటం ఎందుకంటే - ఆ బండిలో 700 మీ.లీ. మాత్రమే పోయాలి. ఎక్కువ పోస్తే కారిపోతుంది. ఇంకో 300 మిలీ అలాగే ఉంచుతాను. బండిలోనిది అయిపోగానే ఇది పోస్తాను. ) కొద్దిరోజుల తరవాత బండిలోని ఆయిల్ అయిపోతే మిగిలినది పోస్తుంటే గమనించాను.. ఆ బండి డబ్బాలో నల్లని మెత్తటి మడ్డి.. ఇదేక్కడిదా అని ఆలోచించాను కాని ఏమీ తట్టలా.. మిగతాది పోసాక ఆ ఆయిల్ డబ్బా లోపలికి చూసాను.. సన్నటి నల్లని మడ్డి.

కాస్ట్రాల్ కంపెనీ వాళ్లు ఇలా భాద్యత లేకుండా ప్యాకింగ్ చేస్తున్నారా అనుకుంటూ నా దైనందిక కార్యక్రమాల్లో మునిగిపోయాను. ఆ తరవాత పది రోజులకి అనుకుంటా - ఓ మాంచి పాఠం నేర్చుకున్నాను.. ఓ పుణ్యక్షేత్రానికి వెళ్లి వస్తున్నప్పుడు నా బండి దుకాణం పెట్టేసింది. దారిలో గుట్టలలో నా బండి పిస్టిన్ పట్టుకుంది.. కదలనని మొరాయించింది.. గేరులలో వేసినప్పుడు వెనక టైరు ఇంచైనా జరగటం లేదు. కిక్కు రాడ్డూ డిటోనే! చేసేది లేక బండిని అలా నెట్టుకుంటూ సమీపములోని ఒక గ్రామానికి తీసుకొచ్చాను. రాత్రికి అక్కడే బండిని వదిలేసి, తెల్లారి మెకానిక్ ని పంపాను.. అతను బండి పిస్టిన్ పట్టుకుందని, అది మార్చాలనీ... అంటే మార్పించాను చేసేదేమిలేక.

నాలుగువేల రూపాయల ఖర్చు అయాక .. చివరిగా అతడిని అడిగాను అలా ఎందుకయ్యిందని.. అతను "పిస్టిన్ కి వచ్చే ఆయిల్ అందక పిస్టిన్ పట్టుకుంది.." చెప్పాడు. షాక్ అయ్యాను.. అంటే ఆ నల్లని మడ్డి ఆయిల్ పైపులో అడ్డం వచ్చి ఇబ్బంది పెట్టింది. ఆ షాప్ వాడి మర్యాద ఏమో గాని నాకు మాత్రం నాలుగు వేల చేతి చమురు వదిలింది..

ఇలా ఎందుకయిందని డిటెక్టివ్ లెవల్లో పరిశోధన మొదలెట్టాను. ఆ కాస్ట్రాల్ డబ్బాని పరిశీలించాను. డబ్బా మీద ప్యాకింగ్ నంబర్లూ, మూత మీద ఉన్న ప్యాకింగ్ నంబర్లూ తేడా ఉండి, మాచ్ కాలేదు.. అంటే - ఎప్పుడో ఎక్కడో ఒరిజినల్ ఖాళీ డబ్బాని సేకరించి పాత వాడిన ఆయిల్ కి కొద్దిగా రంగు కలిపి మళ్ళీ ప్యాకింగ్ చేసారన్నమాట! అదీ సంగతి..

దీనికి విరుగుడు ఏమిటా అని ఆలోచించితే సులభమైన పరిష్కారం దొరికింది.. చాలా మంది కల్తీ దారులకి ఆ వస్తువులను మాత్రమే కల్తీ చేస్తారు కాని దాని ప్యాకింగ్ ని కూడా క్రొత్తగా చేయటానికి ఇష్టపడరు. నా విషయములో కూడా అలాగే జరిగింది. లోపల ఆయిల్ మాత్రం మార్చి, పైన డబ్బా మాత్రం అలాగే ఉంచారు. ఇలా చేయకుండా మళ్ళీ ఉండాలంటే మనం చేయాల్సిన పని ఏమిటంటే చాలా సింపుల్.. ఆ ఖాళీ డబ్బాలు పడేసే ముందు వాటికి దబ్బడం తోనో, లేదా వాడియైన మొలతో - ఒక రంధ్రం చేస్తే సరి.. ఆ డబ్బాని ఎవరూ వాడలేరు.. ఇది కేవలం ఇలా ఆయిల్ డబ్బాలకే కాకుండా పౌడర్ డబ్బాలకీ, నీళ్ళ కానులకీ, మందుల డబ్బాలకీ, బ్రాండెడ్ వస్తువుల పెట్టలకీ చేస్తే మరీ బావుంటుంది.. మీరు అలా చేస్తారని ఆశిస్తున్నాను..

Sunday, November 1, 2009

కాడ మల్లి


ఈ పక్కన ఫోటోలో కనిపిస్తున్నదే కాడ మల్లి చెట్టు. దీన్ని పున్నాగ పూలు, ఖేచరీ మల్లి అనికూడా అంటారు. ఖేచరి అంటే తాంత్రిక పూజల్లోని పదం. నాలుకను బాగా బయటకి చాపిన దానికన్నా ఇంకా ఎక్కువ బయటకి చాపితే ఎలా కనపడుతుందో (కుక్క నాలిక లాగా) - ఈ పూల కాడ కూడా అలా పొడుగ్గా ఉంటుందని ఆ పేరు వచ్చిందని నా చిన్నప్పటి జ్ఞాపకం. అసలు ఆ పూవే నా చిన్నప్పటి జ్ఞాపకం.

నేను నా హై స్కూల్ చదువు చదివేటప్పుడు నేను చదివే స్కూల్ చాలా ఊరిబయట ఉండెడిది. బహుశా 3 కి.మీ.ల దూరం. రోజూ నడుచుకుంటూ వెళ్ళేవాడిని. స్కూల్ కి ఇవతల ఈ చెట్టు ఉండెడిది. చలికాలంలో పొద్దున్నే స్కూల్ కి వెళ్ళేవాడిని. ఆ చెట్టు చుట్టూరా ఆ పూలు పడి ఉండేవి. పోనీ ఎక్కి తెంపుదామంటే చాలా పొడవుగా ఉండెడిది. ఆ పూలని ఏరేడివాల్లము. మా పూల ఏరటం ని చూసి ఆ చెట్టుకూ తమాషాగా అనిపించేదిదో గాని, గాలికి ఒక్కో పూవునూ కిందకి వదిలేసేది. ఆ పూలని గాలిలో అందుకోవాలని ఎంతగానో కష్టపడేవాళ్ళం.. మిగతా పిల్లలూ పోటీకి రావటముతో చిన్న, చిన్న పేచీలు వచ్చెడివి.. స్కూల్ బెల్ వినపడగానే అవన్నీ వదిలేసి తుర్రుమని పరిగెత్తడం.. నిజముగా ఆవో మధుర క్షణాలు.. ఇప్పుడు రహదారి విస్తరణలో ఆ చెట్టుని కొట్టేసారు.. కాని నా స్మృతిలోంచి ఎవరూ కొట్టేయలేదు.. నిజానికి ఇన్ని రోజులకి ఇది గుర్తుకువచ్చిందంటే కారణం - నా స్నేహితురాలు. తన ఫోటోలలో ఈ ఫోటో కనపడి.. ... గుర్తుకొచ్చింది.

Monday, October 26, 2009

సంపెంగ పూలు











ఇక్కడ కాడలు, కొమ్ములుగా కనిపిస్తున్నాయే - వాటిని "సంపెంగ" పుష్పాలు అని పిలుస్తారు. కొన్ని చోట్ల "మనోరంజని" అని కూడా వ్యవహారములో ఉంది. చిన్నప్పుడు మాఇంటి పెరడులో ఒక సంపంగిచెట్టు ఉండేది. నిమ్మచెట్టులా అనిపిస్తూ పెరిగే సంపంగిచెట్టు పూలు మాత్రం చాలా సువాసన వేసేది. సీతాఫలం చెట్టు పూవులా ఇది అనిపించిననూ, దానికీ దీనికీ చాలా తేడా ఉంది. పూవు వాసన మాత్రం చాలా బాగా ఉంటుంది.

మొదటి ఫోటోలో ఉన్నట్లు ఇది ఆకుపచ్చ రంగులో ఉన్నప్పుడు ఏమాత్రం వాసన ఉండదు. కాని ఆకుపచ్చ రంగు నుండి పసుపుపచ్చ రంగుకి మారుతున్న క్రమములో దానికి సువాసన పెరుగుతూ ఉంటుంది. ఈ చెట్టు పూవులను మాకు తెలీయకుండా వారూ, వీరూ కోసుకుపోయేడివారు. మా ఇంటి పెరడు ఇంటి ముందు ఉండటంతో, దానికి కంచె అంటూ లేక పోవటముతో అలా పూలన్నీ పరులపాలయ్యేటివి.. మాకు ఎప్పుడో ఒకటి దొరికేవి. అదీ ఏ ఆకుచాటుల్లో ఉండిపోతే! ఈ పూలకి ఆకర్షక పత్రాలు అంటూ లేకపోయినా కీటకాలని బాగా ఆకర్షించేటివి. ఇప్పుడు ఈ చెట్టును ఇంటి విస్తరణలో కొట్టేసినా, అప్పటి గత స్మృతులు ఇంకా పదిలముగా ఉన్నాయి..

Tuesday, October 20, 2009

చలికాలం - స్వెట్టర్లు

చలికాలాన్ని ఎదుర్కోవటానికి ఉపయోగించే వస్తువుల్లో స్వెటర్లు ఒకటి. చాలామంది స్వెటర్లు ధరిస్తారు కాని అవి తగిన వాటిని ఎన్నుకొని, ఉపయోగించరు. బహుశా వారికి అవగాహన లేమి అని నేను అనుకుంటాను. వారూ, వీరు చెప్పిన సూచనల ప్రకారం కొనుకొని, అవి ధరించి కూడా చలికి వణుకుతూ ఉంటారు.. అవసరమైతే ఆపైన ఇంకోటీ వేసుకుంటారు. నేను అప్పుడెప్పుడో స్వెటర్లు వేసుకున్నాను కాని, చలిని ఎదుర్కునే పద్దతులు కనిపెట్టాక స్వెటర్లు వేసుకోవటం మానివేశాను. అందులో కొన్ని మెళకువలు మీకోసం, మరికొన్ని మిగతా వ్యాసాల్లో తెలియజేస్తాను..

1. సాధారణముగా నేపాలీ వాళ్లు అమ్మే స్వెటర్లు చాలామంది ఖరీదు చేస్తారు. ఎందుకంటే నేపాల్ చలిదేశము, అందువల్ల ఈ స్వెటర్లు వేసుకొనే అక్కడివారు చలిని దూరం చేసుకుంటారనే అపోహ వల్ల వారివద్ద కొంటుంటారు. అతి తక్కువ ఖరీదు, బేరం బాగా చేయవచ్చు, సగం ధరకి అడగవచ్చు, లావుగా మందములో స్వెటర్లు వారివద్ద లభిస్తాయని... ఇత్యాది కారణాలవల్ల కొనుగోలు సాగిస్తుంటారు. వీటిగురించి మీకు ఇప్పుడు వివరిస్తాను.

2. తక్కువ ఖరీదు అన్నది ఆ స్వెటర్లులో వాడే ఉన్నిని / ఊలు బట్టి ఉంటుంది. ఊలు తక్కువ పెట్టి, మిగతాది పత్తి గాని, సింథటిక్ మెటీరియల్ గాని పెట్టి చేస్తే తక్కువకే ఆ వస్తువు తయారవుతుంది. ఒక్కమాటలో చెప్పాలంటే చిక్కటిపాలధర ఒకటే ఉంటుంది. అందులో నీళ్లు కలిపినదానిబట్టే ధర తగ్గుతుంది కదా.. ఇదీ అంతే.

3. బేరం బాగా చేయవచ్చు అనేది - మీరు బేరం బాగా చేస్తారని ఆ కొట్టువాడు ఊహించి వస్తువు ధరకి ఎంతో ఎక్కువగా ధర చెబుతాడు. మీరు సగం ధరకి బేరం ఆడుతారు. అతను మనసులో పొంగిపోయి (అసలు రేటుకన్నా కొంత ఎక్కువే వచ్చింది అనుకొని) మొఖం విచారముగా పెట్టి రాదు, రాదు అంటూ కొంత ఎక్కువకే మళ్ళీ పెంచి మీకు అమ్మేస్తాడు - ఆ ధర తనకి ఖరీదు అంటూ, పైగా ఈ విషయం ఎవరికీ చెప్పొద్దని దిగాలుతో కూడిన స్వరముతో అంటాడు. మనసులో మాత్రం "పోరా పుల్లాయ్!.. నీ మొఖం" అనుకుంటాడు. ఒక్కటి మాత్రం నిజం!. "లాభం లేనిదే వ్యాపారి వరదన పోడు".. అన్న సామెత అక్షరసత్యం.

4. కల్తీ గురించి: కల్తీ కాని వస్తువు ఈ ప్రపంచములో దొరికినా అది చాలా ధరలో ఉంటుంది. చాలా వాటిల్లో కల్తీ అన్నది తప్పనిసరి. అదెలాగో తరవాత చెబుతాను. ఇక్కడ స్వేటరులో కల్తీ కాని ఊలు వాడితే మీరు కొనడానికి సందేహించేలా రేటు ఉంటుంది. అమ్మేవాళ్ళు దాన్ని అమ్మే వచ్చిన లాభముతో బతకాలి కాబట్టి కొంత నాణ్యత తక్కువగానే ఉంటుంది.

5. మందముగా ఉన్నా స్వేటర్ల గురించి: ఎంత మందముగా ఉంటే అంత చలిని ఆపుతాయి అనుకుంటారు కాని వాటిని వేసుకున్నాక ఇంకా చలివేస్తూనే ఉంటుంది.. కారణం: మందముగా రావటానికి గళ్ళు గల్లుగా, కొద్దిపాటి సందులు పెట్టి అల్లుతారు. ఆ సందుల్లోంచి శరీర వేడి బయటకి వెళ్ళిపోయి, అందుల్లోంచే చల్లగాలి మనకి తగులుతూ ఉంటుంది.. వణుకుతూ ఉంటాము..

అందుకే ఎలాంటివి కొనాలంటే -

# స్వేటరు కాటనా? నైలానా? పాలీస్టారా? అనేది కాదు ముఖ్యం.. మనం వేసుకున్నప్పుడు మనకి గుచ్చుకున్నట్లు, ఇరిటేషన్ కలిగించేలా అసలు ఉండకూడదు.. చాలా మెత్తగా, మృదువుగా, హాయిగా ఉండాలి.

# మన శరీరానికి మరీ బిగుతుగా కాకుండా, లూజుగా కాకుండా "హత్తుకునేలా" ఉంటే చాలు. మీ నుండి వేడిని బయటకి పంపదు.

# స్వెటర్ మందముగా ఉందా, పలచగా ఉందా అని కాదు చూడాల్సింది.. పగలు అయితే ఆ స్వేటరుని సూర్యుడి వైపు పట్టుకొని అందులోంచి సూర్యున్ని చూస్తే, సూర్యుడు ఎంతగా కనిపించక పోతే అంత మంచిది. రాత్రిపూట అయితే ప్రకాశవంతమైన బల్బు కేసి చూడాలి. అంటే - ఉన్ని అల్లిక ఎంత దగ్గరగా ఉందో అంతగా మీకు చలినుండి రక్షణ కలగజేస్తుంది. అంటే ఒక అంగుళం బట్టలో ఎంత దగ్గరగా ముడులు ఉన్నాయో అంత మంచి నాణ్యతగా ఉంటుంది అన్నమాట.

# కప్పుకునే రగ్గు విషయములో కూడా ఈ సూత్రం పనిచేస్తుంది. అది ఎంతమందముగా ఉందన్నది కాదు. ముడులు ఎంత దగ్గరగా ఉందన్నది చూడాలి. పలచని కాటను వస్త్రము అల్లిక దగ్గరగా ఉంటే అదీ చలినుండి కాపాడుతుంది. నాకు తెలిసిన వారింట్లో ఒకసారి అంగుళానికి 400 ముడులున్న పలుచని బట్ట కప్పుకున్నాను. అసలు చలే వేయలేదు. అప్పుడు అర్థమయ్యింది. చలిని ఎదురుకోవాలో..

# చలికాలములో లోదుస్తులుగా బనియన్లని వాడుతాముగా.. అవిచేతుల్లేనివి కాకుండా చేతులున్న బనియన్లని మీ శరీరానికి అతుక్కునేలా ఉన్నవి వేసుకోండి. పైన ఫుల్ షర్టు / చేతులున్న చొక్కా వేసుకోండి. పగలు సమయములో చేతులు ముడుచుకున్నా రాత్రి సమయాల్లో కిందకి లాగి గుండీ పెట్టుకుంటే మంచిది. మరీ చలిగా ఉంటే కాలరు గుండీ పెట్టుకోవటం మంచిది. అప్పుడు చూడండి చలి, గిలీ ఉండదు. ఈ సూచన వయసుమళ్ళినవారికి, వృద్ధులకి చాలా ఉపయోగకరం.

# వయసుమళ్ళినవారికి, వృద్ధులకి ఓ సూచన: మీరు షర్టు పైన స్వేటరు వేసుకునే బదులు స్వేటరు మీద షర్టు వేసుకోండి. ఆ తేడాలోని మర్మమేదో మీరే తెలుసుకుంటారు..

# ఒకవేళ మీ దగ్గర స్వేటరు అంటూ లేకపోతే లోపల ఒక టీషర్టు వేసుకొని పైన మామూలు ఫుల్ షర్టు వేసుకొని గుండీలు పెట్టుకుంటే సరి.. స్వెటర్ వేసుకున్నట్లుగా ఉంటుంది. ఈ పద్దతులు పాటించి ఈసారికి, ఎల్లప్పటికినీ చలిని దూరం చేసుకుంటారని ఆశిస్తున్నాను.. 

Friday, October 9, 2009

Chakram - Jagamanth kutumbam


చిత్రం : చక్రం
సంగీతం:చక్రి
రచన: సీతారామశాస్త్రి
గానం: శ్రీ
**********
పల్లవి:
జగమంత కుటుంబం నాది - ఏకాకి జీవితం నాది
సంసార సాగరం నాదే - సన్యాసం, శూన్యం నావే
జగమంత కుటుంబం నాది - ఏకాకి జీవితం నాది

సంసార సాగరం నాదే - సన్యాసం, శూన్యం నావే // జగమంత కుటుంబం నాది //

చరణం 1:
కవినై కవితనై - భార్యనై, భర్తనై (2)
మల్లెలదారిలో - మంచు ఎడారిలో (2)
పన్నీటి జయగీతాలు - కన్నీటి జలపాతాల
నాతో నేను సంగమిస్తూ - నాతో నేనే రమిస్తూ
వంటరినై అనవరతం - కంటున్నాను నిరంతరం
కలల్ని, కధల్ని, మాటల్ని, పాటల్ని, రంగుల్ని.. రంగవల్లుల్ని -
కావ్య కన్నెల్ని, ఆడపిల్లల్ని!! // జగమంత కుటుంబం నాది //

చరణం 2:
మింటికి కంటిని నేనై - కంటను మంటను నేనై (2)
మంటల మాటున వెన్నెల నేనై - వెన్నెల పూతల మంటను నేనై
రవినై, శశినై, - దివమై, నిశినై నాతో నేను సహగమిస్తూ - నాతో నేనే రమిస్తూ
ఒంటరినై ప్రతి నిముషం - కంటున్నాను నిరంతరం
కిరణాల్ని కిరణాల హరిణాల్ని హరిణాల - చరణాల్ని
చరణాల చలనాన కనరాని గమ్యాల కాలాన్ని -
ఇంద్రజాలాన్ని // జగమంత కుటుంబం నాది //

చరణం 3:
గాలిపల్లకీలోన తరలి - నా పాట పాప ఊరేగి వెడలె
గొంతువాకిలిని మూసి మరలి - తను మూగవోయి నా గుండె మిగిలె
నా హృదయమే నా లోగిలీ - నా హృదయమే
నా పాటకి తల్లీ నా హృదయమే నాకు ఆలి -
నా హృదయములో ఇది సినీ వాలి // జగమంత కుటుంబం నాది //

Krottha bangarulokam - Nenani, Neevani, verugaa..


చిత్రం: కొత్త బంగారులోకం (2009)
సంగీతం: మిక్కి జే. మేయర్
రచన: సీతారామశాస్త్రి
గానం: శ్వేతా పండిత్
*************
పల్లవి:
నేననీ, నీవనీ.. వేరుగా లేమనీ - చెప్పినా వినరా.. ఒకరైనా
నేను నీ నీడనీ నువ్వు నా నిజమనీ - ఒప్పుకోగాలరా.. ఎపుడైనా
రెప్ప వెనకాలా స్వప్నం, ఎప్పుడేదురయ్యే సత్యం - తెలిస్తే
అడ్డుకోగాలరా వేగం..
కొత్త బంగారు లోకం పిలిస్తే...

చరణం 1:
మొదటి సారి మదిని చేరి.. నిదర లేపిన ఉదయమా..
వయసులోని పసితనాన్ని.. పలకరించిన ప్రణయమా..
మరీ కొత్తగా మరో పుట్టుక.. అనేటట్టుగా ఇది నీ మాయేనా.. // నేననీ, నీవనీ.. వేరుగా లేమనీ //

చరణం 2:
పదము నాది పరువు నీది - రధమువై రా ప్రియతమా..
తగువు నాది తెగువ నీది - గెలుచుకో పురుషోత్తమా..
నువ్వే దారిగా నిన్నే చేరగా - ఎటూ చూడకా వెనువెంటే రానా.. // నేననీ.. నీవనీ.. వేరుగా లేమనీ //

Thursday, October 1, 2009

Edo oka ragam.. Raja (1999)


చిత్రం: రాజా (1999)
రచన: సిరివెన్నెల సీతారామ శాస్త్రి
సంగీతం: S.A. రాజకుమార్.
గానం: చిత్ర
***********
పల్లవి:
ఏదో ఒక రాగం పిలిచిందీ వేళా - నాలో నిదురించే గతమంతా కదిలేలా (2)
నా చూపుల దారులలో - చిరుదివ్వెలు వెలిగేలా
నా ఊపిరి ఊయలలో - చిరునవ్వులు చిలికేలా
జ్ఞాపకాలే మైమరపు - జ్ఞాపకాలే మేల్కొలుపు
జ్ఞాపకాలే నిట్టూర్పు - జ్ఞాపకాలే ఓదార్పు //ఏదో ఒక రాగం పిలిచిందీ //


చరణం 1:
అమ్మా అని పిలిచే - తొలిపలుకులు జ్ఞాపకమే
రా అమ్మా అని అమ్మే - లాలించిన జ్ఞాపకమే
అమ్మ కళ్ళలో అపుడపుడు - చమరింతలు జ్ఞాపకమే
అమ్మ చీరనే చుట్టే - పాప జ్ఞాపకం
అమ్మ నవ్వితే పుట్టే - సిగ్గు జ్ఞాపకం // ఏదో ఒక రాగం పిలిచిందీ //


చరణం 2:
గుళ్ళో కథ వింటూ - నిదురించిన జ్ఞాపకమే
బళ్ళో చదువెంతో - బెదిరించిన జ్ఞాపకమే
గవ్వలు ఎన్నో సంపాదించిన - గర్వం జ్ఞాపకమే
నెమలి కళ్ళనే దాచే - చోటు జ్ఞాపకమే
జామపళ్ళనే దోచే - తోట జ్ఞాపకం // ఏదో ఒక రాగం పిలిచిందీ //

Tuesday, September 29, 2009

దసరా - శమీ చెట్టు, పాల పిట్ట.



ఇది పాల పిట్ట!.. దసరా రోజున ఈ పిట్టను చూడాలి అని నానుడి. కనబడితే అదృష్టం కలిసి వస్తుందని ఆనుకునేవాళ్ళు. నేను చిన్నప్పుడు దసరా రోజున ఊరిబయటకి వెళ్ళితే స్వేచ్ఛగా కనపడేది.. నీకెన్ని కనపడ్డాయి, నాకెన్ని కనపడ్డాయి.. అంటూ ఓ ట్రెండు రోజులదాకా చర్చించుకునేవాళ్ళం. ఆ పిట్ట కనిపిస్తే చప్పట్లు కొట్టి ఇతరులు చూసేలా చేసెడివారు. కనీసం రెండు మూడు పిట్టలైనా చూసేవాళ్ళము. ఇప్పుడు క్రాంక్రీటు కీకారణ్యాలు వచ్చాక ఇలా పంజరాల్లో తప్ప బయట చూడలేము! ఇంకొద్ది రోజులయ్యాక ఇదీ చూస్తామో లేమో!

తెలంగాణా జిల్లాల్లో పాలపిట్టకి ఎంతో ప్రాధాన్యత ఉంది. చూడడానికి పిడికెడు అంతగా ఉండే ఈ పాలపిట్ట సాధారణముగా పొలాల్లో కనపడుతూ ఉంటుంది. ఆసక్తికర విషయం ఏమిటంటే దసరా రోజున కనపడటం చాలా కష్టం. విజయదశమి రోజున ఈ పిట్ట కనిపిస్తే విజయం సిద్ధిస్తుందని చాలా నమ్మకం. దీనికోసం చిన్నా, పెద్దా అంటూ తేడా లేకుండా చెట్టూ, పుట్టా గాలిస్తారు.. ఈ పిట్ట కనిపిస్తే తాము ధరించిన చెప్పులు వదిలి ఆ పిట్ట వంక చూస్తూ మ్రొక్కుతారు. ఇంత విలువ దీనికేందుకు అంటే - పాండవులు తమ అరణ్య, అజ్ఞాత వాసాలు ముగించుకొని రాజ్యానికి వస్తుండగా ఈ పాలపిట్ట కనపడింది - ట. అప్పటినుండి వారికి విజయాలు సిద్ధించాయని జానపదుల నమ్మకం. దసరా రోజున ఒకరికొకరు ఆలింగనం చేసుకొని, జమ్మి ఆకులతో బాటుగా క్రొత్తగా వచ్చిన ధాన్యం కంకులను పెద్దల చేతుల్లో పెట్టి వారికి పాదాభివందనం చేస్తారు. ఆశీస్సులు తీసుకుంటారు. దేవాలయాలను కూడా దర్శిస్తారు..



శమీ చెట్టు! చింతచెట్టులాగా ఉంటుంది.. కాని గులాబీ కొమ్మలకు ఉన్నట్లు ముల్లులుతో ఉంటుంది..పాండవులు పన్నెండు సంవత్సరాల అరణ్యవాసం తర్వాత ఒక సంవత్సరం అజ్ఞాతవాసం చేసినప్పుడు విజయదశమి రోజున - ఈ చెట్టుపైనే తమ ఆయుధాలను దాచిపెట్టారు.. అందుకే విజయదశమి రోజున ఈ చెట్టుకి మోకరిల్లటం!.. దసరారోజున ఈ చెట్టు ఆకులను ఒకరికొకరు ఇచ్చి పుచ్చుకోవటం, ఆలింగానాలు చేసుకొని, శుభాకాంక్షలు చెప్పుకోవటం కూడా ఒక సాంప్రదాయం. ఈ ఆకులను "బంగారు ఆకులు" అని కూడా అంటారు. తెలంగాణా జిల్లాల్లో బంగారం గా పిలుచుకుంటారు..

పాండవులు - ఆయుధాలు అనే కథనే కాకుండా ఇంకో కథ కూడా ఉంది. అదేమిటంటే - పూర్వకాలములో కౌత్సకుడు అనే విద్యార్థి వరతంతు అనే అనే గురువు వద్ద అన్ని విద్యలూ నేర్చుకుంటాడు. చివర్లో గురుదక్షిణ ఇస్తానని పట్టుపడతాడు. వద్దు వద్దు అని ఎంత చెప్పినా ఆ విద్యార్థి వినకపోవటముతో, అలా గయితే నాకు 14 కోట్ల బంగారు నాణేలు గురుదక్షిణగా ఇవ్వమంటాడు ఆ గురువు. ఆందుకోసం అతడు అయోధ్య రాజు శ్రీరాముని పూర్వికుడైన రఘురాజు ని సంప్రదిస్తాడు. ఆ రాజు వద్దకూడా అంత డబ్బు లేక ఆ రాజు ఇంద్రుణ్ణి ఆశ్రయిస్తాడు. ఆ ఇంద్రుడు కుబేరుడి వద్దకి పంపుతాడు. అప్పుడు ఆ కుబేరుడు అయోధ్యలోని శమీవృక్షం నుండి బంగారు నాణేలని కురిపిస్తాడు. వాటిలోంచి గురుదక్షిణ ఇవ్వగా మిగిలిన నాణేలని ప్రజలకి, ఈ శుక్ల దశమి రోజున ఆ కౌత్సకుడు పంచేస్తాడు. అందుకే ఆ ఆకులని దాచుకుంటే సంపద వృద్ధి చెందుతుందని అనే నమ్మకం స్థిరపడిపోయింది.

Wednesday, September 23, 2009

హలో కి బదులుగా..

అలెగ్జాండర్ గ్రాహంబెల్ కనిపెట్టిన టెలిఫోన్ వెన్నెన్నో వయ్యారాలు పోతూ ఏనాడో అరచేతిలో ఒదిగిపోయింది.. ఈ నానో యుగములో - అంతకన్నా మరింతచిన్నగా అవబోతున్నది.. మనలో చాలామందికి టెలిఫోన్లు, మొబైల్ ఫోన్లు ఉన్నాయి.. వాటిని ప్రతిదినమూ వాడుతున్నాము కూడా.. ఫోన్ లేని జీవితాన్ని ఊహించడానికే కష్టము.. ఇంతగా మనతో మమేకము అయిపోయిన ఈ ఫోన్ వాడకములో మీకు మరిన్ని మెలకువలు ఇప్పుడు చెప్పబోతున్నాను.. అందులో మీకిష్ట మైన వాటిని ఆచరించుకోవచ్చును..

1. మీ ఫోనులో ఎక్కువ నంబర్లు పట్టేలా ఉన్న (మొబైల్) ఫోన్ ని వాడండి. క్రొత్తగా వచ్చే ఫోన్ లలో ఉండే మెమొరీ లో ఒక వేయి ఫోన్ నంబర్లు వరకూ ఫీడ్ చేసుకోవచ్చును. ఇలాని సౌకర్యం కల ఫోన్ లతో మనం చేయవలసిన ఫోన్ నంబర్లు / కావలిసిన నంబర్లు అన్నీ మనవద్దె ఉంటాయి.

2. మనకి కావలసిన ముఖ్యమైన ఫోన్ నంబర్లని సిమ్ కార్డులో కాపీ చేసుకోవాలి. ఎప్పుడైనా వేరే ఫోన్ యూనిట్ వాడితే ఈ సిమ్ వేసినప్పుడు వెంటనే ఈ ముఖ్యమైన నంబర్లు అందుబాటులో ఉంటాయి.

3. సిమ్ కార్డు లోని నంబర్లు అన్నీ కాపీ చేసుకున్నామని నిర్లక్ష్యం వద్దు. ఒకవేళ మన ఖర్మకాలి సిమ్ బ్లాక్ అయితే ఇబ్బంది. ఎందుకైనా మంచిది - ఒక డైరీలో ఫోన్నంబర్లు అన్నింటిని వ్రాసుకోవడం మంచిది.

4. సిమ్ ఫోన్ బుక్ లోని నంబర్లు అన్నీ ఫోన్ లోని మెమరీ కార్డులోకి కాపీ చేసి.. తరవాత కంప్యూటర్ లో ఒక ఫోల్డర్ క్రియేట్ చేసి అందులోకి USB డాటా కేబుల్ ద్వారా కాపీ చేసి భద్రపరచుకోవాలి. ఎపుడైనా మీ ఫోన్ పోతే.. క్రొత్త ఫోన్ కొన్నప్పుడు అన్ని నంబర్లు లనీ మళ్ళీ కష్టపడి టైపు చేయకుండా, సింపుల్గా ఈ ఫోల్డర్ నుండి USB ద్వారా కాపీ చేసుకుంటే చాలు. (ఫోల్డర్ ; మెమరీ కార్డు ; ఫోన్ బుక్ ; సిమ్ కార్డు). కొన్ని మొబైల్ సంస్థలు మీ సిమ్ లోని నంబర్లు అన్నీ కాపీ చేసి భద్రపరిచే సౌకర్యాన్ని కల్పించాయి, కాని నెలకు 30 రూపాయల చేతి చమురు వదిలిపోతుంది. నెలకే అంత అయితే సంవత్సరానికి 360 రూపాయలే! వామ్మో!! అంత అవసరమా!

5. మొబ్లె షాపులలో మీకు బాగా తెలిసిన షాపులోకి వెళ్లి పాతది పడేసిన సిమ్ కానీ, యాక్టివేషన్ కాకుండానే గడువు ముగిసిన సిమ్ (అమ్మకుండా మిగిలినది) అడిగి తీసుకోండి. దాన్ని మీ మొబైల్ లో వేస్తే "sim rejected" అని వస్తుంది. ఆ విషయం పట్టించుకోకుండా ఫోన్ బుక్ ఓపెన్ చేసి, ఫోన్ బుక్ లోని పేర్లన్నీ ఆ సిమ్ లోకి కాపీ చేసుకోవచ్చు. ఆ తరవాత ఆ సిమ్ ని భద్రముగా దాచుకోవచ్చు. ఎప్పుడైనా క్రొత్త ఫోన్ కొంటే ఈ సిమ్ వేసి పేర్లన్నీ ఫోన్ లోకి కాపీ చేసుకోవచ్చు. ఇది చాలా తేలికగా ఉంది కదూ!

6. ఫోన్ రింగ్ అవగానే వెంటనే ఫోన్ ఎత్తకండి. అది ఏ నంబర్ నుండి వచ్చిందో చూడటం, రెండు , మూడు రింగులయ్యాక ఫోన్ ఎత్తడం కూడా అలవాటు చేసుకోండి. ఏదైనా అర్జెంట్ / మీరు ఎదురుచూస్తున్న కాల్ అయితే పరవాలేదు కాని నంబర్ చూసాక రెసీవ్ చేసుకోవడం చాలా మంచిది. ఎందుకంటే ఫోన్ చేస్తున్నది ఎవరో, కారణం ఏమి ఉంటుందో కాస్త అంచనాకి రావచ్చును అంతలోగా.. మీరు ఇబ్బందితో ఏదైనా నిర్ణయం తీసుకోవలసివస్తే ఈ రెండు, మూడు రింగుల కాలాయాపన కారణం చూపి "నేను మీటింగ్ లో ఉన్నాను.. బయట ఉన్నాను.. ఒక అర్జెంట్ విషయమై వేరే సార్ తో.. " అంటూ ఏవో సాకులు చెప్పి తప్పించుకోవచ్చు..

7. ఫోన్ రింగ్ అవగానే ఎవరు కాల్ చేస్తున్నారో చూసి వారి పేరు ఫీడ్ అయి ఉంటుంది కాబట్టి వారెవరో తెసుకొని "హలో" అని అనకుండా డైరెక్ట్ గా వారి పేరుతో వారిని పలకరించండి. ఉదాహరణకి సుబ్బారావ్ మీకు ఫోన్ చేసినట్లయితే - హలో అని అనకుండా "చెప్పండి సుబ్బారావు గారూ! మీరు చాలా కాలము తరవాత ఫోన్ చేసారు! ఏమిటీ సంగతీ!.." అంటూ వారి యోగక్షేమాలు గురించి మాట్లాడండి. అవతలి వ్యక్తి డంగై పోతాడు.. "ఇతను నన్నూ, ఇంతగా నా పేరు గుర్తుంచుకున్నాడా.. " కించిత్ హాశ్చర్య పడిపోతాడు కూడా! మిమ్మల్ని ఇంకా అభిమానిస్తాడు. చాలా మందికి వారికి ఇష్టమైన పిలుపు ఏమిటంటే - వారిని గుర్తుంచుకొని పేరుతో పిలవడం..

8. యోగ క్షేమాలు ఎక్కువగా అడగవద్దు! ఒకటి, రెండు ముక్కల్లో విషయం తేల్చేయ్యాలి చాలామంది తమ విషయాలు చాలా పర్సనల్ గా ఫీల్ అవుతారు.. వారు చెబితేనే వింటేనే బాగుంటుంది. గుచ్చి గుచ్చి అడిగితే మళ్ళీ మనకి ఫోన్ చెయ్యలేక పోవచ్చు..

9. మన దగ్గర ఎంత విలువైన ఫోన్ యూనిట్ ఉందని కాదు.. మనం దాన్ని ఎంతగా వాడుకుంటున్నామని చూడాలి. అంటే వేలకి వేలు పోసి High-end యూనిట్ కొనుక్కొని, అందులోని ఫీచర్స్ అర్థం కాక, ఎలా వాడాలో, జీవితములో వాడని వాటికి డబ్బులు పెట్టి కొనడం తెలివైన పని అనిపించుకోదు. ఉదాహరణకి: నాకు తెలిసిన ఒకతను 16 వేలు పెట్టి ఒక ఫోన్ కొన్నాడు. కాని అతడికి SMS పంపడం కూడా రాదు. 3.2 మేగాపిక్సేల్ కెమరాని కూడా వాడటం చాలా అరుదు. ఇక GPRS / ఇంటర్నెట్ అనేవి కలలో కూడా వాడడు. ఇలాంటివాడికి అంతటి ఫోన్ దండగే అనిపిస్తుంది కదూ! ఫోన్ యూనిట్ ని ఒక హోదా చిహ్నముగా భావించేవారిని చూసి నవ్వుకోండి. వాళ్లింకా పాత రాతి యుగములోనే ఉన్నందులకు జాలిపడండి. కాస్త పెట్టుబడి పెట్టి ఎక్కువగా లాభం పొందేవారిని చూసి నేర్చుకొనడములో సిగ్గుపడాల్సిన పనేమీ లేదు..

10. ప్రతి ఫోనులో కాల్ హిస్టరీ అంటూ ఉంటుంది. ఏ రోజున, ఏ సమయములో, ఎక్కడికి ఫోన్ చేసారో అందులో ఎప్పటికి అప్పుడు చేరుతూనే ఉంటుంది. అదికాకుండా మనకి వచ్చిన Missed calls, Recieved calls, Dailled calls ఇవి ఒక్కోదానికి 20 నంబర్లు వరకూ ఆడ్ అవుతాయి. 21 వస్తే మొదటిది ఆటోమాటిక్గా డిలిట్ అవుతుంది. దీన్ని ఎలా ఉపయోగించుకోవాలో మీకు ఇప్పుడు చెబుతాను. ప్రతి రోజూ రాత్రి / మీకు వీలున్నప్పుడు ఈ లిస్టు అంతా చెక్ చేసుకోండి. అవతలివారు ఎప్పుడు, ఎందుకు కాల్ చేసారో తిరిగి ఒకసారి గుర్తుచేసుకోండి.. దాన్ని విశ్లేషించుకోండి.. అలా ఎవరు చేసారు, 
ఎందుకు చేసాడు, 
ఎప్పుడు చేసాడు, 
ఏమి అడిగాడు, 
నేనేమి చెప్పాను.. 
నేను అప్పుడు ఇంకా ఎలా మాట్లాడితే ఇంకా బాగుండేది?.. అని. ఇలా చేస్తే మానవ సంభంధాల విషయాల్లో మీరు బాగా ఎదుగుతారు. ఇంకో విషయం: ఆ కాల్ ఇక అవసరం లేదు అన్నప్పుడు డిలిట్ చేసేయండి. లేక అవతలివారికి ఏదైనా పని చెప్పి అది ఇంకా పెండింగ్ లో ఉంటే ఆ దేటైల్స్ ని అలాగే ఉంచేయండి. మళ్ళీ కాల్ చేసినప్పుడు ఆ సమయం, తేదీని వారికి చెప్పి గుర్తు చేయవచ్చు. అవతలి వ్యక్తితో ఆ పని ముగిసిన తరవాత డిలిట్ చెయ్యండి.

11. చాలామంది రాత్రిన పడుకునే ముందు ఫోన్ బ్యాటరీ చార్జింగ్ కి పెట్టి పడుకుంటారు! దానివలన బ్యాటరీ మన్నిక కాలం తక్కువ అవుతుంది. ఇలా చేయక పొద్దున్నే లేవగానే మీరు చార్జింగ్ కి పెట్టి, మిగతా కార్యక్రమాలు జరుపుకుంటే.. అంతలోగా చార్జింగ్ అయిపోతుంది. (ఇక్కడ మొబైల్ తయారీ కంపెనీల వారికి ఓ చిన్న సూచన: చార్జింగ్ పూర్తికాగానే చార్జింగ్ అయినట్లు రింగ్ అవుతే చాలా బాగుంటుంది.. దీనికి కొద్దిగా సాఫ్టువేరు మారిస్తే సరి..)

12. చార్జర్ లలో మొబైల్ తో ఇచ్చే అన్ని చార్జర్ లూ సరియైనవి ఉండవు. చాలా చార్జర్స్ 150mA, 300mA ఉంటాయి. కాని 500mA, 800mA చాలా ఫాస్టుగా చార్జింగ్ జరిగిపోతుంది. ఈ 800mA చార్జర్ ఒక మొబైల్ ఫోన్ బ్యాటరీని 40 నిముషాల్లో ఫుల్ చార్జింగ్ ని చేస్తుంది.

13. మీది ఫోన్ ఏదున్నా, చార్జర్ ఏదున్నా chengeover charger pins అంటూ మొబైల్ షాపుల్లో దొరుకుతాయి. అది ఒకటి కొనుక్కొని జేబులో వేసుకొని ఉంచుకుంటే ఎక్కడైనా చార్జింగ్ చేసుకోవచ్చు..

14. ఎవరైనా కొత్తవాళ్ళు ఫోన్ చేస్తే, వారితో మాట్లాడాక వారు మనతో మళ్ళీ ఫోన్ చేస్తారని అనిపిస్తే, ఆ నంబర్ ని సేవ్ చెయ్యండి. వారి పేరు లేదా వృత్తి లేదా ఊరు లేదా పని.. వీలయితే వారి ఫోటో తీసి, ఆ ఫోటోని ఈ నంబర్ కి కలిపితే.. ఆ నంబర్ గల వ్యక్తి మనకి ఫోన్ చేసినప్పుడు మొబైల్ స్క్రీన్ పైన తన ఫోటో వస్తుంది. అప్పడు ఈజీగా తనని గుర్తించవచ్చు..

15. మనం ఎప్పుడూ ఫోన్ చేసే నంబర్లని స్పీడ్ డయల్ లో పెట్టుకోవాలి. ఇందులో కీ బోర్డ్ లోని 2 - 9 వరకు నంబర్లని ఈ స్పీడ్ డయల్ నంబర్లు గా పెట్టుకోవచ్చు. ఉదాహరణకి 5వ నంబర్ ని ఇంటివారికి ఎన్నుకొని ఉంటే - ఈ 5వ నంబర్ ని నొక్కి, తరవాత డయల్ కీ నొక్కితే సరి.. వారికి ఫోన్ కలుస్తుంది. మొత్తం నంబర్ టైపు చేయాల్సిన అవసరం లేకుండా తేలికగా లైను కలుస్తుందికదూ!!!! .. 

last updated on 5-October-2009 10:00am.

Tuesday, September 22, 2009

Nee navvu cheppindi naatho.. Antham


చిత్రం: అంతం (1990)
సంగీతం: R.D.బర్మన్
గానం: S.P.బాలు
*************
పల్లవి:
నీ నవ్వు చెప్పింది నాతో - నేనెవ్వరో ఏమిటో!
నీ నీడ చూపింది నాలో - ఇన్నాళ్ళ లోటేమిటో.. (2)
ఓ ఓ ల ల లా లా - ఓ ఓ ల ల లా లా....

చరణం 1:
నాకై చాచిన నీ చేతిలో - చదివాను నా నిన్ననీ (2)
నాతో సాగిన నీ అడుగులో - చూసాను మన రేపునీ
పంచేందుకే ఒకరు లేని - బతుకెంత బరువో అనీ
ఏ తోడుకి నోచుకోని - నడకేంతో అలుపో అనీ..

చరణం 2:
నల్లని నీ కనుపాపలలో - ఉదయాలు కనిపించనీ (2)
వెన్నెల పేరే వినిపించనీ - నడిరేయి కరిగించనీ
నా పెదవిలో నువ్వు - ఇలాగే చిరునవ్వు పుడుతుందనీ
నీ సిగ్గు నా జీవితాన - తొలి ముగ్గు పెడుతుందనీ..

చరణం 3:
ఏనాడైతే ఈ జీవితం - రెట్టింపు బరువెక్కునో.. (2)
తనువూ మనసూ చెరి సగమని - పంచాలి అనిపించునో
సరిగా అదే శుభముహూర్తం - సంపూర్ణ మైయ్యేందుకు
మనమే మరో కొత్త జన్మం - పొందేటి బంధాలతో..
ఓ ఓ ల ల లా లా... ఓ ఓ ల ల లా లా

నీ నవ్వు చెప్పింది నాతో - నేనెవ్వరో ఏమిటో!
నీ నీడ చూపింది నాలో - ఇన్నాళ్ళ.. లోటేమిటో..!!

Monday, September 21, 2009

క్రొత్త చెప్పులు, మన్నిక - ఒక ఐడియా.

ఇకనుండీ విషయ పరిచయం నుండి సుత్తి కొట్టక అసలు విషయం కి వద్దామని అనుకుంటున్నాను!

ఎందుకంటే కొంత ఇంట్రో అవ్వాలి - క్రొత్త చెప్పులు, మన్నిక, నిర్వహణ, మెళకువలూ.. ఇవన్నీ చెప్పి బోరు కొట్టకుండా నేరుగా నేను చెప్పాలనుకున్న విషయానికి వస్తాను. (మన్నించాలి.. ఇలా దీర్ఘముగా చెపితే బోరూ, టైపు చెయ్యటానికి శ్రమా, కాల ప్రయాస.. నిరీక్షణలు తప్పుతాయని అనిపించి, దీనివలన క్రొత్త టపాలు తొందరగా పెట్టవచ్చనీ నా ఆశ.)

సాధారణముగా మన పాదరక్షణ కోసమనీ వందల్లో ఖర్చు చేసి, మన పాదాలకి రక్షణనే కాకుండా అందానిచ్చే, సరియైన సైజులో పాదరక్షలని మనము కొంటూ ఉంటాముగా.. అంత ఇష్టపడి కొన్న చెప్పులు సహజముగానే ఎక్కువ కాలము మన్నికని ఇవ్వాలని అనుకుంటాముగా.. ఆ చెప్పుల వెల కన్నా ఇంకో పది రూపాయలు కేటాయించుకోండి. కొన్న చెప్పులతో బాటుగా దారిలో "సూపర్ గ్లూ" పాకేట్లు రెండు కొనండి. [pidilite కంపనీ వారి Feviquick Rs. 5/- లవి రెండు కొంటె సరిపోతుంది.. ఎకనామీ కావాలంటే కాస్త పెద్ద ప్యాక్ ఒకటి కొనండి. సాంకేతిక నామం: Cyanoacrylate adhesive ]

ఇంటికి వచ్చేసారా.. ఇక ఈ పద్ధతులని అనుసరించండి:

1. మీ క్రొత్త చెప్పులను వాటి బాక్స్ నుండి బయటకి తీయండి.

2. Feviquick ప్యాకెట్ ని విప్పి, వాడుటకై రంధ్రమును చేసి సిద్ధముగా ఉంచుకోండి.

3. దీన్ని మీ క్రొత్త చెప్పుల జాయింట్ల వద్ద ఒక్కో చుక్కగా పోయండి. (బేస్ మరియు కప్పుల జాయింట్ల వద్ద)

4. ఇలా రెండు చెప్పులకీ / జతకీ పోయండి..

5. ఒకటి, రెండు నిముషాలు ఆరనివ్వండి ( చలికాలము అయితే ఇంకా ఆలస్యము అవుతుందని గుర్తుపెట్టుకోండి)

6. బాగాఆరిపోయాక ఇంకేం మీ క్రొత్త చెప్పులను శుభ్రముగా వాడుకోండి.

ఇలా అయితే మీ చెప్పులు రెట్టింపు కాలము మన్నికని ఇస్తాయి. మగువల చెప్పులకైతే ఇది చాలా ఉత్తమమైన ఆలోచన. వారి నూడుల్ స్త్రాపుల్లాంటి పట్టీలకి మరింత ధృడత్వాన్ని ఇది ఇస్తుంది. మగవారి షూ లకైననూ ఇది సరియైన ఎంపిక. దారిలో తెగిన చెప్పులకి, తగిన రిపేర్ చేయటానికి కూడా ఇది ఉపయోగపడుతుంది..



(ఈ పోస్ట్ రాసాక రెండురోజులకి నేను హైదరాబాద్ లోన ఆటోలో వెళ్ళాల్సివచ్చింది. అక్కడ ఆటో మాట్లాడుకొని పోతుండగా - దారిలో ఇలా ఒక తెగిన చెప్పు వద్దే పెట్రోల్ కని ఆపాడు. నేను రాయటమేమిటి? రెండురోజులకే ఇలా ఫోటో పెట్టుకోవటానికి తెగిన చెప్పు కనపడటమేమిటి? అంతా విచిత్రముగా ఉంది.. ముందు అతుకు ఊడింది కాబట్టి అలా వదిలి వెళ్లిపోయారు.. అప్పటికైనా దాన్ని లోపలికి నెట్టి ఒక చుక్క "సూపర్ గ్లూ" వేస్తే శుభ్రముగా వాడుకోవచ్చుగా.. 100-150 రూపాయలు మిగిలిపోయేవిగా..)

Saturday, September 19, 2009

ఆడపిల్లనమ్మా నేను ఆడపిల్ల...




ఇప్పుడు నేను రాస్తున్న గేయ రచన సినిమా పాట కాదు.. భారతదేశము లోని ఒక రాష్ట్రమైన ఆంధ్రప్రదేశ్ లో ఒక జిల్లా అయిన కరీంనగర్ లోని గోదావరిఖని పట్టణంలో ఉంటున్న "మధుప్రియ" అనే చిన్నారి తనకు తానుగా రాసుకొని, పాడిన పాట ఇది. ఈ పాటలోని అర్థము మనల్ని జీవితకాలం వెంటాడుతుందా! అన్నట్లుగా ఉంటుంది అనడములో ఏమాత్రం అతియోశక్తి లేదు. ఈ పాట పాడిన పాప గొంతులోని జీర, పిచ్, హై పిచ్నెస్.. మనల్ని ఈ పాటని అంత తొందరగా మరచిపోనీయవు..

గేయ రచన:
ఆడపిల్లనమ్మా నే ఆడపిల్లన్నాని
బాధపడకమ్మా నీవు దిగులు చెందకమ్మా..
ఆడపిల్లనమ్మా నే ఆడపిల్లన్నాని బాధపడకమ్మా
నీవు దిగులు చెందకమ్మా..

చరణం 1:
అష్టమిలొ పుట్టాననీ అమ్మా జెష్టదాన్నంటున్నరా
ఈ పాడు లోకములొ అమ్మా హీనంగ చూస్తున్నరా
ఆడదని అంటున్నరా అమ్మా పాడు అని తిడుతున్నరా
అష్టమిలొ పుట్టిన క్రిష్ణుడ్నేమో దేవుడని అంటున్నరా
నన్నేమో పాడుదని తిడుతున్నరా..
//ఆడపిల్లనమ్మా నే ఆడపిల్లన్నాని బాధపడకమ్మా నీవు దిగులు చెందకమ్మా//

చరణం 2:
పలక బలపం బట్టి అమ్మా బడికీ పోతుంటే
ఆడపిల్లయినందుకు అమ్మా సదువెందుకంటున్నరా
సదువెందుకంటున్నరా అమ్మా సందెందుకంటున్నరా
సదువుల తల్లీ సరస్వతి ఆడదె కదమ్మా
నాకేమో సదువెందుకంటున్నరా
//ఆడపిల్లనమ్మా నే ఆడపిల్లన్నాని బాధపడకమ్మా నీవు దిగులు చెందకమ్మా//

చరణం 3:
ఎదిగేటి నన్ను చూసి అమ్మా ఏడుస్తున్నావా
లక్షల కట్నాలు అమ్మా ఎట్లా ఇస్తాననీ
కడుపులోనె ఆడబిడ్డంటె అమ్మా కరగదీస్తున్నరా
ఆడబిడలను వద్దనుకుంటే సృష్టికి మూలమేది
రేపేమో జగతికి మార్గమేదీ

ఆడపిల్లనమ్మా నే ఆడపిల్లన్నాని బాధపడకమ్మా నీవు దిగులు చెందకమ్మా..
బాధపడకమ్మా నీవు దిగులు చెందకమ్మా.. బాధపడకమ్మా నీవు దిగులు చెందకమ్మా..

Friday, September 18, 2009

Tolisaari mimmalni - Srivariki premalekha


చిత్రం: శ్రీవారికి ప్రేమలేఖ (1984)
సంగీతం: రమేష్ నాయుడు.
పాడిన వారు: S. జానకి.
రచన: వేటూరి సుందర రామమూర్తి.
అభినయం: నరేష్, పూర్ణిమ
****************
సాకీ:
శ్రీమన్ మహారాజ - మార్తాండ తేజా
త్రియానంద భోజా - మీ శ్రీచరణాంభోజములకు
ప్రేమతో నమస్కరించి.. మిము వరించి..
మీ గురించి ఎన్నో కలలు గన్న - కన్నె బంగారూ
భయముతో.. భక్తితో - అనురక్తితో
సాయంగల విన్నపములూ!
సంధ్యారాగం చంద్రహారతి - పడుతున్న వేళ
మసక చీకటి మధ్యమావతి - పాడుతున్న వేళ
ఓ శుభ ముహూర్తాన..

పల్లవి:
తొలిసారి మిమ్మల్ని చూసింది - మొదలు
కదిలాయి మదిలోన ఎన్నెన్నో కధలూ.. ఎన్నెన్నో కధలూ
జో అచ్యుతానంద జో జో - ముకుందా
లాలి పరమానంద రామ గోవిందా - జో జో

చరణం 1:
నిదుర పోని కనుపాపలకు - జోల పాడలేక
ఈల వేసి చంపుతున్న - ఈడునాపలేక
ఇన్నాళ్ళకు రాస్తున్నా.. ఈ ప్రేమ లేఖ! //తొలిసారి మిమ్మల్ని//

చరణం 2:
ఏ తల్లి కుమారులో - తెలియదు గాని
ఎంతటి సుకుమారులో - తెలుసు నాకూ
ఎంతటి మగధీరులో - తెలియలేదు గాని
నా మనసును దోచిన - చోరులు మీరూ
వలచి వచ్చిన వనితను - చులకన చేయక
తప్పులుంటే మన్నించి - ఒప్పులుగా భావించి
చప్పున బదులివ్వండీ.. చప్పున బదులివ్వండి! //తొలిసారి మిమ్మల్ని //

చరణం 3:
తలలోన తురుముకున్న - తుంటరి మల్లే
తలపులలో ఎన్నెన్నో - మంటలు రేపే.. ఆహ్! అబ్బా!!
సూర్యుడి చుట్టూ తిరిగే భూమికి - మల్లే
నా ఊర్పుల నిట్టూర్పుకు జాబిలి వాడే.. ఆహ్! ఆహ్!!
మీ జతనే కోరుకుని లతలాగా - అల్లుకునే
నాకు మీరు మనసిస్తే - ఇచ్చినట్టు మాటిస్తే
ఇప్పుడే బదులివ్వండీ.. ఇప్పుడే బదులివ్వండి! // తొలిసారి మిమ్మల్ని//

Tuesday, September 15, 2009

Thota ramudu - O bangaru rangula chilukaa


చిత్రం: తోట రాముడు.
అభినయం చేసినవారు: చలం, ---.
************************
పల్లవి:
ఓ బంగరు రంగుల చిలకా పలకవే వే..
ఓ అల్లరి చూపుల రాజా ఏమనీ!
నా మీద ప్రేమే ఉందనీ - నా పైన అలకే లేదనీ
ఈ ఈ ఓ అల్లరి చూపుల రాజా పలకవా..

ఓ బంగరు రంగుల చిలకా ఏమనీ..
నా మీద ప్రేమే ఉందనీ - నాపైన అలకే లేదనీ..

చరణం 1:
పంజరాన్ని దాటుకునీ - బంధనాలు తెంచుకునీ
నీ కోసం వచ్చా ఆశతో..
మేడలోని చిలకమ్మా - మిద్దెలోని బుల్లెమ్మా
నిరుపేదను వలచావెందుకే.. నీ చేరువలో,
నీ చేతులలో - పులకించేటందుకే.. //ఓ బంగరు రంగుల చిలకా//

చరణం 2:
సన్నజాజి తీగుంది - తీగ మీద పువ్వుంది
పువ్వులోని నవ్వే నాదిలే..
కొంటె తుమ్మెదొచ్చింది - జుంటి తేనె కోరింది
అందించే భాగ్యం నాదిలే..
ఈ కొండల్లో, ఈ కోనల్లో - మనకెదురే లేదులే లే లే

ఓ అల్లరి చూపుల రాజా పలకవా -
ఓ బంగరు రంగుల చిలకా ఏమనీ
నా మీద ప్రేమే ఉందనీ - నా పైన అలకే లేదనీ

Saturday, September 12, 2009

Aaru - Chudodde nanu chudodde


చిత్రం: ఆరు (2005)
రచన: చంద్రబోస్
సంగీతం: దేవిశ్రీ ప్రసాద్
గానం: టిప్పు, సుమంగళి
అభినయించిన వారు: త్రిష, సూర్య.
***************
పల్లవి:


చూడోద్దె నను చూడోద్దె - చురకత్తిలాగా నను చూడద్దె
వేల్లోద్దె వదిలేల్లోద్దె - మది గూడు దాటి వేదిలేల్లోద్దె
అప్పుడు పంచిన నీ మనసే - అప్పని అనవద్దే
ఇప్పుడు పెరిగిన వడ్డీతో ఇమ్మని అడగొద్దె // చూడోద్దె //

చరణం 1 :


వద్దు వద్దంటూ నేనున్న - వయసే గిల్లింది నువ్వేగా
పో పో పోమ్మంటూ నేనున్న - పొగలా అల్లింది నువ్వేగా
నిదరోతున్న హృదయాన్ని - లాగింది నువ్వేగా
నలుపై ఉన్న రాతిరికి - రంగులు నువ్వేగా
నాతో నడిచే నా నీడ నీతో నడిపావే
నాలో నిలిచే నా ప్రాణం నువ్వై నిలిచావే // చూడోద్దె //

చరణం 2:


వద్దు వద్దంటూ నువ్వున్నా - వలపే పుట్టింది
నీపైనా కాదు కాదంటూ నువ్వున్నా - కడలే పొంగింది
నాలోన కన్నీళ్ళ తీరంలో - పడవల్లె నిలిచున్నా
సుడి గుండాల శ్రుతిలయలో - వెలుగే ఇస్తున్నా
మంటలు తగిలిన పుత్తడిలో - మెరుపే కలుగునులే
ఒంటిగ తిరిగిన ఇద్దరిలో - ప్రేమే పెరుగునులే // చూడోద్దె //

Saturday, August 8, 2009

పిసినారితనం - చేటు

జీవితములో చాలా చిత్రాతి చిత్రమైన సంఘటనలు జరుగుతుంటాయి.. కొన్ని నవ్వు పుట్టిస్తే, మరి కొన్నేమో నవ్వాలో, ఏడవాలో తెలీని సంఘటనలు అనేకం ఉంటాయి.. చాలా మందిలో లోభత్వం ఎలా ఉంటుందో, వారికి జరిగే నష్టాలు ఏమిటో వారు తెలుసుకోరు..

నేను ఇప్పుడు ఇలాంటిదే ప్రత్యక్ష్యముగా చూసిన సంఘటనని మీకు చెబుతాను. మీకూ ఉపయోగకరంగా ఉంటుంది. ఇది అంతా చదివి వారి పట్ల దయ చూపుతారో, జాలి పడతారో, నవ్వుకుంటారో.. మీ ఇష్టం. చిన్న చిన్న విషయాలకు, పిసినారితనం చూపిస్తే ఏమి జరుగుతుందో ఇప్పుడు మీరూ తెలుసుకుంటారు.

నేను ఇన్కంటాక్స్ (ఆదాయపు పన్ను) ఫైల్ చెయ్యటానికి ఒక చార్టెడ్ అకొంటేంట్ దగ్గరికి వెల్లుతుండేవాడిని. ఎప్పటిలాగానే ఈసారీ వెళ్లాను.. ఫైల్ చేశాను.. వచ్చిన టాక్స్ ని కట్టేసి, నా డాకుమెంట్స్ ని CD లోకి కాపీ చేసుకోవటానికి వెళ్లాను.. నా ఫైల్ ఎక్కడ ఉందో కూడా తెలీకపోతే కంట్రోల్+F పద్దతిలో నా ఫైల్ దొరికించుకొని, కాపీ చేసుకున్నాను.. ఆ తరవాత మా చర్చ కంప్యూటర్ పరిజ్ఞానం మీదకు మళ్ళింది. (వారు నాకంటే ముందుగా కంప్యూటర్ ని నేర్చుకున్నారు, అదీ కోచింగ్ సెంటర్ లో.. వారు నేర్చుకున్నాక రెండు సంవత్సరాలకి నేను నా కంప్యూటర్ మీదే స్వంతముగా నేర్చుకున్నాను.) "మీరు ఏ అంటి వైరస్ సాఫ్టువేరు వాడుతున్నారు" అని. "అవాస్ట్ వాడుతున్నానని" చెప్పాను. వాళ్ల సిస్టమ్ అన్నీ వైరస్ తో ఉన్నాయట. "ఒకసారి మీకు అవాస్ట్ అంటి వైరస్ ఉచితముగా మీకు కాపీ చేసి ఇచ్చానుగా.." అంటే అది ఇన్స్టాల్ చేస్తే లోగా అది ఎక్కడో పడిపోయినదన్నారు. మరి ఇప్పుడు? అని అంటే "మొన్ననే క్విక్ హీల్ అంటివైరాస్ CD కొన్నామండీ 1150-00 రూపాయలు పెట్టి మరీ.. అది ఆ నెట్ కనెక్షన్ ఉన్న ఆ సిస్టమ్ లో మాత్రమే లోడ్ చేసాము.. మిగాతా మూడు సిస్టమ్ లలోకి ఇంకో మూడు అంటివైరాస్ CD లు కొని అందులో ఇన్స్టాల్ చెయ్యాలండీ!.." అన్నారు. నాకైతే నవ్వాలో, ఏడవాలో తెలేట్లేదు.. అలాని ఎందువల్లో ఇప్పుడు డిటైల్డ్ గా చెపుతాను..

వీరి ఆఫీస్ ఒక బంగ్లా పైన మొదటి ఫ్లోర్ లో ఉంటుంది. నాలుగు సిస్టమ్ లు ఉన్నాయి అందులో. ఒకటి బాస్ కి, రెండోది వారి ఆవిడ సిస్టమ్ కి, మిగిలిన రెండూ వారి అసిస్టెంట్ లవి. ఇప్పుడు ఆంటివైరాస్ + నెట్ కనెక్షన్ ఉన్న సిస్టమ్ ఆవిడది. నెట్ అంటే బ్రాడ్ బ్యాండ్ కనెక్షన్ అనుకునేరు.. 200 రూపాయలకి 600 గంటల నెట్ వచ్చే 36kbps కనెక్షన్ అది.. ఇక బాస్ ది అధునాతనమైన లేటెస్ట్ వర్షన్ సిస్టమ్ - LED మానిటర్ తో. ఈ సిస్టమ్ కి అంటి వైరస్ అప్ డేట్ లేదు. ఉన్న ఫైల్స్ అన్నీ అందులోనే ఉంటాయి. ఫైనల్ గా జరిగేవి, స్టోర్ చేసేవి ఇందులోనే ఉంటాయి. వర్డ్ ఫైల్ ఫార్మటు లో వీరి ఫైల్స్ ఒక CD లో కూడా బర్న్ చెయ్యరు అదో అనవసర ఖర్చు అని. ఎప్పుడైనా అవసరం వస్తే పాత కాపీలు అసిస్టంట్ లతో తీయించి, వాటిని టైపింగ్ ద్వారా మళ్ళీ సిస్టమ్ లోకి ఎక్కించి.. పెన్ డ్రైవ్ ద్వారా ఇంకో సిస్టమ్ లోకి కాపీ చేసుకుంటారు.. నవ్వొస్తుందా నిజమేనండీ బాబూ! ఇక్కడ ఇంకో ట్విస్ట్ ఉంది కూడా.. వీరి ఆఫీస్ ఎదురుగా అదే ఫ్లోర్ లో కేవలం మూడంటే మూడే అడుగుల దూరములో కంప్యూటర్ ట్రైనింగ్ సెంటర్ ఉంది. ఈ బాస్ సిస్టమ్ ని ఫార్మాట్ చేసింది వీరే.. "ఎక్కడ ఏమి తేడా వచ్చిందో" తెలీదు గాని.. (ఫార్మాట్ చేసిన డబ్బులు వారికి ఇంకా ఇవ్వలేదని వినికిడి) వీరి సిస్టమ్ ఏమైనా ప్రొబ్లెమ్స్ వస్తే, వీరు ఎంతగా పిలిచినా అప్పుడు.. సాయంత్రం.. రేపు.. మళ్ళీ ఫార్మాట్ చెయ్యాలి అంటూ వీరు సమాధానం ఇస్తున్నారట.

ఈ చార్టెడ్ అకౌంటెంట్ తన కస్టమర్ల వద్ద ఇంకంటాక్స్ ఫైలింగ్ కోసం ఒక్కొక్కరి వద్ద కనీసం వేయి రూపాయలు వసూలు చేస్తాడు. పెద్ద ఆదాయం ఉన్నవారికైతే ఇంకా ఎక్కువ చార్జీ.. ఇలాంటి వారు ఫార్మాట్ చేసిన డబ్బుల కోసం కక్కుర్తి పడ్డారు. ఇప్పుడేమైయింది.? నన్నూ అడిగారు.. ఎలా చెయ్యాలా అని? ఈ పిసినారి కి నేనేమీ చెప్పలేదు కావాలనే!

మీకు ఈ సంఘటనలో మీరు అర్థం చేసుకోవాల్సిన / ఆకళింపు చేసుకోవలసిన విషయాలేమిటో / నీతి ఏమిటో ఇప్పుడు చూద్దాం..

* ఎదురుగా మూడంటే మూడే అడుగుల దూరములో ఉన్నవారినే సరిగా పట్టించుకోవటం లేదు, ఇక మనల్ని ఇంకేం పట్టించుకుంటారు?

* చిన్న విషయాలకీ /చేసిన సేవలకి తగిన కర్టెసీ (టీ, కాఫీ, కూల్ డ్రింక్..) ఇద్దామన్న లౌక్యం లేనివాళ్ళకి మనం సేవలు అందించడం వృధా ప్రయాస.

* సేవలు చేయించుకున్నాక వారి సేవలకి తగిన ప్రతిఫలం ఇచ్చేస్తే, మళ్ళీ మనకెప్పుడు సమస్యలు వచ్చినా వెంటనే వస్తారుకదా..

* అంటివైరస్ 150 రూపాయలు (ఫార్మాట్ కి ) ఇచ్చేస్తే సరిపోయేదిగా.. వీరు టాక్స్ ప్రాబ్లంలతో వారి వద్దకి వెడితే వారూ ఉచితముగా సేవలు అందించరుగా..? (ఇది మిలియన్ డాలర్ల ప్రశ్న). మనం పొందిన సేవలకి తృణమో, ఫణమో ఇవ్వాలని ఇస్తే వారికి ఋణపడి ఉండముగా.. (ఇది ఎలానో ఇంకోసారి చెబుతాను - పూర్వ కాలములో పెద్దలు ఇలా ఆచరించేవాళ్ళు)

* కొద్దిపాటి డబ్బులకి కక్కుర్తిపడి వారి మనసులను గెలుచుకోవడములో విఫలం అయ్యారు. రేపు వీరి ఆఫీస్ లో ఏదైనా ప్రమాదం జరిగినా, ఏదైనా అవసరం ఉంటేనూ, దొంగలు పడ్డా.. . వారు చూసి చూడనట్లు ఉన్నా చెప్పలేం..

* కంప్యూటర్ కోచింగ్ సెంటర్ కాబట్టి నెట్ ఎలాగూ ఉంటుంది. ఉంది కూడా.. ఒక "యాభై రూపాయలు" మనది కావంటే అవాస్ట్ .. మొదలైన ఉచిత అంటివైరస్ సాప్ట్ వేర్స్ అప్-డేట్ గా మన సిస్టమ్ లో వారే లోడ్ చేసేవారుగా.. అలాగే ఎంచక్కా ఫైల్స్ సర్ది ఉంచేవారుగా..

* ఒక అంటివైరస్ CD కొన్నారు. కాని అది ఆఫీసు లోని అన్ని సిస్టమ్ లలో ఇన్స్టాల్ చేసుకోవచ్చు అన్న కనీస జ్ఞానం లేనప్పుడు.. ఆ విషయం తెలిసి, మనకి చెప్పి , మేలు చేసే వారితో పోట్లాడటం భావ్యమా?

* దగ్గరలోని వారు కాబట్టి 200 రూపాయలతో సిస్టం ఫార్మాట్, అంటివైరస్ అప్ డేట్, మ్యూజిక్ ప్లేయర్స్, ఫైర్ వాల్స్, ఆపరేటింగ్ సాఫ్టు వేర్ అప్ డేట్.. ఇలా అన్నీ వారే చూసెడివారుగా..

* అన్నింటికన్నా మరో ముఖ్య విషయం: కేవలం చిల్లర డబ్బులకోసం / మిగులుతాయని ప్రయత్నిస్తే నోట్లే పోతున్నాయి ఇక్కడ.. వెనకటికి ఇలాంటి పరిస్థితిని ఒక్కమాటలో ఇలా అంటారు: "ముందునుంచి చీమ నైనా పోనీయరు గాని ఏనుగులు పోతుంటే పట్టించుకోరు ఇలాంటివారు" అని. ఇది వీరి విషయములో అక్షరాలా నిజం. 


updated on 10 august-2009

Wednesday, July 29, 2009

పేరు మారిస్తే..

మానవుడు అన్నవాడికి ఏదో ఒకటంటూ నామధేయం అంటూ ఉంటుందికదా.. బారసాల నాడు పెట్టిన ఈ పేరు అలాగే కొనసాగుతుంది కదా.. విద్యాభ్యాసం తరవాత ఆర్జనపరులైనప్పుడు వరకూ అంతా ఒకే.! ఆర్జన పరులైనప్పుడు విజయాలు వచ్చనప్పుడు ఏమీ పట్టించుకోము గాని - అపజయాలు ఎదురైనప్పుడు మాత్రం ఏమైయుంటుంది అంటూ అన్నీ ఆలోచిస్తాము.. అలా తీక్షణముగా ఆలోచించి..చించీ.. బుర్ర వేడెక్కి ఇతరులమీద ఆధారపడుతాం! ఇదిగో ఇక్కడే మన పతనం మొదలవుతుంది..

ఈ పేరు మార్చడం సాధారణముగా ఎక్కువగా సినిమా రంగములో చూస్తుంటాము.. నేములోనే నేమున్నది అంటూ బురిడీ కొట్టించి తమ పబ్బం గడుపుకునేవాళ్ళు ఈ రంగములో మెండు.. కోట్లు పోసి తీసిన సినిమా - విడుదల అయ్యాక "ఫట్" అని పేలిపోతుందో అని భయం వల్ల "కొద్దిమాత్రం" (వేలల్లో) ఖర్చే కదాని సాంఖ్యాక శాస్త్ర నిపుణులను (numerical analyst), అచ్చొచ్చిన గురువునో కలుస్తారు. వచ్చినవారిని ఖాళీగా ఎందుకు వదిలెయ్యాలని? (శాస్త్రం గీస్త్రం శుద్ధ దండగ.. అని అనక) వచ్చిన "బకరాలను" అదో, ఇదో చెప్పి వేలకు వేలు లాగి చిన్న పరిష్కార మార్గం చెపుతారు.. ఆ సినిమా పేరులో ఒక అక్షరం ఎక్కువ పెట్టుకో.. అంతా కలసి వస్తుంది అని అంటారు (pavan kalyan అని ఉంటే pavvan kalyaan గా మారుస్తారు).. 

ఇవన్నీ చూసి నచ్చక మనమేమీ మార్చాక "హిట్"అయితే వాడి టైం బావుందనీ, "ఫట్" అయితే నేను ముందే చెప్పలా పేరు మార్చమనీ, వింటేనా.. అని ఎకసేక్కాలు.. ఇలా మార్చాక హిట్ అయితే తమ చలవ అనీ, "ఫట్" అయితే దురదృష్టం బాగా బలంగా ఉందనీ, రాహు,కేతు,సర్ప యాగాలు చేయిస్తే దోషం పోతుందనీ చెబుతారు.. 

మళ్ళీ ఇక్కడ దోపిడీ.. "నీవు అక్కడికి వెళ్ళు అక్కడ నాకు తెలిసిన గురువు ఉన్నాడు.. తను నీకు బాగా హెల్ప్ చేస్తాడు.. తక్కువలో అవుతుంది" అంటాడు. అక్కడికి వెళ్ళాకా ఆ "గురువు" "ఒహొ మీరు వారు పంపగా వచ్చారా?.. మరీ మంచిది అంటూ తన రెట్టింపు ఫీజు, పంపిన వాడికి కమీషనూ, అన్నీ నాణ్యమైన పూజా సామగ్రి, పూజా ఫీజు అంటూ వసూలు చేస్తారు.. ఇంత అయ్యాక గ్యారంటీ ఏమైనా ఇస్తారా అంటే ప్చ్.. నో గ్యారంటీ! ఇక్కడ మనసు ని మాటలతో సంతోషపరచి పంపుతారు అంతే! అయినా "ఫట్" అయ్యిందా.. ఇక దేవుడే దిక్కు..

Sunday, July 26, 2009

నేను చేసిన చికెన్ వంటకం

నేను అప్పుడప్పుడూ సరదాకోసమనీ, రొటీన్ కి భిన్నముగా, కొద్దిగా మూడ్ మార్పు కోసమనీ వంటలు చేస్తుంటాను. నేను వంటలలో అంత ప్రావీన్యుడిని కాను గాని ఎప్పుడైనా అవసరం ఉంటుందేమోనని ఈ వంట నేర్చుకున్నాను.. "మడిసన్నాక కాస్త కలాపోసన ఉండాలని" అన్నట్లు ఈ రంగములో కూడా కొద్దిగా తెలిసుండాలని సరదాగా నేర్చుకున్నాను.. ఇప్పుడు ఆ వంటకం ఎలా చెయ్యాలో ఫోటోల సహాయముతో మీకు వివరిస్తాను.. మీరూ నేర్చుకొండే!.. కమాన్!.. మీరూ రెడీ కదూ.. 

ఇప్పుడు ముందుగా చికెన్ ముక్కలను నీటితో శుభ్రముగా కడుక్కోవాలి.. పెద్ద ముక్కలకి కాస్త లోతుగా గాట్లు పెట్టుకోవాలి. ఇలా చేస్తే గ్రేవీ ఆ సందుల గుండా లోపలి వెళ్ళుతుంది. తినేటప్పుడు కాస్త ఎక్కువ రుచిగా ఉంటుంది కూడా..


పసుపూ, కారం, అల్లం-వెల్లుల్లి పేస్టూ, ఉప్పూ, కొంత వెనిగరూ.. కలపాలి.. ఇలా చేసి ప్రక్కన పెడితే అవన్నీ ముక్కలకి బాగా పట్టుకుంటుంది.


వాటిని బాగా కలియదిప్పి పక్కన ఉంచుకోవాలి.. అవన్నీ ముక్కలకి బాగా పట్టుకోవటానికి అలా కాసేపు వదిలెయ్యాలి..



అలా మారినేట్ అయ్యేలోగా - ఇప్పుడు కొత్తిమీర, కరివేపాకు, పూదినా పక్కన పెట్టుకోవాలి. పచ్చి మిరపకాయలను నిలువుగా కోసుకోవాలి. అలాగే ఉల్లిపాయలనూ సన్నగా తరుముకోవాలి.


ఇలా అన్నీ సిద్దముగా ఒక ప్లేట్ లో రెడీ గా పెట్టుకోవాలి..


ఇప్పుడు స్టౌ వెలిగించి.. పాన్లో నూనె వేడిచేసుకోవాలి.. మంచి రుచి రావటానికి, రిఫైండ్ పల్లి (వేరుసెనగ) నూనె వాడండి. కర్రీ బాగా రుచిగా ఉంటుంది. కాని ఆ నూనె లో కొవ్వు పదార్థాలు ఎక్కువ. కనుక బాగా రుచిగా వండాలి అంటేనే ఆ వేరుసెనగ నూనె వాడండి.



నూనె వేడయ్యాక, అందులోకి పచ్చి మిర్చి వేపుకోవాలి..



ఆ తరవాత ఉల్లిపాయలనీ వేసి, కలియత్రిప్పాలి..



..కరివేపాకూ, కొత్తిమీర, పూదినా వేసుకొని వేపుకోవాలి.. పూదీన కాస్త ఎక్కువగా వేసుకోవాలి.



అవన్నీ కాస్త రంగు మారాక, అప్పుడు అందులోకి - ముందే సిద్దముగా ఉంచుకున్న చికెన్ పేస్టు ముక్కలను పాన్లోకి వంపుకోవాలి..


..కొద్దిగా సోయాసాస్ పోయాలి..



..కొద్దిగా వెనిగరూ కలుపుకోవాలి (ముక్కలు పులుపుగా మెత్తగా ఉడికేందుకై )..


అలాగే కాస్త ఘాటుగా ఉండాలి అంటే - పచ్చి మిర్చి పేస్ట్, దాల్చిన పొడి, లవంగాల పొడి, దంచిన అల్లం ముక్క, ధనియాల పొడి.. వేసుకోవాలి. కొద్దిసేపు (ముక్కలు మెత్తగా అయ్యేవరకూ) మూత పెట్టాలి.. నీరు అసలే పోయవద్దు. చికెన్ లోనుండి వచ్చే రసాలు చాలానే ఉంటుంది. అది సరిపోతుంది.



కొద్దిగా ఉప్పును కలుపుకోవాలి.. కొద్దిగా అల్లము పేస్టు కలపాలి.



ఎండుకొబ్బరిని పొడిగా చేసుకొని, ఇలా వేసుకోవాలి.. అలాగే కాసింత గసాలు మెత్తగా నూరి, ఇందులోకి కలుపుకోవాలి.



తరవాత కొంచెం కారం, చికెన్ మసాలా.. వేసి బాగా కలుపుకోవాలి.



చివరిగా గార్నిషింగ్ కోసం కొద్దిగా కొత్తిమీర, పూదిన, నిమ్మరసం.. వేసుకోవాలి. ఇదిగో.. నోరూరించే చికెన్ వంటకము రెడీ..


బావుందా.. మీరు చేసారా - ఇలా!. ఈ వంటకం మీకు నచ్చిందా..?

updated on 27-July-2008
Related Posts with Thumbnails